ଓଭାଲରେ ବଡ଼ପଣ ଦେଖାଇଲେ ବିରାଟ କୋହଲି: ଅଷ୍ଟ୍ରେଲିଆ ଖେଳାଳୀ ଷ୍ଟିଭ ସ୍ମିଥଙ୍କୁ ନଚିଡାଇବାକୁ ଭାରତୀୟ ଫ୍ୟାନକୁ ଦେଲେ ପରାମର୍ଶ
ପ୍ରେସିମଟରେ ମାଗିଲେ କ୍ଷମା; ବିରାଟଙ୍କ କାର୍ଯ୍ୟକୁ ଆଇସିସି ପ୍ରଶଂସା
କନକ ବ୍ୟୁରୋ: ଓଭାଲ ମ୍ୟାଚରେ ରବିବାର ଟିମ ଅଷ୍ଟ୍ରେଲିଆକୁ ମାତ୍ ଦେଇଛି ଟିମ୍ ଇଣ୍ଡିଆ । ତେବେ ଏହି ମ୍ୟାଚରେ ଏଭଳି କିଛି ଘଟଣା ଘଟିଛି ଯାହାକୁ ନେଇ ଗଣମାଧ୍ୟମରେ ଜୋର ଧରିଛି ଚର୍ଚ୍ଚା । ଭାରତୀୟ ଟିମର କ୍ୟାପଟେନ ବିରାଟ କୋହଲି ବଡପଣର ପରିଚୟ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରବିବାର ବିରାଟ କୋହଲି ପଡିଆରେ ବ୍ୟାଟିଂ କରୁଥିବାବେଳେ ଭାରତୀୟ ଫ୍ୟାନମାନେ ବାଉଁଣ୍ଡରୀରେ ଫିଲ୍ଡିଂ କରୁଥିବା ଷ୍ଟିଭ୍ ସ୍ମିଥଙ୍କୁ ବାରମ୍ବାର ଚିଟର କହି ଚିଡାଇଥିଲେ । ଏହା ଦେଖି ଏଭଳି ନକରିବାକୁ ଫ୍ୟାନମାନଙ୍କୁ କହିଥିଲେ ବିରାଟ । ଆଉ ସ୍ମିଥଙ୍କୁ ତାଳିମାରି ଉତ୍ସାହିତ କରିବାକୁ ପରାମର୍ଶ ଦେଇଥିଲେ । କୋହଲି କହିବା ପରେ ଶାନ୍ତି ପଡିଥିଲେ ଭାରତୀୟ ଫ୍ୟାନ୍ । ଖେଳ ଶେଷରେ ଏଥିପାଇଁ ସ୍ମିଥଙ୍କୁ କୋହଲି କ୍ଷମା ମଧ୍ୟ ମାଗିଛନ୍ତି । କୋହଲିଙ୍କ ଏପରି କାର୍ଯ୍ୟକୁ ଅଷ୍ଟ୍ରେଲିଆ ଖେଳାଳିଙ୍କ ସମେତ ଆଇସିସି ପ୍ରଶଂସା କରିଛି ।