ବିକଶିତ ଦେଶର ଖରାପ କାହାଣୀ! ଦୀର୍ଘ ୮୦ ବର୍ଷପରେ ହେଲା ପର୍ଦ୍ଦାଫାସ । ଧର୍ମ ଆଢୁଆଳରେ ପିଲାଙ୍କୁ କରାଯାଉଥିଲା ଯୌନଶୋଷଣ
କନକ ବ୍ୟୁରୋ : ଜଣେ କିମ୍ବା ଶହେ ନୁହେଁ । ପାଖାପାଖି ୬ଶହରୁ ଅଧିକ ଛୁଆ ହୋଇଛନ୍ତି ଯୌନଶୋଷଣର ଶିକାର । ତାହା ପୁଣି ପବିତ୍ର ସ୍ଥାନ କୁହାଯାଉଥିବା ଚର୍ଚ୍ଚରେ । ଦୀର୍ଘ ୮୦ ବର୍ଷ ଧରି ଚାଲିଥିଲା ଏଭଳି କଦର୍ଯ୍ୟ କାମ । କୁହାଯାଉଥିଲା ଏହା ହେଉଛି ଗଡଙ୍କ ଇଛା । ଆମେରିକା ଭଳି ବିକଶିତ ଦେଶରୁ ଆସିଛି ଲଜ୍ଜାଜନକ ଖବର । ଚର୍ଚ୍ଚରେ ଫାଦରମାନେ ଶିଶୁମାନେ ଦୀର୍ଘ ବର୍ଷଧରି ଯୌନଶୋଷଣର ଶିକାର ହେଉଥିବା ଏକ ରିପୋର୍ଟରେ ପ୍ରକାଶ ପାଇଛି । ତେବେ ଯେତେବେଳେ ମେରିଲାଣ୍ଡର ଷ୍ଟେଟର ଆଟର୍ଣ୍ଣି ଜେନେରାଲା ଆନ୍ଥୋନି ବ୍ରାଉନ ଏସମ୍ପର୍କରେ ଏକ ପ୍ରେସମିଟ୍ କରିଥିଲେ ସେତେେବେଳେ ଘଟଣାର ପ୍ରକୃତ ସତ ଲୋକଲୋଚନକୁ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେ ଏହି ପ୍ରେସମିଟରେ ପ୍ରକାଶ କରିଥିଲେ କି, ଆମେରିକାର ମେରିଲାଣ୍ଡ ରାଜ୍ୟରେ ଥିବା କ୍ୟାଥେଲିକ ଚର୍ଚ୍ଚରେ ୧୯୪୦ ମସିହା ପରଠାରୁ ଏଭଳି ଘୃଣ୍ୟ କାମ କରାଯାଉଥିଲା । ତେବେ ଫାଦରମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ । କାହିଁକି ନାଁ ଏହା ପଛରେ ମୁଖ୍ୟତଃ କିଛି କାରଣମାନ ଲୁଚି ରହିଛି । ସେ କହିଛନ୍ତି କି, ଚର୍ଚ୍ଚରେ ଏଭଳି କଦର୍ଯ୍ୟ କାମ ଘଟୁଥିବାର ସେମିତି କିଛି ପ୍ରମାଣ ନାହିଁ । ଅନ୍ୟପଟେ ଯୌନଶେଷଣର ଶିକାର ହୋଇଥିବା ଶିଶୁମାନେ କିମ୍ବା ସେମାନଙ୍କ ପରିବାର ପକ୍ଷରୁ କୌଣସି ଲିଖିତଭାବେ ଅଭିଯୋଗ କରାଯାଇନାହିଁ । ଚର୍ଚ୍ଚର ପରିଚାଳନା ଦାୟିତ୍ୱରେ ଥିବା ଅଧିକାରୀମାନେ ମଧ୍ୟ ଏହାକୁ ଚପାଇ ରଖିଥିଲେ । ସେମାନେ ସମସ୍ତ ପ୍ରମାଣକୁ ମଧ୍ୟ ନଷ୍ଟ କରି ଦେଇଛନ୍ତି ।
ଶିଶୁମାନଙ୍କୁ ଡରାଇ ଧମକାଇ ଏଭଳି ଯୌନଶୋଷଣ କରାଯାଉଥିଲା । କୁହାଯାଉଥିଲା କି, ଏହା ହେଉଛି ଗଡଙ୍କ ଇଛା । ଯଦି କେହି ଏହାକୁ ବିରୋଧ କରୁଥିଲେ ତାଙ୍କୁ ଧମକ ମଧ୍ୟ ଦିଆଯାଉଥିଲା । ଜୀବନରୁ ମାରିଦେବା ଭଳି ଧମକ ମଧ୍ୟ ଦିଆଯାଉଥିଲା । ଯଦି କେହି ଅରାଜି ହେଉଥିଲେ ସେମାନଙ୍କୁ ଚାକିରୀର ଅଫର ଦେଉଥିଲେ ଫାଦର । ତେବେ ଏହି ଯୌନଶୋଷଣ ମାମଲାରେ ପାଖାଖାଖି ୧୬୫ଜଣ ଫାଦର ଜଡିତଥିବା କୁହାଯାଇଛି । ୪ ବର୍ଷ ଧରି ଯାଂଚ କରିଥିଲେ ମେରିଲାଣ୍ଡର ଆଟର୍ଣ୍ଣି ଜେନେରାଲ ଆନ୍ଥୋନି ବ୍ରାଉନ । ଏଠାରେ ଘଟୁଥିବା କଦର୍ଯ୍ୟ ଘଟଣା ସମ୍ପର୍କରେ ଜାଣିବା ପରେ ଏହି ପ୍ରମାଣ ସଂଗ୍ରହ କରିଛନ୍ତି । ତେବେ ଆନ୍ଥୋନି ବ୍ରାଉନ ୪୬୩ ପୃଷ୍ଠାର ଏକ ରିପୋର୍ଟ ଦାୟର କରିଛନ୍ତିି ।
କହି ରଖୁଛୁ କି, ଆମେରିକା ହେଉଛି ଏକ ବିକଶିତ ଦେଶ । ଏଠାରେ ୫୦ ରାଜ୍ୟରେ ପାଖାପାଖି ୩୧ କୋଟିରୁ ଅଧିକ ବସବାସ କରନ୍ତି । ମେରିଲାଣ୍ଡ ହେଉଛି ଏକ ଖ୍ରୀଷ୍ଟିଆନ ରାଜ୍ୟ । ତେବେ ଏଠାରେ ଘୃଣ୍ୟକାମ ଚାଲିଥିବାବେଳେ ଏହାକୁ କାହିଁକି ଚାପି ଦିଆଯାଇଥିଲା ତାକୁ ନେଇ ଉଠିଛି ପ୍ରଶ୍ନବାଚୀ ।