ଜ୍ୱର ସାଜିଲା ଯମ ! ବିହାରରେ ଲିଚୁ ଖାଇ ୫୪ ଶିଶୁଙ୍କ ମୃତ୍ୟୁ ଅଭିଯୋଗ
ବିହାରରୁ ଆସିଲା ବଡ ଖବର । ବିହାର ମୁଜାଫରପୁରରେ ଜ୍ୱର ନେଉଛି ଜୀବନ
କନକ ବ୍ୟୁରୋ: ବିହାରରୁ ଆସିଲା ବଡ ଖବର । ବିହାର ମୁଜାଫରପୁରରେ ଜ୍ୱର ନେଉଛି ଜୀବନ । ମୁଜାଫରପୁର ସମେତ ଆଖପାଖ ଜିଲ୍ଲାରେ ମଧ୍ୟ ଜ୍ୱର କଅଁଳ ଶିଶୁଙ୍କ ଜୀବନ ନେଉଛି । ଜ୍ୱରରେ ୫୪ ଜଣଙ୍କ ଜୀବନ ଯାଇଥିବା ସୂଚନା ମିଳିଛି । ଶ୍ରୀକୃଷ୍ଣ ମେଡିକାଲ କଲେଜ ଓ ହସ୍ପିଟାଲରେ ୪୬ ଶିଶୁଙ୍କ ମୃତ୍ୟୁ ହୋଇଥିବା ବେଳେ କେଜ୍ରିୱାଲ ହସ୍ପିଟାଲରେ ୮ ଜଣଙ୍କ ଜୀବନ ଯାଇଛି । ତେବେ ଏ ମାରାତ୍ମକ ଜ୍ୱରରେ କେବଳ ଶିଶୁଙ୍କର ହିଁ ଜୀବନ ଯାଉଛି । ୧୦ରୁ ୧୫ ବର୍ଷ ବୟସର ଶିଶୁଙ୍କ ଜୀବନ ଜ୍ୱର ନିଆଁରେ ଜଳି ଯାଉଛି । ତେବେ ଏ ମାରାତ୍ମକ ଜ୍ୱରକୁ ଏକ୍ୟୁଟ ଏନସେଫାଲାଇଟିସ ସେଣ୍ଡ୍ରୋମ ମଧ୍ୟ କୁହାଯାଉଛି । ୧୫ ବର୍ଷ ଭିତରେ ଥିବା ଶିଶୁ ଏହି ରୋଗରେ ବେଶି ଆକ୍ରାନ୍ତ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ମାରାତ୍ମକ ରୋଗର ପ୍ରଥମ ଲକ୍ଷଣ ହେଉଛି ପ୍ରବଳ ଜ୍ୱର ହେବା, ବାନ୍ତି ଜୋରରେ ହେବା ଏବଂ ବେହୋସ ହେବା ସହ ଶରୀରର ଅନ୍ୟ ଅଙ୍ଗ ସବୁ ଧିରେ ଧିରେ କମ୍ପିବା । ସବୁଠାରୁ ବଡ କଥା ହେଉଛି ଏହି ରୋଗ ପଛରେ, ଏହି ମୃତ୍ୟୁ ପଛରେ ରହିଛି ମିଠା ଲିଚୁ । ଲିଚୁ ଖାଇବା ଦ୍ୱାରା ଶିଶୁଙ୍କ ମୃତ୍ୟୁ ହେଉଥିବା ଡାକ୍ତର କହିଛନ୍ତି । ଖାଲି ପେଟରେ ଲିଚୁ ଖାଇବା ମହାମାରୀର କାରଣ ପାଲଟୁଛି ବୋଲି ଡାକ୍ତର କହୁଛନ୍ତି । ଲିଚୁରେ ଥିବା କେମିକାଲ ରକ୍ତ ଉପରେ ସିଧା ପ୍ରଭାବ ପକାଉଛି । ଯଦି ରାତିରେ ଖାଲି ପେଟରେ ଥିବେ ଆଉ ସକାଳେ ଅନ୍ୟକିଛି ଜଳଖିଆ ଖାଇବା ବଦଳରେ ଲିଚୁ ଖାଇବେ ତେବେ ତାହା ରକ୍ତରେ ସୁଗାରର ମାତ୍ରା କମାଇଦିଏ । ଖାଲି ପେଟରେ ଶୋଇବା ଦ୍ୱାରା ରକ୍ତରେ ସୁଗାର କମିକି ଥାଏ ଆଉ ସକାଳେ ଲିଚୁ ସୁଗାରର ପରିମାଣ ଆହୁରି କମାଇଦିଏ ଫଳରେ ତାହା ମସ୍ତିଷ୍କ ଉପରେ ପ୍ରଭାବ ପକାଏ । ଆଉ ପରିଶେଷରେ ମୃତ୍ୟୁର କାରଣ ପାଲଟେ ।
ବିଶେଷ କରି ଗରିବ ପରିବାରର ପିଲା ସକାଳେ କିଛି ଖାଇବାକୁ ପାଉନଥିବାରୁ ବାଡିରେ ହୋଇଥିବା ଲିଚୁ ଖାଇ ରହି ଯାଆନ୍ତି ଯାହା ତାଙ୍କୁ ମୃତୁା ଆଡକୁ ବାଟ କଢ଼ାଇ ନିଏ । ତେବେ ଦୀର୍ଘ ଦିନ ହେବ ବର୍ଷା ନହେବା ମଧ୍ୟ ଜ୍ୱରର ଆଉ ଏକ କାରଣ ବୋଲି ଅନେକ କହୁଛ