କନକ ବ୍ୟୁରୋ : ଭବିଷ୍ୟତକୁ ଉଜ୍ୱଳ କରିବା ପାଇଁ ବର୍ତ୍ତମାନ ଲୋକେ ସେୟାର ମାର୍କେଟରେ ନିବେଶ କରୁଛନ୍ତି । ଟ୍ରେଡିଂ ମଧ୍ୟ କରୁଛନ୍ତି । କିଛି ଲୋକ ସେୟାର ମାର୍କେଟ ଉପରେ ଭଲଭାବେ ଅଧ୍ୟୟନ କରି ନିବେଶ କରୁଥିବା ବେଳେ, ଅନେକ ଲୋକ ରାତାରାତି ବଡଲୋକ ହେବା ଆଶାରେ ସେୟାର ମାର୍କେଟରେ ପ୍ରବେଶ କରୁଛନ୍ତି । ଆଉ ନିଜର ସବୁ ସଞ୍ଚିତ ଧନକୁ ହରାଇ ଦେଉଛନ୍ତି । ଏପରିବି ଦେଖିବାକୁ ମିଳିଛିକି, ରାତାରାତି ବଡ ଲୋକ ହେବାର ଆଶାରେ ଲୋକେ ଠକାମୀର ଶିକାର ମଧ୍ୟ ହେଉଛନ୍ତି । ଏହିଭଳି ଏକ ଖବର ଆସିଛି ମୁମ୍ବାଇରୁ । ମୁମ୍ବାଇର ଜଣେ ବ୍ୟକ୍ତିଙ୍କୁ ଲୋଭ ଦେଖାଇ ୪୪ଲକ୍ଷରୁ ଅଧିକ ଟଙ୍କା ଲୁଟିନେଇଛି ଠକ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଆଧାରରେ, ଗତମାସ ୫ତାରିଖରୁ ଚଳିତ ମାସ ୩ତାରିଖ ଭିତରେ ଠକ ମୁମ୍ବାଇର ଜଣେ ବ୍ୟକ୍ତିଙ୍କଠୁ ୪୪ ଲକ୍ଷ ୭୨ହଜାର ଟଙ୍କା ଲୁଟିନେଇଛି । ସେୟାର ମାର୍କେଟରେ ନିବେଶ କଲେ ଲାଭବାନ ହେବାର ଆଶା ଦେଖାଇ ଠକ ପାଖାପାଖି ୪୫ ଲକ୍ଷ ଟଙ୍କା ଲୁଟି ନେଇଛି । ଲୁଟର ଶିକାର ହେବା ପରେ ବ୍ୟକ୍ତି ଜଣକ ଥାନାରେ ଏତଲା ଦେଇଥିଲେ । ଏହା ପରେ ଘଟଣା ସାମ୍ନାକୁ ଆସିଛି । ଅଭିଯୋଗ ପାଇଁ ପୋଲିସ ତଦନ୍ତ ଆକମ୍ଭ କରିଛି ଏବଂ ଖୁବଶୀଘ୍ର ଠକକୁ ଧରିବା ପାଇଁ ଚେଷ୍ଟା ଜାରି ରଖିଛି