ମହାଠକ ସୁକେଶ ମାମଲାରେ ବଦଳିଲେ ତିହାର ଜେଲର ଡିଜି । ଆଇପିଏସ ସଂଜୟ ବେନିବାଲଙ୍କୁ ମିଳିଲା ଦାୟିତ୍ୱ
କନକ ବ୍ୟୁରୋ : ମହାଠକ ସୁକେଶ ଚନ୍ଦ୍ରଶେଖର ମାମଲାରେ ବିବାଦରେ ଥିବା ତିହାର ଜେଲର ଡିଜି ସନ୍ଦୀପ ଗୋଏଲଙ୍କୁ ବଦଳି କରାଯାଇଛି । ତାଙ୍କୁ ପୋଲିସ ମୁଖ୍ୟାଳୟକୁ ପଠାଇ ଦିଆଯାଇଛି । ସେପଟେ ସ୍ପେଶାଲ ସିପି ସଂଜୟ ବେନିବାଲଙ୍କୁ ତିହାର ଜେଲର ନୂଆ ଡିଜି ଭାବେ ଦାୟିତ୍ୱ ମିଳିଛି । ଏନେଇ ଦିଲ୍ଲୀ ଉପ ରାଜ୍ୟପାଳ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଥିଲା କି ଡିଜି ସନ୍ଦୀପ ଗୋଏଲଙ୍କ ସହାୟତାରେ ମହାଠକ ସୁକେଶ ଚନ୍ଦ୍ରଶେଖର ଜେଲ ଭିତରେ ବିଳାଶପୂର୍ଣ୍ଣ ଜୀବନ ବିତାଉଥିଲା । ସେପଟେ ସୁକେଶ ଚନ୍ଦ୍ରଶେଖରଙ୍କୁ ସହାୟତା କରୁଥିବା ଅଭିଯୋଗରେ ୮୧ ଜଣ ଜେଲ ଅଧିକାରୀଙ୍କ ବିରୋଧରେ ଏବେ ଦିଲ୍ଲୀ ପୋଲିସ ଯାଂଚ ଆରମ୍ଭ କରିଦେଇଛି । ଇଡି ତରଫରୁ ଅଭିଯୋଗ ହୋଇଥିଲା କି ସୁକେଶ ତିହାଡ ଜେଲର କର୍ମଚାରୀମାନଙ୍କୁ ଟଙ୍କା ଦେଇ ସମସ୍ତ ପ୍ରକାର ସୁବିଧୁ ସୁଯୋଗ ହାସଲ କରୁଥିଲେ । ଏହାସହ କିଛି ମହିଳା ସୁକେଶଙ୍କୁ ବିନା ଅନୁମତିରେ ଜେଲ ଭିତରେ ଭେଟି ଘଂଟା ଘଂଟା ଆଲୋଚନା କରୁଥିଲେ ।
କବେଳ ସେତିକି ନୁହେଁ ସୁକେଶ ଜେଲ କର୍ମଚାରୀଙ୍କୁ ଲାଂଚ ଦେଇ ଜେଲ ଭିତରେ ଥିବା ପୂରା ଷ୍ଟାଫ ଓ ଜେଲରଙ୍କୁ ବି ନିଜ ସେବାରେ ଲଗାଉଥିଲା । ସେ ରୋହିଣୀ ଜେଲରେ ୧୨ ମାସ ବନ୍ଦିଥିବା ବେଳେ ଜେଲ କର୍ମଚାରୀଙ୍କୁ ୧୨ କୋଟି ଟଙ୍କା ଲାଂଚ ଦେଇଥିବା କଥା ଇଡି ଅଭିଯୋଗ କରିଛି ।
ସେପଟେ ସୁକେଶ ରୋହିଣୀ ଜେଲରେ ଥିବା ବେଳେ ଜେଲ ଭିତରର କିଛି ଫଟୋ ଏବେ ଭାଇରାଲ ହେବାରେ ଲାଗିଛି । ଏଥିରୁ ଜଣାପଡିଛି କି ସୁକେଶକୁ ଜେଲ ଭିତରେ ଗୋଟିଏ ବ୍ୟାରେକ ଦିଆଯାଇଥିଲା । ଏହାସହ ଏସବୁକୁ ଲୁଚେଇବା ପାଇଁ ଜେଲ ଭିତରେ ଲାଗିଥିବା ସିସିଟିଭି କ୍ୟାମେରା ଉପରେ ପରଦା ପକା ଯାଇଥିବା କଥା ମଧ୍ୟ କୁହାଯାଉଛି ।