ଅଘୋଷିତ ବିଜୁଳି କାଟକୁ ନେଇ ବିଜେପିର ଦୁଇ ଦିନିଆ ପ୍ରତିବାଦ । ଟାଟା ପାୱାର କାର୍ଯ୍ୟାଳୟ ସାମ୍ନାରେ ବିକ୍ଷୋଭ ପ୍ରଦର୍ଶନ କରୁଛନ୍ତି କର୍ମକର୍ତ୍ତା ।
କନକ ବ୍ୟୁରୋ : ବାରମ୍ବାର ବିଜୁଳି କାଟ ପ୍ରତିବାଦରେ ଆଜି ଓ ଆସନ୍ତାକାଲି ବିଜେପିର ପ୍ରତିବାଦ । ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ଟାଟା ପାୱାର କାର୍ଯ୍ୟାଳୟ ସମ୍ମୁଖରେ ବିଜେପି କର୍ମକର୍ତା ମାନେ ବିକ୍ଷୋଭ ପ୍ରଦର୍ଶନ କରୁଛନ୍ତି । ହାତରେ ବିଂଚଣା ଧରି ଦଳୀୟ କର୍ମୀ ପ୍ରତିବାଦ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଉ କେତେ ଘଂଟା ବିଦ୍ୟୁତ୍ କାଟ କଷ୍ଟ ସହିବାକୁ ହେବ, ଶ୍ୱେତପତ୍ର ଜରିଆରେ ରାଜ୍ୟ ସରକାର ସ୍ପଷ୍ଟ କରନ୍ତୁ ବୋଲି କହିଛି ବିଜେପି । ଗ୍ରାମାଂଚଳରେ ଦିନକୁ ୪ରୁ ୫ ଘଂଟା ଓ ସହରରେ ଦିନକୁ ଦିନକୁ ୨୦ରୁ ୨୫ ଥର ଅଘୋଷିତ ବିଦ୍ୟୁତ କାଟ୍ ହେଉଥିବା ଦଳ ଅଭିଯୋଗ କରିଛି ।
ସେହିଭଳି ରାଜ୍ୟରେ ବିଦ୍ୟୁତ କାଟକୁ ନେଇ ପ୍ରତିବାଦ କରିବ କଂଗ୍ରେସ । ଆସନ୍ତା ୧୯ ତାରିଖରେ ଗ୍ରୀଡକୋ କାର୍ଯ୍ୟାଳୟ ଘେରାଉ କରିବା ସହ ପରେ ସବୁ ଜିଲ୍ଲା ସ୍ତରରେ ଆନ୍ଦୋଳନ କରିବ ବୋଲି କଂଗ୍ରେସ ପକ୍ଷରୁ କୁହାଯାଇଛି । ବିଦ୍ୟୁତ କାଟକୁ ନେଇ ଉଭୟ ବିଜେଡି ଓ ବିଜେପିକୁ ଟାର୍ଗେଟ୍ କରିଛି କଂଗ୍ରେସ । ଲୋକଙ୍କୁ ହଇରାଣ କରିବା ପାଇଁ ଦୁଇ ଦଳ ମଧ୍ୟ ପ୍ରତିଯୋଗିତା ଲାଗିଛି । ବିଜେଡି ଗ୍ୟାସ କଥାକୁ ନେଇ ଓ ବିଜେପି ବିଦ୍ୟୁତ କଥା କହି ରାଜ୍ୟବାସୀଙ୍କ ସହ ଖେଳୁଥିବା କଂଗ୍ରେସ ଅଭିଯୋଗ କରିଛି । ରାଜ୍ୟରେ ବିଦ୍ୟୁତ ଭିତିଭୂମିକୁ ସୁଦୃଢ଼ କରିବା ପାଇଁ ୨୦ହଜାର କୋଟି ଆସିଥିଲା । ସେଥିରୁ ରାଜ୍ୟ ସରକାର ୧୩ହଜାର କୋଟି ଓ କେନ୍ଦ୍ର ସରକାର ୭ହଜାର କୋଟି ଟଙ୍କା ଦେଇଥିଲେ । କିନ୍ତୁ ସେଥିରୁ ଟାଟାକୁ ମାତ୍ର ୫ କୋଟି ଟଙ୍କା ଦିଆଯାଇଥିଲା ବେଳେ ବାକି ୧୫ହଜାର ଟଙ୍କା କୁଆଡ଼େ ଗଲା ବୋଲି ପ୍ରଶ୍ନ କରିଛି କଂଗ୍ରେସ । ଗ୍ରାମାଂଚଳରେ ସ୍ଥିତି ଅସମ୍ଭାଳ ହୋଇପଡ଼ିଛି । ତେଣୁ ସ୍ଥିତିରେ ଶୀଘ୍ର ସୁଧାର ଆସିବା ଦରକାର ବୋଲି କଂଗ୍ରେସ ଦାବି କରିଛି । ଆଉ ୧୯ ତାରିଖରେ ଏହା ବିରୋଧରେ ଆନ୍ଦୋଳନକୁ ଓହ୍ଲାଇବ ବୋଲି କଂଗ୍ରେସ କହିଛି ।