ବିଶ୍ୱକପରେ ବଢୁଛି ରୋମାଞ୍ଚ । ଟ୍ରଫି ପାଇଁ ଚାଲିଛି ବଡ ଲଢେଇ, ଦେଖନ୍ତୁ କେଉଁ ୪ଟି ଟିମକୁ ମିଳିପାରେ ସେମି-ଫାଇନାଲ ଟିକେଟ୍ ।
କନକ ବ୍ୟୁରୋ : କଣ ରହିବ ବିଶ୍ୱକପର ସେମି ଫାଇନାଲ୍ ଲାଇନ୍ ଅପ୍ । କେଉଁ ୪ଟି ଟିମ୍ ପହଁଚିବେ ବିଶ୍ୱକପର ସେମିଫାଇନାଲରେ, ତାହା ଉପରେ ରହିଛି କ୍ରିକେଟ୍ ପ୍ରେମୀଙ୍କ ନଜର । ବିଶ୍ୱକପର ଅଧା ମ୍ୟାଚ୍ ସରିବା ପରେ ଧୀରେ ଧୀରେ ଫୋକସକୁ ଆସିଗଲାଣି ଦଳ ଗୁଡିକର ପଏଣ୍ଟ ତାଲିକା । ଏହାକୁ ନେଇ ଅନୁମାନ କରାଯାଉଛି ଭାରତ, ଇଂଲଣ୍ଡ, ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ପହଁଚିବେ ବିଶ୍ୱକପ ସେମିରେ ।
Kanak News is now on WhatsApp
Join and get latest news updates delivered to you via WhatsApp
ଡିଫେଣ୍ଡିଂ ଚାମ୍ପିଅନ୍ ଅଷ୍ଟ୍ରେଲିଆ ଏବେ ୬ଟି ମ୍ୟାଚରୁ ୫ଟି ବିଜୟ ସହ ୧୦ ପଏଂଟ ହାସଲ କରି ପଏଣ୍ଟ ଟେବୁଲର ଶୀର୍ଷରେ ରହିଛି । ଗତଥରର ରନର୍ସ ଅପ୍ ନ୍ୟୁଜିଲାଣ୍ଡ ୫ଟି ମ୍ୟାଚରୁ ଏବେ ୯ ପଏଂଟ ହାସଲ କରିସାରିଲାଣି । ସେହିପରି ଇଂଲଣ୍ଡ ୫ ମ୍ୟାଚରୁ ୮ ପଏଂଟ ହାସଲ କରିଛି । ଭାରତ ୪ଟି ମ୍ୟାଚରୁ ୭ ପଏଂଟ ହାସଲ କରି ପଏଂଟ ଟେବୁଲର ଚତୁର୍ଥ ସ୍ଥାନରେ ରହିଛି ।
ତେବେ ବିଶ୍ୱକପରେ ବିପର୍ଯ୍ୟୟ ଘଟାଇପାରନ୍ତି ୨ ଟିମ୍ । ଆଉ ଏହି ଦୁଇଠି ଦେଶ ହେଉଛି ପାକିସ୍ତାନ ଓ ବାଂଲାଦେଶ । ପାକିସ୍ତାନ ପାଇଁ ସେମି ଫାଇନାଲ ରାସ୍ତା କଷ୍ଟକର । ୫ଟି ମ୍ୟାଚରୁ ଦଳକୁ ମିଳିଛି ମାତ୍ର ୩ ପଏଂଟ । ଭାରତ ଖେଳିଥିବା ୪ ମ୍ୟାଚରୁ ପାଇଛି ୭ ପଏଂଟ । ଆଗକୁ ରହିଛି ଆଉ ୫ଟି ମ୍ୟାଚ୍ । ଆଫଗାନିସ୍ତାନ, ୱେଷ୍ଟଇଣ୍ଡିଜ, ଇଂଲଣ୍ଡ, ବାଂଲାଦେଶ ଓ ଶ୍ରୀଲଙ୍କା ବିପକ୍ଷରେ ମ୍ୟାଚ ଖେଳିବ ବିରାଟ ବାହିନୀ ।