କେମିତି ହୋଇଥିଲା ଜୀବନର ଉତ୍ପତି, ଗଭୀର ସମୁଦ୍ର ଭିତରେ ଜୀବନ ସତ୍ତା ଖୋଜିବେ ବୈଜ୍ଞାନିକ
କନକ ବ୍ୟୁରୋ : ପୃଥିବୀରେ କେମିତି ଆରମ୍ଭ ହୋଇଥିଲା ଜୀବନ ସତ୍ତା, ଏହାର ରହସ୍ୟ ଖୋଜିବାକୁ ଅଣ୍ଟା ଭିଡିଛନ୍ତି ବୈଜ୍ଞାନିକ । ଏହି କ୍ରମରେ ଏବେ ଗଭୀର ସମୁଦ୍ରରେ ଅନୁସନ୍ଧାନ କରିବେ ବୈଜ୍ଞାନିକ । ପୃଥିବୀ ବିଜ୍ଞାନ ମନ୍ତ୍ରଣାଳୟର ସଚିବ ଏମ,ରବିଚନ୍ଦ୍ରନଙ୍କ ମୁତାବକ ‘ଗଭୀର ସମୁଦ୍ର ଅଭିଯାନ’ (ଡିଓଏମ) କ୍ରମରେ ସମୁଦ୍ରର ୬ ହଜାର ମିଟର ଗଭୀର ପର୍ଯ୍ୟନ୍ତ ବୈଜ୍ଞାନିକମାନେ ଯାଇ ଜୀବନର ଉତ୍ପତି ନେଇ ସଂନ୍ଧାନ କରିବେ । ପ୍ରାରମ୍ଭିକ ପର୍ଯ୍ୟାୟରେ ୪,୦୭୭ କୋଟି ଟଙ୍କା ବିନିମୟରେ ଏହି ଅଭିଯାନରେ ବୈଜ୍ଞାନିକମାନେ ସମୁଦ୍ରର ୫ ହଜାର ମିଟର ଗଭୀର ପର୍ଯ୍ୟନ୍ତ କିଛି ଉପକରଣର ପରୀକ୍ଷା କରିବେ । ଏହାପରେ ମହାସାଗରର ୬ ହଜାର ଗଭୀର ପର୍ଯ୍ୟନ୍ତ ଯିବେ ବୋଲି ଏମ୍ ରାମଚନ୍ଦ୍ରନ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୃଥିବୀ ବିଜ୍ଞାନ ମନ୍ତ୍ରଣାଳୟର ସଚିବ ଏମ ରବିଚନ୍ଦ୍ରନ କହିଛନ୍ତି କି, ଏବେ ବି ଜୀବନର ଉତ୍ପତି ନେଇ ବିଜ୍ଞାନରେ କିଛି ତଥ୍ୟ ରହିଛି । ଏହି ତଥ୍ୟ ମୁତାବକ ମହାସାଗରର ୪ ରୁ ୫ କିଲୋମିଟର ତଳେ ଥିବା ହାଇଡ୍ରୋ ଥର୍ମାଲ ବେଣ୍ଟରୁ ଜୀବନର ଉତ୍ପତି ହୋଇଥିଲା । ରବିଚନ୍ଦ୍ରନଙ୍କ କହିବା ମୁତାବକ ସମୁଦ୍ରର ୪/୫ କିଲୋମିଟର ତଳେ ସମ୍ପୂର୍ଣ୍ଣ ଅନ୍ଧକାର ଛାଇ ହୋଇ ରହିଛ ିା ହେଲେ ସେଠାରେ ଜୀବନ ଥିବା କଥା ରବିଚନ୍ଦ୍ରନ କହିଛନ୍ତି । ଏତେ ଗଭୀର ଓ ଅନ୍ଧାର ଭିତରେ କିଭଳି ଜୀବନର ଉତ୍ପତି ହୋଇପାରୁଛି , ସେଠାରେ କେଉଁ ଜୀବ କିଭଳି ବଞ୍ଚିପାରୁଛି ଏହାର ସନ୍ଧାନ କରିବାକୁ ବୈଜ୍ଞାନିକମାନେ ଗଭୀର ସମୁଦ୍ର ଅଭିଯାନ ଆରମ୍ଭ କରିବାକୁ ଯାଉଛନ୍ତି ।
ରବିଚନ୍ଦ୍ରନ କହିଛନ୍ତି କି ଏତେ ଗଭୀର ସମୁଦ୍ରକୁ ଯିବା ପାଇଁ ଯେଉଁ ମତ୍ସ୍ୟ ୬୦୦୦ ସବମର୍ସିବଲ ବାହାନର ଆବଶ୍ୟକତା ରହିଛି ତାହା ୨୦୨୪ ସୁଦ୍ଧା ପ୍ରସ୍ତୁତ ହୋଇଯିବ । ଏହି ବାହାନ ୩ ଜଣ ଲୋକଙ୍କୁ ସମୁଦ୍ରର ୬ ହଜାର ମିଟର ଗଭୀର ତଳକୁ ନେଇଯିବାକୁ ସକ୍ଷମ ହେବ । ପୃଥିବୀ ବିଜ୍ଞାନ ମନ୍ତ୍ରଣାଳୟର ‘ଡିପ ଓସନ ମିଶନ’ ପରିଯୋଜନାରେ ମତ୍ସ୍ୟ ୬୦୦୦ ବାହାନକୁ ଏନଆଇଓଟି ଦ୍ୱାରା ବିକଶିତ କରାଯାଉଛି ।