ସ୍ମାର୍ଟ ସିଟି ଭୁବନେଶ୍ୱରରେ ସେକ୍ସର ସ୍ମାର୍ଟ ଫର୍ମୁଲା
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ସ୍ମାର୍ଟ ସିଟି ଭୁବନେଶ୍ୱରରେ ସ୍ମାର୍ଟ ସେକ୍ସ । ଏଥର ସେକ୍ସର ଫଣ୍ଡା ଅଲଗା । ବଦଳିଛି ଦେହ ବେପାରର ଟ୍ରେଣ୍ଡ । ମସାଜ ସେଂଟର କି ସ୍ପା ନୁହେଁ । କାରରେ ଅବାଧ ସେକ୍ସ ରାକେଟ । ପୁରା ଫିଲ୍ମ ଷ୍ଟାଇଲରେ ଚାଲିଛି ବେଧଡକ ସେକ୍ସ । ଏଭଳି ଏକ ରାକେଟକୁ ଧରିଛି କମିଶନରେଟ୍ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ନୂଆପଲ୍ଲୀ ପୁଲିସ ଗତ କାଲି ସିଆରପି ଛକ ନିକଟରୁ ଏକ କାର ଭିତରୁ ୪ଜଣ ଦେହଜୀବିଙ୍କୁ ଗିରଫ କରିବାପରେ ଜଣାପଡିଛି ଦେହ ବେପାରର ଏହି ନୂଆ ଟ୍ରେଣ୍ଡ । ଏହି ରାକେଟ ଚଳାଉଥିବା କିଙ୍ଗପିନ ସାଲିଆ ସାହି ଅଂଚଳର ଜଣେ ମହିଳା ଓ ଜଣେ ଯୁବକକୁ ମଧ୍ୟ ଗିରଫ କରିଛି କମିଶନରେଟ ରାକେଟ ।
ପୁଲିସ ଆଖିରୁ ବଚିଂବା ପାଇଁ ଏହି ନୂଆ ଫର୍ମୁଲାକୁ ଏବେ ବହୁଳ ଭାବରେ ବ୍ୟବହାର କରାଯାଉଥିବା ରାକେଟକୁ ସୂଚନା ମିଳିଛି । ତଥ୍ୟ ଅନୁସାରେ ଏହି ବୁଲା ଦେହ ବିକାଳୀ ମାନଙ୍କର ବେଶୀ ମାତ୍ରାରେ ଗ୍ରାହକ ସାଜୁଛନ୍ତି କଲେଜ ଛାତ୍ର ମାନେ । ହୋଟେଲ ପାଇଁ ପଇସା ଖର୍ଚ୍ଚ କରିବାର ଚିନ୍ତା ନାହିଁ କି ପାର୍ଲରକୁ ଯାଇ ରାକେଟ ହାତରେ ଧରା ପଡିବାର ଭୟ ମଧ୍ୟ ନାହିଁ । ତେଣୁ ହଜାରେ ରୁ ଦେଢ ହଜାର ଟଙ୍କା ବଦଳରେ ମିଳୁଥିବା ଏହି ଅୟେଶର ତରିକାର ଚାହିଦା ମଧ୍ୟ ବଢିବାରେ ଲାଗିଛି ।
ଲଜ୍, ସାଇବର କାଫେ, ପାର୍କ, ପାର୍ଲର ପରେ ଏବେ କାର ସେକ୍ସ ପାଲଟିଛି ଯୌନ କ୍ଷୁଧା ମେଂଟାଇବାର ପ୍ରମୁଖ ମାଧ୍ୟମ । ରାଜଧାନୀର କାୟା ଧିରେ ଧିରେ ବଢିବା ସହ ଏହା ସହ ତାଳ ମିଶାଇ ବଢିବାରେ ଲାଗିଛି ଦେହ ବ୍ୟବସାୟର କଳା କାରବାର । ପୁଲିସ ମଧ୍ୟ ଏହି ବେପାର ଉପରେ ରୋକ ଲଗାଇବା ପାଇଁ ଅଂଟା ଭିଡିଛି । ହେଲେ ଦେହ ଦଲାଲ ମାନଙ୍କର ଏହି ନୂଆ ଟ୍ରେଣ୍ଡକୁ ଠାବ କରିବା ଏବେ ପୁଲିସ ପାଇଁ ଏକ ନୂଆ ଚ୍ୟାଲେଂଜ ହେଇ ଦେଖା ଦେଇଛି।