କନକ ବ୍ୟୁରୋ: ଶିଳ୍ପ ମାନଚିତ୍ରରେ କେନ୍ଦ୍ରାପଡ଼ା ଜିଲ୍ଲା ସୃଷ୍ଟି କରିବ ନିଜର ଏକ ସ୍ୱତନ୍ତ୍ର ପରିଚୟ । ଆର୍ସେଲର ମିତଲ ନିପନ୍ ଷ୍ଟିଲ ପକ୍ଷରୁ କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକରେ ପ୍ରତିଷ୍ଠା ହେବାକୁ ଥିବା ଇସ୍ପାତ କାରଖାନା ପାଇଁ ଆରମ୍ଭ ହୋଇଛି ପ୍ରସ୍ତୁତି । ପ୍ରସ୍ତାବିତ ଇସ୍ପାତ କାରଖାନା ନିକଟକୁ ରାସ୍ତା, ବିଜୁଳି ଓ ପାଣି ଯୋଗାଇଦେବା ପାଇଁ ଭିତିଭୂମି ବିକାଶ କାର୍ଯ୍ୟ ତ୍ୱରାନ୍ୱିତ କରାଯାଉଛି । ପ୍ରସ୍ତାବିତ ଇସ୍ପାତ କାରଖାନା ଅଞ୍ଚଳକୁ ବାରମ୍ବାର ଗସ୍ତ କରୁଛନ୍ତି କମ୍ପାନୀ କର୍ତୃପକ୍ଷ । ନୂଆ ଶିଳ୍ପ କାରଖାନା ପ୍ରତିଷ୍ଠାକୁ ନେଇ ସମଗ୍ର କେନ୍ଦ୍ରାପଡ଼ା ଅଞ୍ଚଳରେ ନୂଆ ଆଶା ସଞ୍ଚାର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମହାକାଳପଡ଼ା ବ୍ଲକରେ ପ୍ରସ୍ତାବିତ ଷ୍ଟିଲ ପ୍ଲାଣ୍ଟ ପାଇଁ ପ୍ରାୟ ୧୦ ହଜାର ୪୪୧ ଏକର ଜମିର ଆବଶ୍ୟକତା ରହିଛି । ସେଥିମଧ୍ୟରୁ ବତୀଘର ପଞ୍ଚାୟତର ବଡ଼ଟୁବି, ବରକୋଳିଖଳା, ବତୀଘର, ଯୋଗୀଧାନକୁଦ, ସରଳିକୁଦ, ନିପାଣିଆ ଓ ବନବିହାରିପୁର ଅଞ୍ଚଳର ୨ହଜାର ୨୪୪ ଏକର ଖରିନାସୀ ପଞ୍ଚାୟତର ୧୮ଶହ ୬୩ ଏକର ଓ ରାମନଗର ପଞ୍ଚାୟତର ୩୧୦ ଏକର ଜମିକୁ ମିଶାଇ ପ୍ରାୟ ୪ହଜାର ୪୪୧ ଜମି ପ୍ରଥମ ପର୍ଯ୍ୟାୟରେ ଅଧିଗ୍ରହଣ ହେବା ନେଇ ସୂଚନା ମିଳିଛି । ବାକି ୬ ହଜାର ଏକରରୁ ଉଦ୍ଧ୍ୱର୍ ଜମି ଅଧିଗ୍ରହଣ ପାଇଁ ପରବର୍ତ୍ତୀ ପର୍ଯ୍ୟାୟରେ ପଦକ୍ଷେପ ନିଆଯିବ ବୋଲି ଯୋଜନା ରହିଛି । ଅନ୍ୟପଟେ ସ୍ଥାନୀୟ ଅଞ୍ଚଳରେ ଦୀର୍ଘ ଦିନ ହେବ ଜମିଜମା ସମସ୍ୟା ରହିଥିବାରୁ ଖରିନାସୀ ହରିଆବାଙ୍କ ଠାରେ ମାଟି ପରୀକ୍ଷା ପାଇଁ ଆସିଥିବା ଟିମକୁ ସ୍ଥାନୀୟ ଲୋକେ ବିରୋଧ କରିବାରୁ ମାଟି ପରୀକ୍ଷା ହୋଇପାରିନାହିଁ । ଏପଟେ ଶିଳ୍ପ ପ୍ରତିଷ୍ଠା ପାଇଁ ଆରମ୍ଭ ହୋଇଛି ପ୍ରକିୟା ।