କନକ ବ୍ୟୁରୋ: ସାଧାରଣ ଖାଉଟିଟିଏ ପାଇଁ ଆସିଲା ଖୁସି । ଟମାଟୋ ଦର ପୁଣି କମ୍ କଲେ କେନ୍ଦ୍ର ସରକାର । ସରକାରଙ୍କ ତରଫରୁ ସାଧାରଣ ଲୋକଙ୍କୁ ଯୋଗେଇ ଦିଆଯାଉଥିବା ସବସିଡି ଟମାଟୋ ଏଣିକି କିଲୋ ପିଛା ୮୦ ଟଙ୍କା ନୁହେଁ ବରଂ ୭୦ ଟଙ୍କାରେ ବିକ୍ରି ହେବ ବୋଲି ସରକାର ଘୋଷଣା କରିଛନ୍ତି । ଆସନ୍ତାକାଲି ଅର୍ଥାତ ଜୁଲାଇ ୨୦ ତାରିଖରୁ ଏହା ସାଧାରଣ ଲୋକଙ୍କ ପାଇଁ ଉପଲବ୍ଧ ହେବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାର ଗତ ସପ୍ତାହର ଶୁକ୍ରବାରଠାରୁ ରିହାତି ଦରରେ ଟମାଟୋ ବିକ୍ରି କରିବା ଆରମ୍ଭ କରିଥିଲେ । ବଜାରରେ ଟମୋଟୋର ବଢୁଥିବା ଦାମକୁ ଦେଖି ସରକାର ଏହି ନିଷ୍ପତ୍ତି ନେଇଥିଲେ । ସରକାରଙ୍କ ତରଫରୁ ସହକାରୀ ସଂସ୍ଥା ଭାରତୀୟ ରାଷ୍ଟ୍ରୀୟ କୃଷି ସହକାରୀ ବିପଣନ ସଂଘ ଲିମିଟେଡ୍ ଏବଂ ଭାରତୀୟ ରାଷ୍ଟ୍ରୀୟ ଉପଭୋକ୍ତା ସହକାରୀ ସଂଘ ଲିମିଟେଡ୍ ଲୋକଙ୍କ ପାଖରେ ରିହାତି ଦରରେ ଟମାଟୋ ପହଞ୍ଚାଇବା ସହ ଏହାକୁ କମ୍ ଦାମରେ ବିକ୍ରି କରୁଥିଲେ ।
उपभोक्ता मामलों के विभाग ने टमाटर की कीमतों में कमी के रुझान को देखते हुए एनसीसीएफ और नेफेड को 20 जुलाई, 2023 से 70 रुपये प्रति किलोग्राम की खुदरा कीमत पर टमाटर बेचने का निर्देश दिया है।@jagograhakjago
विवरण : https://t.co/BXD4szT21E
— पीआईबी हिंदी (@PIBHindi) July 19, 2023
ମିଳିଥିବା ସୂଚନା ମୁତାବକ, ପୂର୍ବରୁ ଟମାଟୋ କେଜି ପିଛା ୮୦ ଟଙ୍କାରେ ବିକ୍ରି କରାଯାଉଥିଲା । ଏବେ ଟମାଟୋ ଦାମ ବଜାରରେ କମ୍ ହେଉଥିବାରୁ, ଏହାକୁ ଦୃଷ୍ଟିରେ ରଖି ସରକାର ମଧ୍ୟ ଟମାଟୋ ଦାମ କମ୍ କରିଛନ୍ତି । ଏଣିକି ୭୦ ଟଙ୍କାରେ ଏହି ସବସିଡି ଟମାଟୋ ମିଳିପାରିବ ।
ସୂଚନାଯୋଗ୍ୟ ଯେ, ଏନସିସିଏଫ୍ ଏବଂ ଏନଏଏଫଇଡି ଦ୍ୱାରା କିଣାଯାଇଥିବା ଟମାଟୋକୁ ପ୍ରଥମେ ରିହାତି ଦରରେ ୯୦ ଟଙ୍କା ପ୍ରତି କେଜି ବିକ୍ରି କରାଯାଇଥିଲା । ଏହାପରେ ଜୁଲାଇ ୧୬ ତାରିଖରୁ ଏହାକୁ କମେଇ ଦିଆଯାଇ କେଜି ପିଛା ୮୦ ଟଙ୍କା କରାଯାଇଥିଲା । ବର୍ତ୍ତମାନ ଏହାକୁ ୭୦ ଟଙ୍କାକୁ କମେଇ ଦିଆଯାଇଛି ।