ଭାରତର ଘାତକ ଡ୍ରୋନ୍ । ସୀମା ଜଗିବ, ୨୦ହଜାର ଫୁଟ୍ ଉପରୁ ଶତ୍ରୁ ଉପରେ ବୋମା ବର୍ଷା କରିବ
କନକ ବ୍ୟୁରୋ : ଭାରତ ସରକାର ଆମେରିକାରୁ ୩୦ଟି ପ୍ରିଡେଟର ଡ୍ରୋନ କିଣିବା ନିଷ୍ପତ୍ତି ନେବା ସମଗ୍ର ବିଶ୍ବରେ ଚର୍ଚ୍ଚାର ବିଷୟ ପାଲଟିଛି । କାରଣ ଏହି ଶକ୍ତିଶାଳୀ ଡ୍ରୋନ ବିଶ୍ବର ଅଳ୍ପକିଛି ଦେଶଙ୍କୁ ହିଁ ଆମେରିକା ବିକିଛି । ତେବେ କେବଳ ବିଦେଶୀ ଡ୍ରୋନ ନୁହେଁ ସ୍ବଦେଶୀ ଜ୍ଞାନକୌଶଳରେ ବି ଡ୍ରୋନର ବିକାଶ କରୁଛି ଭାରତ ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ନୌସେନା ଏବଂ ଡିଆରଡିଓର ଏକ ଟିମ୍ ୧୬ ଜୁନ୍ ୨୦୨୩ରେ ଭାରତରେ ନିର୍ମିତ ପ୍ରଥମ ସ୍ୱଦେଶୀ ମାନବବିହୀନ ଡ୍ରୋନ ତାପସର ସଫଳର ପରୀକ୍ଷଣ କରିଥିଲେ । କାରୱାର ନୌସେନା ଘାଟିଠାରୁ ୧୪୮ କିଲୋମିଟର ଦୂରରେ ଥିବା ଗ୍ରାଉଣ୍ଡ ଷ୍ଟେସନରେ ଏହି ଡ୍ରୋନ ୨୦ ହଜାର ଫୁଟ ଉଚ୍ଚତା ପର୍ଯ୍ୟନ୍ତ ଉଡ଼ିବାରେ ସଫଳ ହୋଇଥିଲା । ଏବେ ଏହି ସ୍ୱଦେଶୀ ଡ୍ରୋନ ସୀମା ଉପରେ ନଜର ରଖିବା ସହ ଶତ୍ରୁଉପରେ ଆକ୍ରମଣ କରିବା ପାଇଁ ବ୍ୟବହାର କରାଯାଇପାରିବ ।
ଏହି ଡ୍ରୋନର ନିର୍ମାଣ କାର୍ଯ୍ୟ ୨୦୧୬ ମସିହାରୁ ଆରମ୍ଭ ହୋଇଥିଲା । ତେବେ ଏହାକୁ ଏପର୍ଯ୍ୟନ୍ତ ଭାରତୀୟ ସେନାରେ ସାମିଲ କରାଯାଇନାହିଁ । ଏହି ଉଡ଼ାଣ ପରେ ଏହା ଖୁବଶୀଘ୍ର ଭାରତୀୟ ସେନାରେ ଯୋଗ ଦେବ ବୋଲି ଜଣାପଡିଛି ।
ତାପସ ବିଏଚ ୨୦୧ ଡ୍ରୋନ୍ ହେଉଛି ଏକ ଲଢୁଆ ଡ୍ରୋନ୍, ଯାହା ପ୍ରାୟ ୩୫୦ କେଜି ଓଜନ ବହନ କରି ଉଡିପାରିବ । ଏହି ଡ୍ରୋନର ଲମ୍ବ ୯.୫ ମିଟର ଏବଂ ଏହାର ପାଖାର ପ୍ରସ୍ଥ ୨୦.୬ ମିଟର । ତାପସ ଡ୍ରୋନର ଓଜନ ୧୮୦୦ କିଲୋଗ୍ରାମ ଏବଂ ଏହାର ପାଖାରେ ଦୁଇଟି ଏନପିଓ ସାଟର୍ଣ୍ଣ ୩୬ଟି ଟର୍ବୋପ୍ରୋପ୍ ଇଞ୍ଜିନ ରହିଛି । ଏହି ଦୁଇଟି ଇଞ୍ଜିନ ୨୦୦ ହର୍ସପାୱାର ଶକ୍ତି ଦେଇପାରିବ ।