୩ ଝିଅଙ୍କୁ କୂଅକୁ ଫିଙ୍ଗି ମାରିବା ପରେ ନିଜେ ଫାଶୀ ଲଗାଇ ଆତ୍ମହତ୍ୟା କଲେ ବାପା । କିନ୍ତୁ ଏହା ପଛର କାରଣ ଜାଣିଲେ ଆପଣ ହତବାକ ହୋଇଯିବେ ।
ଏ କେମିତିକା ବାପା । ୩ ଝିଅଙ୍କୁ ହତ୍ୟା କରିବା ପରେ ନିଜେ ମଧ୍ୟ ଫାଶୀ ଦେଇ ଆତ୍ମହତ୍ୟା କଲା । ଏଭଳି ଏକ ଅଭାବନୀୟ ଘଟଣା ଗୁଜୁରାଟ ଜୁନାଗଡରେ ଦେଖିବାକୁ ମିଳିଛି । ଯାହା ପୂରା ଅଞ୍ଚଳରେ ଚାଞ୍ଚଲ୍ୟ ଖେଳାଇଦେଇଛି । ତେବେ ପ୍ରକୃତ ଘଟଣା ଜାଣିଲେ ଆପଣ ହତବାକ୍ ହୋଇଯିବେ । କିଭଳି ଜଣେ ବାପା ଏତେ ନୃଂଶସ ହୋଇପାରେ ତାହା ଆପଣଙ୍କ ମନକୁ ଆନ୍ଦୋଳିତ କରିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଲଗାତାର ଚତୁର୍ଥ ସନ୍ତାନ ଝିଅ ହେବା କାରଣରୁ ଜୁନାଗଡ ଜିଲ୍ଲାର ରସିକ ଦେବାଭାଇ ସୋଲଙ୍କି ନିଜ ୩ ଝିଅଙ୍କୁ କୂଅ ଭିତରକୁ ଫିଙ୍ଗି ଦେଇଥିଲେ । ଘଟଣାସ୍ଥଳରେ ହିଁ ୩ ଝିଅଙ୍କର ପ୍ରାଣବାୟୁ ଉଡିଯାଇଥିଲା । ତେବେ କୂଅରେ ଫିଙ୍ଗିବା ପୂର୍ବରୁ ୩ ଝିଅଙ୍କୁ ମିଠା ଓ ଫଳ ଖାଇବାକୁ ଦେଇଥିଲା ନୃଂଶସ ବାପା । ଝିଅ ୩ ଜଣଙ୍କୁ କୂଅକୁ ଠେଲିଦେବା ପରେ ନିଜେ ବିଷ ଖାଇଥିଲେ ବାପା । ତେବେ ବିଷର ପ୍ରଭାବ ନ ପଡିବାରୁ ଶେଷରେ ଫାଶୀ ଦେଇ ଆତ୍ମହତ୍ୟା କରିଥିଲେ । କୁହାଯାଉଛି ଯେ, ଅତ୍ୟଧିକ ଗରିବି ଓ ପୁଅ ସନ୍ତାନ ଜନ୍ମ ନ ହେବାରୁ ଏଭଳି ପଦକ୍ଷେପ ଉଠାଇଥିଲେ ବାପା । ତେବେ ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି ।