ପାକିସ୍ତାନ ଟାର୍ଗେଟରେ ଭାରତୀୟ ସେନା ବଙ୍କର ! ଜିପିଏସ୍ ଗାଇଡ଼େଡ଼୍ ମୋର୍ଟାର କିଣିବା ପାଇଁ ଯୋଜନା
କନକ ବ୍ୟୁରୋ : ପାକିସ୍ତାନ ଏବେ ଭାରତ ବିରୋଧରେ ବଡ଼ ଧରଣର ଷଡ଼ଯନ୍ତ୍ର ରଚୁଛି । ପାକ୍ ସେନା ଭାରତୀୟ ସେନା ବଙ୍କର ନଷ୍ଟ କରିବା ପାଇଁ ଆଧୁନିକ ଜିପିଏସ୍ ଗାଇଡ଼େଡ଼୍ ମୋର୍ଟାର କିଣିବା ପାଇଁ ଯୋଜନା କରୁଛି । ଏହି ସ୍ୱତନ୍ତ୍ର ଏବଂ ଉନ୍ନତ ମୋର୍ଟାର୍ ଖରିଦ କରିବାକୁ ପାକିସ୍ତାନ ବର୍ତ୍ତମାନ ଅସ୍ତ୍ର ବଜାର ଅନ୍ୱେଷଣ କରୁଛି। କେତେକ ଇଉରୋପୀୟ ଦେଶ ଛଡ଼ା ଚୀନ୍ର ପାଖରେ ମଧ୍ୟ ଏ ଭଳି ମୋର୍ଟାର୍ ରହିଛି।
Kanak News is now on WhatsApp
Join and get latest news updates delivered to you via WhatsApp
ଏହି ମୋର୍ଟାରର ସବୁଠାରୁ ବଡ଼ ବିଶେଷତ୍ୱ ହେଲା ଜିପିଏସ୍ ସାହାଯ୍ୟରେ ଶତ୍ରୁ ଦେଶର ସେନାକୁ ନିଶାନା କରିହେବ । ୧୦୦ ମିଟର ଠାରୁ ଆରମ୍ଭ କରି ୫ କିମି ଲକ୍ଷ୍ୟଭେଦ କରିପାରିବ ମୋର୍ଟାର । ଏହି ମୋର୍ଟାର ଖରିଦ କରିବାକୁ ପାକିସ୍ତାନ ଖୁବ୍ ଆଗ୍ରହୀ । ସୁଲଭ ମୂଲ୍ୟରେ ଏହାକୁ ଖରିଦ କରିବା ନିମନ୍ତେ ରାଜିନାମା କରିବାକୁ ବିଶ୍ୱବ୍ୟାପୀ ତା’ର ରହିଥିବା ଦୂତାବାସଗୁଡ଼ିକୁ ନିର୍ଦେଶ ଦେଇଛି। ଭାରତୀୟ ପ୍ରତିରକ୍ଷା ମନ୍ତ୍ରାଳୟର ଜଣେ ଅଧିକାରୀଙ୍କ କହିବା ଅନୁସାରେ, ନିକ୍ଷେପ ପରେ ମଧ୍ୟ ଏହି ମୋର୍ଟାର୍ ଦିଗ ଓ ଲକ୍ଷସ୍ଥଳ ପରିବର୍ତ୍ତନ କରାଯାଇ ପାରିବ। ଅତୀତରେ ଆଫଗାନିସ୍ତାନରେ ତାଲିବାନ୍ମାନଙ୍କୁ ଆକ୍ରମଣ କରିବାକୁ ଯୁକ୍ତରାଷ୍ଟ୍ର ଆମେରିକା ଜିପିଏସ୍-ପରିଚାଳିତ ମୋର୍ଟାର୍ ବ୍ୟବହାର କରିଥିଲା।