ଆପଣ ଭେଜ୍ ଭାବି ଖାଉଥିବା ଖାଦ୍ୟ ନନଭେଜ୍ ହୋଇପାରେ ! ଏଣୁ ଖାଇବା ବେଳେ ସାବଧାନ ହୋଇଯା’ନ୍ତୁ
ଅନେକ ସମୟରେ ଆପଣ ବାହାରେ କିଛି ଖାଦ୍ୟ ଖାଇବାକୁ ପସନ୍ଦ କରିଥାନ୍ତି । ତାହା ହୋଟେଲ୍ ହେଉ ବା କୌଣସି ଭୋଜି । ହେଲେ ବେଳେବେଳେ ଏମିତି ହୁଏ କି ଆପଣ ଯାହାକୁ ଶାକାହାରୀ ଖାଦ୍ୟ ଭାବି ଖାଇଥାନ୍ତି । ତାହା ବାସ୍ତବରେ ନନଭେଜ ହୋଇଥାଏ । ଆସନ୍ତୁ ଜାଣିବା ଏ ବିଷୟରେ –
Kanak News is now on WhatsApp
Join and get latest news updates delivered to you via WhatsApp
ସୁପ୍ – ସୁପ୍ ବହୁତ ଲୋକଙ୍କର ପ୍ରଥମ ପସନ୍ଦ ହୋଇଥାଏ । ଯଦି ଆପଣ ଘରେ ସୁପ୍ ବନାଉଛନ୍ତି ତ ଠିକ୍ , କିନ୍ତୁ ଯଦି ଆପଣ ବାହାରେ କୌଣସି ହୋଟେଲ ବା ରେଷ୍ଟୋରାଂଟରେ ସୁପ୍ ଅର୍ଡର କରୁଛନ୍ତି ତ ଏହି କଥା ଜାଣିବା ଜରୁରି ଅଟେ । ରେଷ୍ଟୋରାଂଟରେ ସୁପ୍ କୁ ବନେଇବା ପାଇଁ ଯେଉଁ ସସେସ୍ ର ବ୍ୟବହାର କରାଯାଏ , ତାହା ମାଛରୁ ମିଳୁଥିବା ଉତ୍ପାଦରୁ ତିଆରି ହୋଇଥାଏ ।
ତେଲ – ତେଲ ଯେଉଁଥିରେ ଓମେଗା -୩ ଫ୍ୟାଟି ଏସିଡ୍ ମିଳିଥାଏ । ତାହା ପ୍ରକୃତରେ ଶାକାହାରୀ ନୁହେଁ । କିଛି ତେଲ ଯେଉଁଥିରେ ଭିଟାମିନ୍ ଡି ହେବାର ଦାବି କରାଯାଏ । ଏଥିରେ ଲେନୋଲିନ୍ ମିଳିଥାଏ , ଯାହା ମେଣ୍ଢାରୁ ତିଆରି ହୋଇଥାଏ ।
ହ୍ୱାଇଟ୍ ସୁଗାର – ହ୍ୱାଇଟ୍ ସୁଗାରକୁ ସଫା କରିବାକୁ ଯେଉଁ ପ୍ରକ୍ରିୟା ଆପଣାଯାଇଥାଏ ,ଏଥିରେ ନାଚୁରାଲ୍ କାର୍ବନର ବ୍ୟବହାର କରାଯାଇଥାଏ । ଆପଣ ଜାଣନ୍ତି କି ଏହା କେଉଁଥିରୁ ମିଳିଥାଏ ? ଏହା ବୋନ୍ ଚାର୍ ହୋଇଥାଏ । ଯାହା ପଶୁଙ୍କର ହାଡରୁ ତିଆରି ହୋଇଥାଏ । ଯଦି ଆପଣ ଶାକାହାରୀ ତ ଭୁଲରେ ମଧ୍ୟ ରିଫାଇଣ୍ଡ ସୁଗାର କିଣନ୍ତୁ ନାହିଁ ।
ଜାମ୍ – ଯଦି ଆପଣ ମଧ୍ୟ ଜେଲି ଓ ଜାମ୍ ଖାଇବାର ଇଚ୍ଛା ରଖିଛନ୍ତି ଏବଂ ନିଜକୁ ଶାକାହାରୀ ବୋଲି ମାନନ୍ତି ତ , ଜାଣିନିଅନ୍ତୁ ଯେ, ଜାମ୍ ରେ ଜିଲେଟିନ୍ ଥାଏ ଏବଂ ଜିଲେଟିନ୍ ପଶୁଙ୍କ ଠାରୁ ମିଳୁଥିବା ପ୍ରଡକ୍ଟ ଅଟେ ।