ଇଡିର ଅଖଣ୍ଡ କ୍ଷମତା ସପକ୍ଷରେ ସୁପ୍ରିମକୋର୍ଟ : କେବଳ କାରଣ କହି ବାନ୍ଧିପାରିବ ପ୍ରବର୍ତ୍ତନ ନିର୍ଦ୍ଦେଶାଳୟ ; ଚଢଉ ଓ ସମ୍ପତି ବି କରିପାରିବ ଜବତ
କନକ ବ୍ୟୁରୋ : ଇଡିର ଅଖଣ୍ଡ କ୍ଷମତା ସପକ୍ଷରେ ସୁପ୍ରିମକୋର୍ଟ । କେବଳ କାରଣ କହି ବାନ୍ଧିପାରିବ ପ୍ରବର୍ତ୍ତନ ନିର୍ଦ୍ଦେଶାଳୟ । ଚଢ଼ଉ କରିପାରିବ ଏବଂ ସଂପତ୍ତି ଜବତ ମଧ୍ୟ କରିପାରିବ । ଅର୍ଥ ହେରଫେର ଏକ ଗୁରୁତର ଅପରାଧ। ଏହା ଆତଙ୍କବାଦ ଏବଂ ଡ୍ରଗ୍ସ କାରବାର ଭଳି ବଡ଼ ବଡ଼ ଅପରାଧକୁ ଉତ୍ସାହିତ କରୁଛି । ଜଷ୍ଟିସ ଏଏମ୍ ଖନୱିଲକରଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ମାମଲାର ବିଚାର କରି କହିଛନ୍ତି ଯେ ମନିଲଣ୍ଡରିଂ ନିରୋଧ ଆଇନରେ ଯେତେସବୁ କଡ଼ା ପ୍ରାବଧାନ ରହିଛି, ଯଥା- ଚଢ଼ଉ ଓ ଜବତ କରିବା, ଗିରଫ କରିବା, ସମ୍ପତ୍ତି ଜବତ କରିବା ଓ ଜାମିନ ଆଦି ସବୁକିଛି ବୈଧ ।
Kanak News is now on WhatsApp
Join and get latest news updates delivered to you via WhatsApp
ଆଇନର ଧାରା ୧୯ରେ ଥିବା ଗିରଫ କରିବାର କ୍ଷମତା ଅନୁଯାୟୀ ଇଡି କାହାକୁ ଗିରଫ କଲେ ତାହାକୁ ମନମୁଖି କୁହାଯାଇପାରିବ ନାହିଁ । ପୁଣି ଧାରା ୫ ଅନୁଯାୟୀ ମନିଲଣ୍ଡରିଂରେ ସମ୍ପୃକ୍ତ ଥିବା ବ୍ୟକ୍ତିର ସମ୍ପତ୍ତି ଜବତ କରିବା ମଧ୍ୟ ସମ୍ବିଧାନ ଅନୁଯାୟୀ ବୈଧ । ମନିଲଣ୍ଡରିଂ କେବଳ ଦେଶର ସାମାଜିକ ଓ ଆର୍ଥିକ ସ୍ଥିତିକୁ ଦୁର୍ବଳ କରୁନାହିଁ, ବରଂ ଏହା ଆତଙ୍କବାଦ, ନିଶା କାରବାର ଆଦି ହୀନ ଅପରାଧକୁ ପ୍ରୋତ୍ସାହିତ କରୁଛି। ତେଣୁ ଏହା ଆତଙ୍କବାଦଠାରୁ କମ୍ ନୁହେଁ । ପ୍ରତ୍ୟେକ କ୍ଷେତ୍ରରେ ଇସିଆଇଆର୍ କପି ପ୍ରଦାନ କରିବା ବାଧ୍ୟତାମୂଳକ ନୁହେଁ, କାରଣ ଏହା ଏକ ଆଭ୍ୟନ୍ତରୀଣ ଦଲିଲ । ଏଫ୍ଆଇଆର୍ କପି ପରି ଇସିଆଇଆର୍ କପି ପ୍ରଦାନ ବାଧ୍ୟତାମୂଳକ ନୁହେଁ। ଗିରଫ କରିବା ସମୟରେ ଯଦି ଇଡି କର୍ତ୍ତୃପକ୍ଷ ତା’ର କାରଣ କୁହନ୍ତି, ତେବେ ସେତିକି ଯଥେଷ୍ଟ ।