କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କୁ ଭେଟିଲେ ଯୋଗୀ ଆଦିତ୍ୟନାଥ । ଉତ୍ତରପ୍ରଦେଶରେ ବିଜେପିର ବିଜୟ ପଛରେ ଧର୍ମେନ୍ଦ୍ରଙ୍କର ଥିଲା ଗୁରୁତ୍ୱପୂର୍ଣ୍ଣ ଭୂମିକା ।
କନକ ବ୍ୟୁରୋ : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିଲେ ଯୋଗୀ ଆଦିତ୍ୟନାଥ । ସରକାର ଗଢିବା ପୂର୍ବରୁ ଯୋଗୀ ଆଦିତ୍ୟନାଥ ଦିଲ୍ଲୀ ଗସ୍ତରେ ଆସିଛନ୍ତି । ଏହି ସମୟରେ ଦଳର ପ୍ରମୁଖ ନେତାଙ୍କୁ ଭେଟୁଛନ୍ତି ଯୋଗୀ ଆଦିତ୍ୟନାଥ । ଉତ୍ତରପ୍ରଦେଶ ବିଧାନସଭା ନିର୍ବାଚନରେ ବିଜେପିର ଯେଉଁ କେତେ ଜଣ ପ୍ରମୁଖ ନେତା ଦାୟିତ୍ୱ ତୁଲାଇଥିଲେ ସେମାନଙ୍କ ମଧ୍ୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅନ୍ୟତମ । ନିର୍ବାଚନ ବେଳେ ବିରୋଧୀଙ୍କର ପ୍ରଭାବ ଅଧିକ ରହିଥିଲା । ହେଲେ ଧର୍ମେନ୍ଦ୍ରଙ୍କ ନେତୃତ୍ୱରେ ଏସବୁକୁ ମାତ୍ ଦେବାରେ ସଫଳ ହୋଇଛି ଦଳ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ନିର୍ବାଚନ ପୂର୍ବରୁ କେଶବ ପ୍ରସାଦ ମୌର୍ଯ୍ୟ ଏବଂ ଯୋଗୀଙ୍କ ମଧ୍ୟରେ ସଂପର୍କ ଭଲ ନଥିଲା ବୋଲି ଚର୍ଚ୍ଚା ହେଉଥିଲା । ହେଲେ ଧର୍ମେନ୍ଦ୍ର ପ୍ରଭାରୀ ଭାବେ ନିଯୁକ୍ତ ହେବା ପରେ କେଶବଙ୍କ ଘରେ ଯୋଗୀଙ୍କୁ ନେଇ ପହଞ୍ଚାଇଥିଲେ । ଆଉ ଏହି ଚର୍ଚ୍ଚାରେ ଗୋଟିଏ ବଡ ବିରାମ ଲଗାଇ ବିରୋଧୀଙ୍କୁ ଦେଇଥିଲେ ବଡ ଚକମା । ସେହିପରି ନିର୍ବାଚନ ବେଳେ ପ୍ରଚାର ପାଖରୁ ଆରମ୍ଭ କରି ବୁଥ ସ୍ତରରେ ଭୋଟ୍ ମ୍ୟାନଜମେଣ୍ଟ ଭଳି ଗୁରୁତ୍ୱପୂର୍ଣ୍ଣ ଦାୟିତ୍ୱ ଧର୍ମେନ୍ଦ୍ର ବୁଝୁଥିଲୋ ଧର୍ମେନ୍ଦ୍ର ପ୍ରଧାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହଙ୍କର ନିକଟତମ ବ୍ୟକ୍ତି ।
आज माननीय श्री @myogiadityanath जी से आत्मीय भेंट हुई।
आदरणीय प्रधानमंत्री श्री @narendramodi जी के मार्गदर्शन में यूपी में मिले ऐतिहासिक जनादेश के लिए शुभकामनाएँ दीं।योगी जी के प्रभावशाली नेतृत्व में उत्तर प्रदेश प्रगति व सुशासन की नई ऊँचाइयों को छूता रहेगा ऐसा मेरा विश्वास है। pic.twitter.com/rg0bYHYSUR
— Dharmendra Pradhan (@dpradhanbjp) March 14, 2022
କେବଳ ଉତ୍ତରପ୍ରଦେଶ ନୁହେଁ ପୂର୍ବରୁ ଧର୍ମେନ୍ଦ୍ର ପଶ୍ଚିମବଙ୍ଗର ନନ୍ଦିଗ୍ରାମ ବିଧାନସଭା ଆସନ, ଛତିଶଗଡ, ଝାଡଖଣ୍ଡ, କର୍ଣ୍ଣାଟକ ଏବଂ ବିହାରର ପ୍ରଭାରୀ ଭାବେ ଦାୟିତ୍ୱ ତୁଲାଇଛନ୍ତି । ଉତ୍ତର ପ୍ରଦେଶରେ ବିଜେପି ବିଜୟୀ ହେବା ପରେ ଦିଲ୍ଲୀ ଆସିଛନ୍ତି ଯୋଗୀ । ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହ, ବିଜେପି ସଭାପତି ଜେପି ନଡ୍ଡା ଓ ଆଜି କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କୁ ଭେଟିଛନ୍ତି ଯୋଗୀ ଆଦିତ୍ୟନାଥ ।