ପିଲା ପଢିବେ ଭୂତ ପାଠ: ବିଶ୍ୱବିଦ୍ୟାଳୟରେ ଆରମ୍ଭ ହେବ ଭୂତ ବିଦ୍ୟା ସମ୍ପର୍କିତ ପାଠ୍ୟକ୍ରମ । ୬ ମାସିଆ କୋର୍ସରେ ଛାତ୍ରଛାତ୍ରୀ ଜାଣିପାରିବେ ଭୂତ ରହସ୍ୟ
କନକ ବ୍ୟୁରୋ: ଆପଣ ଭୂତପ୍ରେତଙ୍କ ଦୁନିଆ, ସେମାନଙ୍କ ଅଲୌକିକ କାରନାମା ବାବଦରେ ଜାଣିବାକୁ ଇଚ୍ଛୁକ କି ? ଯଦି ହଁ ତେବେ ବନାରସ ହିନ୍ଦୁ ୟୁନିଭର୍ସିଟି (ବିଏଚୟୁ)ରେ ଏଥିପାଇଁ ପାଠ୍ୟକ୍ରମ ଆରମ୍ଭ କରାଯାଇଛି । ଭୂତ ବିଦ୍ୟା ବା ସାଇନ୍ସ ଅଫ ପାରାନର୍ମାଲ ନାମରେ ଏହି ୬ ମାସିଆ ସାର୍ଟିଫିକେଟ ପାଠ୍ୟକ୍ରମ ଆରମ୍ଭ କରାଯାଇଛି । ଭୂତ ବିଦ୍ୟା ସମ୍ପର୍କିତ ଏହି ପାଠ୍ୟକ୍ରମରେ ମନୋଚିକିତ୍ସା ସମ୍ବନ୍ଧୀୟ ବିକାରଗ୍ରସ୍ତ ରୋଗୀଙ୍କୁ କିଭଳି ଉପଚାର କରାଯାଇପାରିବ ସେ ନେଇ ପାଠ ପଢ଼ାଯିବ । ଯେଉଁ ଲୋକମାନେ ଭୂତକୁ ନେଇ ନିଜ ମନରେ ଭୟ ରଖୁଛନ୍ତି ସେମାନଙ୍କୁ କିଭଳି ଚିକିତ୍ସା କରାଯିବ ସେ ବାବଦରେ ଛାତ୍ରଛାତ୍ରୀ ପାଠ ପଢିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏହି ପାଠ୍ୟକ୍ରମ ଆସନ୍ତା ଜାନୁୟାରୀରୁ ଆରମ୍ଭ ହେବାକୁ ଯାଉଥିବା ବେଳେ ଆୟୁର୍ବେଦ ବିଭାଗ ଦ୍ୱାରା ଏହି ପାଠ୍ୟକ୍ରମକୁ ପରିଚାଳନା କରାଯିବ । ଭୂତ ଯୋଗୁଁ ହେଉଥିବା ମାନସିକ ରୋଗର ଚିକିତ୍ସା ବାବଦରେ ବ୍ୟାଚେଲର ଅଫ ଆୟୁର୍ବେଦିକ ମେଡ଼ିସିନ ଆଣ୍ଡ ସର୍ଜରୀ (ବିଏଏମଏସ) ଓ ବ୍ୟାଚେଲର ଅଫ ମେଡ଼ିସିନ ଆଣ୍ଡ ବ୍ୟାଚଲର ଅଫ ସର୍ଜରୀ (ଏମବିବିଏସ) ଡିଗ୍ରୀଧାରୀଙ୍କୁ ଏହି ପାଠ୍ୟକ୍ରମ ପଢ଼ାଯିବ ।
ଆୟୁର୍ବେଦ ବିଭାଗର ମୁଖ୍ୟ ଯାମିନୀ ଭୂଷଣ ତ୍ରିପାଠୀ କହିଛନ୍ତି ଯେ ଡାକ୍ତରମାନଙ୍କୁ ଔପଚାରିକ ଶିକ୍ଷା ପ୍ରଦାନ କରିବା ପାଇଁ ଆୟୁର୍ବେଦ ପାଠ୍ୟକ୍ରମରେ ଭୂତବିଦ୍ୟା ସମ୍ପର୍କିତ ଏକ ପାଠ୍ୟକ୍ରମକୁ ସ୍ଥାନ ଦିଆଯାଇଛି ।