ଜିଲ୍ଲା ପରିଷଦ ନିର୍ବାଚନ ପାଇଁ ପ୍ରଦେଶ କଂଗ୍ରେସ ଘୋଷଣା କଲା ଷ୍ଟାର ପ୍ରଚାରକ ତାଲିକା । ପଢନ୍ତୁ, ଲିଷ୍ଟରେ ସାମିଲ ଅଛନ୍ତି କିଏ କିଏ?
କନକ ବ୍ୟୁରୋ: ପଞ୍ଚାୟତ ନିର୍ବାଚନ ପାଇଁ ଏବେ ରାଜ୍ୟ ରାଜନୀତି ସରଗରମ । ପ୍ରାର୍ଥୀମାନେ ନିଜ ପଞ୍ଚାୟତରେ ପ୍ରଚାର ଅଭିଯାନ ଚଳାଇଥିବା ବେଳେ, ହେଭିୱେଟ୍ ନେତା ମଧ୍ୟ ନିଜ ଗଡ ବଞ୍ଚାଇ ରଖିବାକୁ ରୀତିମତ ଚେଷ୍ଟା ଜାରି ରଖିଛନ୍ତି । ଆଉ ଏହାରି ଭିତରେ ଜିଲ୍ଲା ପରିଷଦ ପ୍ରଚାର ପାଇଁ ପ୍ରଦେଶ କଂଗ୍ରେସ ଘୋଷଣା କରିଛି ନିଜର ୨୦ ଜଣିଆ ଷ୍ଟାର ପ୍ରଚାରକ ତାଲିକା ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲା ପରିଷଦ ପାଇଁ ପ୍ରଦେଶ କଂଗ୍ରେସ ଘୋଷଣା କରିଥିବା ଷ୍ଟାର ପ୍ରଚାରକ ତାଲିକାରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସହିତ, ବରିଷ୍ଠ ବିଧାୟକ ନରସିଂହ ମିଶ୍ର, ଦଳର ପ୍ରଭାରୀ ଏ ଚେଲ୍ଲାକୁମାରଙ୍କୁ ରଖାଯାଇଛି । ଏହାସହିତ ଛତିଶଗଡର ପିସିସି ସଭାପତି ମୋହନ ମକ୍ରମ, ଛତିଶଗଡ କ୍ୟାବିନେଟ୍ ମନ୍ତ୍ରୀ ଅମରଜିତ ଭାଗତ, ସାଂସଦ ସପ୍ତଗିରି ଉଲାକା ପ୍ରମୁଖ ମଧ୍ୟ ଷ୍ଟାର ପ୍ରଚାରକ ତାଲିକାରେ ରହିଛନ୍ତି ।
ତାଙ୍କ ସହିତ ଜୟଦେବ ଜେନା, ଶରତ ପଟ୍ଟନାୟକ, ପଞ୍ଚାନନ କାନୁନଗୋ, ବିଧାୟକ ସୁର ରାଉତରାୟ, ତାରାପ୍ରସାଦ ବାହିନୀପତି, ମହମ୍ମଦ ମୋକିମ ପ୍ରମୁଖ ରହିଛନ୍ତି । ପ୍ରଦେଶ କଂଗ୍ରେସର ମିଡିଆ କନଭେନର ସତ୍ୟପ୍ରକାଶ ନାୟକ ମଧ୍ୟ ପ୍ରଦେଶ କଂଗ୍ରେସର ଷ୍ଟାର ପ୍ରଚାରକ ତାଲିକାରେ ରହିଛନ୍ତି ।