କନକ ବ୍ୟୁରୋ : ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ମନୀଷ ସିସୋଦିଆଙ୍କ ରିମାଣ୍ଡ ଓ ଜାମିନକୁ ନେଇ କୋର୍ଟରେ ଶୁଣାଣି ହୋଇଛି । କୋର୍ଟ ତରଫରୁ ଇଡିର ରିମାଣ୍ଡ ଆବେଦନ ଉପରେ ଶୁଣାଣି କରି ରାୟ ସଂରକ୍ଷିତ ରଖିଥିବା ବେଳେ ଜାମିନ ଆବେଦନର ଶୁଣାଣି ମାର୍ଚ୍ଚ ୨୧ ତାରିଖରେ ହେବ ବୋଲି ତାରିଖ ଧାର୍ଯ୍ୟ କରିଛନ୍ତି । ଶୁଣାଣି ବେଳେ ଇଡି ତରଫରୁ ସିସୋଦିଆଙ୍କୁ ୧୦ ଦିନିଆ ରିମାଣ୍ଡରେ ନେବାକୁ କୋର୍ଟଙ୍କୁ ଆବେଦନ କରିଥିଲେ । ଇଡି ତରଫରୁ ଓକିଲ କହିଥିଲେ କି ଅବକାରୀ ନୀତିରେ ପରିବର୍ତ୍ତନ କରି ମନୀଷ ସିସୋଦିଆ ହୋଲସେଲରଙ୍କୁ ବେଆଇନ ରୋଜଗାର ଦେଇଥିବା କଥା ଅଭିଯୋଗ କରିଥିଲେ । ହେଲେ ଇଡି ଓକିଲଙ୍କ ଏଭଳି ଯୁକ୍ତିକୁ ବିରୋଧ କରିଥିଲେ ସିସୋଦିଆଙ୍କ ଓକିଲ ।
Kanak News is now on WhatsApp
Join and get latest news updates delivered to you via WhatsApp
ଜାମିନ ଆବେଦନ ଉପରେ ଶୁଣାଣିର ଗୋଟିଏ ଦିନ ପୂର୍ବରୁ ଇଡି ତରଫରୁ ମନୀଷ ସିସୋଦିଆଙ୍କୁ ତିହାର ଜେଲରେ ଦୀର୍ଘ ସମୟ ଜେରା କରିଥିଲା । ଏହାପରେ ତାଙ୍କୁ ଗିରଫ କରିଥିବା ନେଇ ଗଣମାଧ୍ୟମକୁ ସୂଚନା ଦେଇଥିôଲା । ଇଡି ପୂର୍ବରୁ ଫେବୃଆରୀ ୨୬ ତାରିଖରେ ସିବିଆଇ ସିସୋଦିଆଙ୍କୁ ଗିରଫ କରିଥିଲା ।
ଇଡି ତରଫରୁ ମାମଲା ଲଢୁଥିବା ଓକିଲ କୋର୍ଟଙ୍କୁ କହିଥିଲେ କି ଦିଲ୍ଲୀ ଅବକାରୀ ନୀତିର ସଂସୋଧନ କରି ସିସୋଦିଆ ନିଜର କିଛି ଲୋକଙ୍କୁ ମଦ ବ୍ୟବସାୟର ଠିକା ଦେଇଥଲେ । ହୋଲସେଲରଙ୍କୁ ୧୨ ପ୍ରତିଶତ ମାର୍ଜିନ ଲାଭ ଦିଆଯାଇଥିଲା । ଯାହାକି ବିଶେଷଜ୍ଞ କମିଟିର ରାୟ ଠାରୁ ସମ୍ପୂର୍ଣ୍ଣ ଭିନ୍ନ । ଏହାସହ ଇଡି କୋର୍ଟଙ୍କ ନିକଟରେ ଅଭିଯୋଗ କରିଛନ୍ତି କି ସିସୋଦିଆ ଇଡିକୁ ଯାଂଚରେ ସହଯୋଗ କରୁନାହାଁନ୍ତି ।