କନକ ବ୍ୟୁରୋ: ସାମନାକୁ ଆସିଲା ଯୋଗୀ ସରକାରରେ ଥିବା ମନ୍ତ୍ରୀଙ୍କ ଅସନ୍ତୋଷ । କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଇସ୍ତଫା ପତ୍ର ପଠାଇଲେ ଉତ୍ତରପ୍ରଦେଶର ରାଜ୍ୟମନ୍ତ୍ରୀ ଦୀନେଶ ଖଟୀକ । ଏହାସହ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ରାଜଭବନକୁ ମଧ୍ୟ ନିଜ ଇସ୍ତଫା ପତ୍ର ପଠାଇଥିବା ଜଣାପଡିଛି । ଦଳିତ ହୋଇଥିବା କାରଣରୁ ଦଳରେ ଏବଂ ବିଭାଗୀୟ ଅଧିକାରୀମାନେ ମଧ୍ୟ ତାଙ୍କ କଥା ଶୁଣୁନଥିବା ଅଭିଯୋଗ କରିଛନ୍ତି ମନ୍ତ୍ରୀ ଦୀନେଶ ଖଟୀକ ।
Kanak News is now on WhatsApp
Join and get latest news updates delivered to you via WhatsApp
ଯୋଗୀ ସରକାରରେ ଜଳସମ୍ପଦ ମନ୍ତ୍ରୀ ଥିବା ଦୀନେଶ ଖଟୀକ ଅଭିଯୋଗ କରିଛନ୍ତି ଯେ, ଦଳିତ ହୋଇଥିବା କାରଣରୁ ବିଭାଗରେ ତାଙ୍କୁ କେହି ଗୁରୁତ୍ୱ ଦେଉନଥିଲେ । ଏପରିକି କୌଣସି ଗୁରୁତ୍ୱ ବୈଠକ ହେଲେ ତାଙ୍କୁ ଅବଗତ କରାଯାଉନଥିଲା ବୋଲି ମନ୍ତ୍ରୀ ଅଭିଯେଗ କରିଛନ୍ତି । କେବଳ ସେତିକି ନୁହେଁ ଟ୍ରାନ୍ସଫର ମାମଲାରେ ବଡ ଧରଣର ଦୁର୍ନୀତି ହୋଇଥିବା ଅଭିଯୋଗ କରିଛନ୍ତି । ଏନେଇ ସେ ବିଭାଗୀୟ ଅଧିକାରୀଙ୍କୁ ଜବାବ ତଲବ କରିଥିଲେ ବି ଏଯାଏଁ ତାଙ୍କୁ ଅଧିକାରୀମାନଙ୍କ ଠାରୁ କୌଣସି ଜବାବ ମିଳିନାହିଁ । ତେଣୁ ଏସବୁ ଘଟଣା ଗୁଡିକ ଯୋଗୁଁ ଅସନ୍ତୋଷ ଥିବାରୁ ସେ ଇସ୍ତଫା ଦେଉଥିବା ମନ୍ତ୍ରୀ ସ୍ପଷ୍ଟ କରିଛନ୍ତି ।