ରାତିଅଧରେ ଆକାଉଁଟରୁ ବ୍ଳୁଟିକ୍ ହଟାଇଲା ଟ୍ୱିଟର—ନେତା,ଅଭିନେତା,ସେଲିବ୍ରେଟିଙ୍କ ଆକାଉଁଟରୁ ବ୍ଲୁଟିକ୍ ହଟିବା ପରେ ସୋସିଆଲ ମିଡିଆର ଚାଲିଛି ଟ୍ୱିଟର ଟ୍ରେଣ୍ଡ
କନକ ବ୍ୟୁରୋ : ଗୁରୁବାର ବିଳମ୍ବିତ ରାତିରେ ଭାରତରେ ମାଇକ୍ରୋ ବ୍ଲଗିଙ୍ଗ ସାଇଟ୍ ‘ଟୁଇଟର’ ଯେଉଁ ବଡ ପଦକ୍ଷେପ ନେଇଛି, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରାଇଛି । ରାତାରାତି ଟୁଇଟ୍ର ଦେଶର ସାଧାରଣ ଲୋକଙ୍କ ଠୁ ଆରମ୍ଭ କରି ଅନେକ ପ୍ରଭାବଶାଳୀ ବ୍ୟକ୍ତିଙ୍କ ଆକାଉଂଟରୁ ବ୍ଲୁ ଟିକ୍ ହଟାଇଦେଇଛି । ଏହି ପ୍ରଭାବଶାଳୀ ବ୍ୟକ୍ତିଙ୍କ ମଧ୍ୟରେ ରହିଛନ୍ତି ଅନେକ ରାଜନେତା ଓ ଆଗଧାଡିର ସେଲିବ୍ରେଟି । ବଲିଉଡ ସୁପରପଷ୍ଟାର ସଲମାନ ଖାନ୍, ଶାହରୁଖ, ଅମିତାଭ ବଚ୍ଚନ, ଅକ୍ଷୟ କୁମାର,ବିରାଟ କୋହଲି, ମହେନ୍ଦ୍ର ସିଂ ଧୋନି, ସଚିନ ତେନ୍ଦୁଲକର, ରୋହିତ ଶର୍ମାଙ୍କ ଟୁଇଟର ଆକାଉଂଟରୁ ହଟିଛି ବ୍ଲୁ ଟିକ୍ । ସେହିପରି ରାଜନୀତି ଜଗତର କିଛି ବଡ଼ ଚେହେରାଙ୍କ ମଧ୍ୟ ଆକାଉଂଟରୁ ବ୍ଲୁ-ଟିକ୍ ହଟିଛି । କଂଗ୍ରେସ ନେତା ରାହୁଲ ଗାନ୍ଧୀ, ଉତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୂର୍ବତନ ମୁଖ୍ୟମନ୍ତ୍ରୀ ମାୟାବତୀ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ, ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କସମେତ ଅନେକ ଚିହ୍ନା ଚେହେରାଙ୍କ ଟ୍ୱିଟର ଆକାଉଂଟରୁ ହଟିଯାଇଛି ବ୍ଲୁ-ଟିକ୍ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
୨୦ ଏପ୍ରିଲ ପର ଠାରୁ ଏହି ସେବା ଆଉ ମାଗଣାରେ ଦିଆଯିବ ନାହିଁ ବୋଲି ସେ ସୂଚନା ଦେଇଥିଲେ । ଏହି କ୍ରମରେ ଏବେ ଟୁଇଟରରୁ ଯେଉଁ ଉପଭୋକ୍ତା ବ୍ଲୁ ଟିକ୍ ପାଇଁ ଆଗୁଆ ଟଙ୍କା ପୈଠ କରିନଥିଲେ, ସେମାନଙ୍କ ଆକାଉଂଟରୁ ହଟିଛି ବ୍ଲୁ ଟିକ୍ । ସେପଟେ ଆକାଉଂଟରୁ ବ୍ଲୁ ଟିକ୍ ହଟିବା ପରେ ଟଙ୍କା ପୈଠ କରି ବ୍ଲୁ-ଟିକ୍ ଫେରି ପାଇବାକୁ କହିଛନ୍ତି ବିଗ୍ ବି ଅମିତାଭ ବଚ୍ଚନ । ଏନେଇ ବିଗ୍ ବି ଏକ ମଜାଳିଆ ଟୁଇଟ କରିଛନ୍ତି ।
ଭାରତରେ ଟୁଇଟର ବ୍ଲୁ ଟିକ୍ ମୋବାଇଲ ପାଇଁ ପ୍ରତି ମାସରେ ୯ଶହ ଟଙ୍କା ରହିିଛି । ସେହିପରି ବର୍ଷକୁ ୯ହଜାର ୪୦୦ ଟଙ୍କା ଦେବାକୁ ପଡିବ । ସେହିପରି ୱେବ ପାଇଁ ମାସକ ଦେୟ ରହିଛି ୬୫୦ ଟଙ୍କା ଥିବା ବାର୍ଷିକ ଦେୟ ରହିଛିି ୬ହଜରେ ୮୦୦ଟଙ୍କା । ଏବେ ଉପଭୋକ୍ତା ଟଙ୍କା ଦେଇ, ନେଇପାରିବେ ବ୍ଲୁ ଟିକ୍ ।