କନକ ବ୍ୟୁରୋ : ବିଜେପି ପକ୍ଷରୁ ରାତି ସାରା କ୍ୟାପିଟାଲ ଥାନା ସମ୍ମୁଖରେ ଧାରଣା ଦିଆଯାଇଛି । ଅଭିଯୁକ୍ତ ପୋଲିସ କର୍ମଚାରୀଙ୍କୁ ଗିରଫ ଦାବିରେ ଆନ୍ଦୋଳନ କରିଛନ୍ତି ବିଜେପି ନେତା । ବରିଷ୍ଠ ବିଜେପି ନେତା ମଧ୍ୟ ଏହି ଆନ୍ଦୋଳନରେ ସାମିଲ ହୋଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଦଳ ଅଭିଯୋଗ କରିଛି, ଯୁବ ମୋର୍ଚ୍ଚା ପକ୍ଷରୁ ଲୋୟର ପିଏମ୍ଜିରେ କରାଯାଇଥିବା ଆନ୍ଦୋଳନ ସମୟରେ ପୋଲିସ ମାତ୍ରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ପୋଲିସ ମାଡରେ ବିଜେପି କର୍ମୀ ଆହତ ହୋଇଛନ୍ତି । ସାଧା ପୋଷାକଧାରୀ ପୋଲିସ ବିଜେପି କର୍ମୀଙ୍କ ଉପରେ ଆକ୍ରମଣ କରିବା ସହ ମହିଳା କର୍ମୀଙ୍କୁ ମଧ୍ୟ ଅସଦାଚରଣ କରାଯାଇଥିବା ଦଳ ଅଭିଯୋଗ କରିଛି । ଏନେଇ ବିଜେପି ଯୁବ ମୋର୍ଚ୍ଚା ରାଷ୍ଟ୍ରୀୟ ଉପ ସଭାପତି ଅର୍ପିତା ଅପରାଜିତା ବଡଜେନାଙ୍କ ପକ୍ଷରୁ ମଧ୍ୟ ଥାନାରେ ଏତଲା ଦିଆଯାଇଛି ।
ଆହତ ହୋଇଥିବା ୧୫ରୁ ଅଧିକ ପୋଲିସ କର୍ମଚାରୀଙ୍କୁ ଭେଟିଛନ୍ତି ଡିଜିିପି ସୁନୀଲ ବଂଶଲ । ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ, ଡିସିପି ପ୍ରତୀକ ସିଂ କ୍ୟାପିଟାଲ ହସ୍ପିଟାଲରେ ଆହତଙ୍କୁ ଭେଟି ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି । ଆହତମାନଙ୍କ ମଧ୍ୟରୁ କଟକ ଜୋନ୍-୨ ଏସିପି ଅମିତାଭ ମହାପାତ୍ରଙ୍କ ସମେତ ୩ ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।
ଡିଜିପି କହିଛନ୍ତି, ଗଣତାନ୍ତ୍ରିକ ରାଷ୍ଟ୍ରରେ ସମସ୍ତେ ବିରୋଧ କରିପାରିବେ । ବିଜେପି କର୍ମୀଙ୍କ ଆକ୍ରମଣ ସତ୍ୱେ ପୋଲିସ ସଂଯମତାର ସହ ସେମାନଙ୍କୁ ସାମ୍ନା କରିଥିଲା । ଅଟକାଇବାକୁ ଚେଷ୍ଟା କରିବାରୁ କ୍ଷୁବ୍ଧ ହୋଇ ଆନ୍ଦୋଳନକାରୀ ପୋଲିସକୁ ଆକ୍ରମଣ କରିଥିଲେ ।