କନକ ବ୍ୟୁରୋ : ଦେଶର ହଜାର ହଜାର କୋଟି ଟଙ୍କା ନେଇ ବ୍ୟବସାୟୀମାନେ ଫେରାର ହୋଇଯାଉଛନ୍ତି । ସେପଟେ ଦେଶର ହଜାର ହଜାର କୋଟି ଟଙ୍କାର ବ୍ୟବସାୟ କରୁଥିବା ବ୍ୟବସାୟୀଙ୍କୁ ସରକାର ଶହ ଶହ କୋଟି ଟଙ୍କାର ଋଣ ଛାଡ କରୁଛନ୍ତି । ହେଲେ ନିଜର ପେଟ ପାଟଣା କୃଷି କ୍ଷେତ୍ରରେ ବିନିଯୋଗ କରିବାକୁ ବ୍ୟାଙ୍କରୁ ମାତ୍ର କେଇଟା ଟଙ୍କା ଋଣ ନେଇଥିବା ଚାଷୀ ବାପୁଡା ଉପରେ ଲାଗୁଛି ୱାରେଣ୍ଟ । ଏଭଳି କିଛି ଦେଖିବାକୁ ମିଳିଛି ପଞ୍ଜାବରେ । ଏଠାରେ ୯୩୦ ଜଣ ଚାଷୀଙ୍କ ଉପରେ ଋଣ ଖିଲାପ ଅଭିଯୋଗରେ ବ୍ୟାଙ୍କ ଲଗାଇଛି ୱାରେଣ୍ଟ । ଏହାକୁ ନେଇ ପଞ୍ଜାବର କୃଷକ ସଂଗଠନ କିର୍ତ୍ତି କିଷାନ ୟୁନିୟନ ତରଫରୁ ଏନେଇ ଆନ୍ଦୋଳନକୁ ଓହ୍ଲାଇବାକୁ ଚେତାବନୀ ଦିଆଯାଇଛି । କିଷାନ ନେତାମାନେ କହିଛନ୍ତି କି ବ୍ୟାଙ୍କ ଓ ସରକାର ମିଳିତ ଭାବେ ଏହି ଷଡଯନ୍ତ୍ର ରଚିଛନ୍ତି । ହେଲେ ରାଜ୍ୟର କୃଷକମାନେ ଖୁବଶୀଘ୍ର ଏନେଇ ରାସ୍ତାକୁ ଓହ୍ଲାଇବେ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ସ୍ଥଳେ ସହକାରୀ ସମିତିର ସହାୟକ ରେଜିଷ୍ଟାର ସ୍ୱର୍ଣ୍ଣଜିତ ସିଂ ସଫେଇ ଦେବାକୁ ଯାଇ କହିଛନ୍ତି କି, କେବଳ ୱାରେଣ୍ଟ ଜାରି କରାଯାଇଥିବା ବେଳେ କୌଣସି କୃଷକଙ୍କୁ ଗିରଫ କରାଯାଇ ନାହିଁ । ଏହାସହ ସେ କହିଛନ୍ତି କି ସେହି କୃଷକମାନଙ୍କ ଉପରେ ୱାରେଣ୍ଟ ଜାରି କରାଯାଇଛି ଯେଉଁମାନେ ଘର ନିର୍ମାଣ କରିବା ସହ କୃଷି ବ୍ୟତୀତ ଅନ୍ୟ ଉର୍ଦ୍ଦେଶ୍ୟରେ ଋଣ ନେଇଥିଲେ । ଏହାସହ ସେମାନେ ଏହି ଋଣ ନେବାର ଦୀର୍ଘଦିନ ହୋଇଯାଇଥିଲେ ବି ଋଣ ପରିଶୋଧ କରି ନାହାଁନ୍ତି ।