ଧାରା ୩୭୦ର ଉଚ୍ଛେଦକୁ ସେତେବେଳେ ସଂସଦରେ କଣ କହିଥିଲେ ସୁଷମା? ସୋସିଆଲ ମିଡ଼ିଆରେ ଭାଇରାଲ ହେଲା ସୁଷମାଙ୍କ ସେହି ସମୟର ଭାଷଣର ଭିଡ଼ିଓ ।
କନକ ବ୍ୟୁରୋ : ପୂର୍ବତନ ବୈଦଶିକ ମନ୍ତ୍ରୀ ତଥା ବିଜେପି ନେତ୍ରୀ ସୁଷମା ସ୍ୱରାଜଙ୍କ ଦେହାନ୍ତ ପରେ ପୂରା ଦେଶରେ ଶୋକର ଛାୟା ଖେଳିଯାଇଛି । ସୋସିଆଲ ମିଡ଼ିଆରେ ମଧ୍ୟ ସାଧାରଣ ଲୋକ ଶୋକ ବ୍ୟକ୍ତ କରିଛନ୍ତି । ସୁଷମାଙ୍କ ପୁରୁଣା ଦିନର ସ୍ମୃତିକୁ ମନେ ପକାଇ ସୋସିଆଲ ମିଡ଼ିଆରେ ମଧ୍ୟ ଅନେକ ଭିଡ଼ିଓ ସେୟାର କରାଯାଉଛି । ଯେଉଁଥିରେ ସଂସଦରେ ଧାରା ୩୭୦ ଉଚ୍ଛେଦ ନେଇ ସୁଷମା ଦେଇଥିବା ଭାଷଣର ଭିଡ଼ିଓ ମଧ୍ୟ ଭାଇରାଲ ହୋଇଛି । ଏହି ଭିଡ଼ିଓରେ ଧାରା ୩୭୦କୁ ନେଇ ବିରୋଧୀଙ୍କ ଉପରେ ବର୍ଷୁଥିବାର ଦେଖିବାକୁ ମିଳିଛି । ଏପରିକି ଜମ୍ମୁ-କାଶ୍ମୀରରେ ଧାରା ୩୭୦ ହଟିବା ଦରକାର ବୋଲି ଜୋରଦାର ଦାବି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଭିଡ଼ିଓରେ ସୁଷମା ସ୍ୱରାଜ କହିଛନ୍ତି, ଅନେକ ହିଂସାରେ ସାମିଲ ଥିବା ଦଳ ନିଜକୁ ଧର୍ମନିରପେକ୍ଷ ବୋଲି କହୁଛନ୍ତି । ଆଉ ଆମେ ନିଜକୁ ହିନ୍ଦୁ ବୋଲି ଗର୍ବ କରୁଥିବାରୁ ସାଂପ୍ରଦାୟିକ ବୋଲି କୁହାଯାଉଛି । ଦେଶରେ ଏମିତି ଅନେକ ଦଳ ଅଛନ୍ତି ଯେଉଁମାନେ ହିନ୍ଦୁଙ୍କୁ ଗାଳି ଦେବା ସହ ନିଜର କାର୍ଯ୍ୟକ୍ରମ ଆରମ୍ଭ କରିଥାନ୍ତି । ଏହା ଏମାନଙ୍କର ଧର୍ମନିରପେକ୍ଷତା ।
माँ, ऐसे कैसे चली गई?#SushmaSwaraj ji 😥 pic.twitter.com/CGtjGCKgH2
— Aditya Rathore (@AdityaRathore_) August 6, 2019
ଏସବୁ ଭିତରେ ସୁଷମାଙ୍କ ଦେହାନ୍ତ ପୂର୍ବରୁ କାଶ୍ମୀରରୁ ଧାରା ୩୭୦ ହଟିଛି । ତେବେ ଶେଷ ନିଶ୍ୱାସ ତ୍ୟାଗ କରିବା ପୂର୍ବରୁ ନିଜର ଶେଷ ଟ୍ୱିଟରେ ଧାରା ୩୭୦ ଉଚ୍ଛେଦ ପାଇଁ ମୋଦି ସରକାରଙ୍କୁ ଶୁଭେଚ୍ଛା ଜଣାଇଛନ୍ତି ସୁଷମା । ଏହାସହ ଶେଷ ଟ୍ୱିଟରେ ସୁଷମା ଲେଖିଛନ୍ତି, ଜୀବନରେ ଏହି ଦିନକୁ ମୁଁ ପ୍ରତୀକ୍ଷା କରି ରହିଥିଲି । ଆଉ ଏହି ଟ୍ୱିଟ୍ ସାମ୍ନାକୁ ଆସିବା ପରେ ସୋସିଆଲ ମିଡ଼ିଆରେ ମଧ୍ୟ ୟୁଜର୍ସ ସୁଷମାଙ୍କ ପୁରୁଣା ଭିଡ଼ିଓ ସେୟାର କରିଛନ୍ତି । ଆଦିତ୍ୟ ରାଠୋର ନାମକ ୟୁଜର୍ସ ଭିଡ଼ିଓ ସେୟାର କରିବା ସହ ଲେଖିଛନ୍ତି, ମା’ ଏମିତି କେମିତି ଆରପାରିକୁ ଚାଲିଗଲ ।