ଆରମ୍ଭ ହେଲା କାଉଣ୍ଟଡାଉନ୍ ! ଆଜିଠୁ ଠିକ୍ ୧୦୦ ଦିନ ପରେ ଆରମ୍ଭ ହେବ ବିଶ୍ୱକପ ଲଢେଇ, ପ୍ରସ୍ତୁତିରେ ଲାଗିପଡିଛନ୍ତି ସମସ୍ତ ଟିମ୍ ।
କନକ ବ୍ୟୁରୋ : ଆଇସିସି କ୍ରିକେଟ୍ ବିଶ୍ୱକପ ୨୦୧୯ ପାଇଁ ଆରମ୍ଭ ହୋଇଯାଇଛି କାଉଣ୍ଟଡାଉନ୍ । ଆଜିଠୁ ଠିକ୍ ୧୦୦ ଦିନ ପରେ ଆରମ୍ଭ ହେବ କ୍ରିକେଟ ଜଗତର ସବୁଠାରୁ ବଡ ଲଢେଇ । ୨୦୧୯ ବିଶ୍ୱକପ ପାଇଁ ଆଉ ମାତ୍ର ୧୦୦ ଦିନ ବାକି ରହିଛି । ଆଇସିସି କ୍ରିକେଟ୍ ବିଶ୍ୱକପ ୨୦୧୯ ଆସନ୍ତା ମେ ମାସରେ ଇଂଲଣ୍ଡ ଠାରେ ଅନୁଷ୍ଠିତ ହେବ । ତେବେ ଘରୋଇ ଇଂଲଣ୍ଡ ଦଳ ଚଳିତଥର ବିଶ୍ୱକପ ହାତେଇବା ପାଇଁ ଜୋରଦାର ପ୍ରସ୍ତୁତି ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି ବିଶ୍ୱକପରେ ଇଂଲଣ୍ଡ ତିନି ଥର ଉପବିଜେତା ରହିଛି ସତ କିନ୍ତୁ ଥରେ ହେଲେ ମଧ୍ୟ ବିଶ୍ୱକପ ଜିିତି ପାରିନାହିଁ । ସେପଟେ ବିଶ୍ୱକପ ପାଇଁ ସମସ୍ତ ଦଳ ଜୋରଦାର ପ୍ରସ୍ତୁତି ଆରମ୍ଭ କରିଦେଇଛନ୍ତି । ବିଶେଷ କରି ୨୦୧୧ରେ ବିଶ୍ୱକପ ହାତେଇଥିବା ଟିମ୍ ଇଣ୍ଡିଆ ପୁଣି ଥରେ ବିଶ୍ୱକପ ହାତେଇବା ଲକ୍ଷ୍ୟରେ ରହିଛି । ବିରାଟ କୋହଲିଙ୍କ ନେତୃତ୍ୱାଧୀନ ଭାରତ ବର୍ତ୍ତମାନ ସମୟରେ ଭଲ ଫର୍ମରେ ଥିବାରୁ ଚଳିତ ଥର ବିଶ୍ୱକପ ହାତେଇବ ବୋଲି ଅନେକ କ୍ରୀଡାପ୍ରେମୀ ଓ ବିଶେଷଜ୍ଞ ମତବ୍ୟକ୍ତ କରିଛନ୍ତି । ସେପଟେ ଇଂଲଣ୍ଡ, ଅଷ୍ଟ୍ରେଲିଆ ମଧ୍ୟ ବିଶ୍ୱକପ ହାତେଇବାର ଦାବିଦାର ଲିଷ୍ଟରେ ଅଛନ୍ତି ।