ଈରାନୀ ସେନାର କ୍ରୁରତା: ହିଜାବ ପ୍ରଦର୍ଶନକାରୀଙ୍କ ଉପରେ ଲଗାତାର ୭୩ ମିଶାଇଲ ମାଡ
କନକ ବ୍ୟୁରୋ: ହିଜାବକୁ ନେଇ ମହସା ଅମିନିଙ୍କ ମୃତ୍ୟୁ ପରେ ଏହି ବିବାଦ ଏବେ ଉଗ୍ର ହେବାରେ ଲାଗିଛି । ୧୨ ଦିନ ପରେ ବି ଈରାନରେ ଜୋରଦାର ବିକ୍ଷୋଭ ଜାରି ରହିଛି । ଏହା ମଧ୍ୟରେ ନିଜର କ୍ରୁରତା ଦେଖାଇଛି ଈରାନ୍ ସେନା । ପ୍ରଦର୍ଶନକାରୀଙ୍କ ଉପରେ ସିରିଏଲ ମିଶାଇଲ ମାଡ କରିଛି ଈରାନ ସେନା ।
Kanak News is now on WhatsApp
Join and get latest news updates delivered to you via WhatsApp
ଈରାନର ଷ୍ଟେଟ୍ ମିଡିଆର ସୂଚନା ମୁତାବକ, ଈରାନର ଇସ୍ଲାମିକ୍ ରେଭୋଲ୍ୟୁସନ୍ ଗାର୍ଡସ୍ କୋର୍ସ (ଆରଜିସି) ପ୍ରଦର୍ଶନ କରାଯାଉଥିବା ବିଭିନ୍ନ ସ୍ଥାନରେ ଲଗାତାର ୭୩ଟି ମିଶାଇଲ ମାଡ କରିବା ସହ ଡ୍ରୋନ ଆକ୍ରମଣ କରିଥିବା ଜଣାପଡିଛି । ହେଲେ ଏହି ଆକ୍ରମଣରେ କେତେଜଣଙ୍କର ମୃୁତ୍ୟ ହୋଇଛି ସେନେଇ କିଛି ସୂଚନା ଦିଆଯାଇନାହିଁ । କୁର୍ଦ ଅଞ୍ଚଳର ୪୨ଟି ଭିନ୍ନ ଭିନ୍ନ ପଏଣ୍ଟରେ ମିଶାଇଲ ମାଡ କରାଯାଇଛି ।
ଗଣମାଧ୍ୟମକୁ ସୂଚନା ଦେବାକୁ ଯାଇ ଆଇଆରଜିସି କହିଛି ଯେ, ହିଜାବକୁ ବିରୋଧ କରି ଛାତ୍ରୀ ମହସା ଅମିନିଙ୍କ ମୃତ୍ୟୁ ପରେ ପରିସ୍ଥିତି ଉକ୍ରଟ ରୂପ ଧାରଣ କରିଥିଲା । ଏହାପରେ ପରେ ପରିସ୍ଥିତି ନିୟନ୍ତ୍ରଣ କରିବାକୁ ସ୍ଥାନୀୟ ପ୍ରଶାସନ ବାରମ୍ବାର ସେନାକୁ ଅନୁରୋଧ କରିବା ପରେ ଏପରି ମିଶାଇଲ ଓ ଡ୍ରୋନ୍ ଆକ୍ରମଣ ହୋଇଛି । ଏପରି ପ୍ରଦର୍ଶନ ଇସ୍ଲାମିକ୍ ଧର୍ମକୁ ଅପମାନିତ କରିବାକୁ ଦେଶର ସେନା ଏପରି ପଦକ୍ଷେପ ନେଇଥିବା କହିଛି ଆରଜିସି ।
ପ୍ରାକ୍ ସୂଚନା ମୁତାବକ, ହିଜାବକୁ ବିରୋଧ କରି ଈରାନରେ ଉଗ୍ର ରୂପ ଧାରଣ କରିଛି ବିରୋଧ । ଏହି ଘଟଣାରେ ଏଯାଏଁ ୪୦ରୁ ଉଦ୍ଧ୍ୱର୍ ପ୍ରଦର୍ଶନକାରୀଙ୍କର ମୃତ୍ୟୁ ହୋଇସାରିଛି । ଶହଶହ ପ୍ରଦର୍ଶନକାରୀଙ୍କୁ ଗିରଫ କରାଯାଇଛି ।