ପ୍ରିୟଙ୍କାଙ୍କ ଟାର୍ଗେଟରେ ଯୋଗୀ : ୟୁପିରେ ଭୁଶୁଡ଼ି ଯାଇଛି ଆଇନ୍ ଶୃଙ୍ଖଳା, ଅପରାଧୀଙ୍କ ସାମ୍ନାରେ ଆତ୍ମସମର୍ପଣ କରିଛନ୍ତି ସରକାର
କନକ ବ୍ୟୁରୋ : କଂଗ୍ରେସ ମହାସଚିବଙ୍କ ଟାର୍ଗେଟରେ ଯୋଗୀ ସରକାର । ଉତ୍ତରପ୍ରଦେଶରେ ବଢ଼ୁଥିବା ଅପରାଧିକ କାର୍ଯ୍ୟକଳାପକୁ ନେଇ ଯୋଗୀଙ୍କୁ ଟାର୍ଗେଟ କରିଛନ୍ତି ପ୍ରିୟଙ୍କା ଗାନ୍ଧୀ । ରାଜ୍ୟରେ ଅପରାଧୀ ଖୋଲାଖୋଲି ଅପରାଧ ଘଟାଉଛନ୍ତି । ନୀରବଦ୍ରଷ୍ଟା ପାଲଟିଛନ୍ତି ରାଜ୍ୟ ସରକାର । ଦିନରେ ଘରୁ ବାହାରିବା ଲୋକଙ୍କ ପାଇଁ ମୁସ୍କିଲ ହୋଇପଡ଼ିଛି । ରାଜ୍ୟ ରାଜପଥ ଠାରୁ ଆରମ୍ଭ କରି ଗଳି ଗଳିରେ ଚୋର, ଲୁଟେରାଙ୍କ ରାଜୁତି ଚାଲିଛି । ସ୍ପଷ୍ଟ ଦିବାଲୋକରେ ହଣାମଣା, ଲୁଟ୍, ଚୋରି, ଡକାୟତି, ଦୁଷ୍କର୍ମ ଓ ଭିଡ଼ହିଂସା ହେଉଛି । ଅପରାଧୀଙ୍କ ଆତଙ୍କରାଜରେ ରାଜ୍ୟବାସୀ ଅତିଷ୍ଠ ହୋଇପଡ଼ିଲେଣି । ସହରବାସୀଙ୍କ ଚିନ୍ତା ପାଲଟିଥିବା ବେଳେ କ’ଣ କରୁଛନ୍ତି ସକରାର । ଅପରାଧୀଙ୍କ ସାମ୍ନାରେ ଯୋଗୀ ସରକାର ଆତ୍ମସମର୍ପଣ କରିଛନ୍ତି କି ବୋଲି ପ୍ରଶ୍ନ କରିଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ।
Kanak News is now on WhatsApp
Join and get latest news updates delivered to you via WhatsApp
ଅସୁରକ୍ଷିତ ୟୁପି ! ଅପରାଧୀଙ୍କ ସାମ୍ନାରେ ହାତ ଟେକି ଦେଇଛନ୍ତି କି ଯୋଗୀ ସରକାର ବୋଲି ପ୍ରଶ୍ନ କରିଛନ୍ତି କଂଗ୍ରେସ ମହାସଚିବ । ଦିନକୁ ଦିନ ୟୁପିରେ ଅପରାଧିକ ମାମଲା ବଢ଼ିବାରେ ଲାଗିଛି । ପ୍ରତିଦିନ କେଉଁଠି ନାଁ କେଉଁଠି ଲୁଟତରାଜ, ଡକାୟତି, ଲୁଟ ଘଟଣା ସାମ୍ନାକୁ ଆସୁଛି । ଅପରାଧୀମାନେ ନିଶାଖାଇ ଉତ୍ପାତ ମଚାଉଛନ୍ତି ଆଉ ରାଜ୍ୟ ସକରାର ନିଘୋଡ଼ ନିଦରେ ଘୁଙ୍ଗୁଡ଼ି ମାରୁଛି । ପୂର୍ବ ଉତ୍ତର ପ୍ରଦେଶର କଂଗ୍ରେସ ପ୍ରଭାରୀ ପ୍ରିୟଙ୍କା ଟ୍ୱିଟ କରି କହିଛନ୍ତି , ସାରା ରାଜ୍ୟରେ ଖୋଲାଖୋଲି ଅପରାଧୀ ବିଚରଣ କରୁଛନ୍ତି । ଗୋଟିଏ ପରେ ଗୋଟିଏ ଅପରାଧ ଘଟୁଛି । କିନ୍ତୁ ରାଜ୍ୟର ଭାଜପା ସରକାର ଉଁ ଚୁଁ କରୁନି ।
पूरे उत्तर प्रदेश में अपराधी खुलेआम मनमानी करते घूम रहे हैं। एक के बाद एक अपराधिक घटनाएँ हो रही हैं। मगर उ.प्र. भाजपा सरकार के कान पर जूँ तक नहीं रेंग रही।
क्या उत्तर प्रदेश सरकार ने अपराधियों के सामने आत्मसमर्पण कर दिया है? pic.twitter.com/khYP4eZam2
— Priyanka Gandhi Vadra (@priyankagandhi) June 29, 2019
ୟୁପିରେ ଚାଲିଛି ଅପରାଧୀଙ୍କ ଆତଙ୍କରାଜ୍ । ରାଜ୍ୟର ସ୍ଥିତି ଧୀରେ ଧୀରେ ବିଗିଡ଼ିବାକୁ ବସିଲାଣି । ସବୁ ଜାଣିଶୁଣି ରାଜ୍ୟର ଭାଜପା ସରକାର କ’ଣ କରୁଛନ୍ତି । ରାଜନୀତରୁ ଦୂରେଇ ରାଜ୍ୟକୁ ଅପରାଧ ମୁକ୍ତ କରିବା ସରକାର ପଦକ୍ଷେପ ନେବା ଜରରୁରୀ । ସମୟ ଅପଚୟ ନକରି ତୁରନ୍ତ ଏଦିଗରେ ସଚେତନ ହେବାପାଇଁ ଯୋଗୀ ସରକାରଙ୍କୁ ପରାମର୍ଶ ଦେଇଛନ୍ତି ପ୍ରିୟଙ୍କା ଗାନ୍ଧୀ ।