ସାଧାରଣତଃ କୌଣସି ଦୂର ସ୍ଥାନକୁ ଯାତ୍ରା କଲା ସମୟରେ ସବୁଠାରୁ ବଡ ସମସ୍ୟା ଭାବେ ମୁଣ୍ଡ ଟେକିଥାଏ ମୋବାଇଲ ଫୋନ କିମ୍ବା ଅନ୍ୟାନ୍ୟ ବୈଦ୍ୟୁତିକ ଉପକରଣଗୁଡିକୁ ଚାର୍ଜ କରିବା । ହେଲେ ଏଣିକି ଆପଣଙ୍କର ଏହି ସମସ୍ୟା ଆଉ ରହି ନପାରେ । କାରଣ ଶରୀରର ଅଙ୍ଗଭଙ୍ଗିରୁ ଚାର୍ଜ ହେବ ଆପଣଙ୍କ ମୋବାଇଲ । ଆଶ୍ଚର୍ଯ୍ୟ ଲାଗୁଛି ନା । ମାତ୍ର ଏହା ସତ୍ୟ ଅଟେ । ଆଜି ଆମେ ଆପଣଙ୍କୁ ଯେଉଁ ଟେକନିକ୍ ସଂପର୍କରେ ଜଣାଇବାକୁ ଯାଉଛ ତା ଦ୍ୱାରା ଆପଣଙ୍କର ଏହି ସମସ୍ୟା ସଂପୂର୍ଣ୍ଣ ଭାବେ ଦୂର ହୋଇପାରେ । ସବଠାରୁ ବଡ କଥା ହେଲା ଏଥିପାଇଁ ଆପଣଙ୍କୁ ନା କୌଣସି ଚାର୍ଜର ଆବଶ୍ୟକତା ପଡିବ ନା ହିଁ କୌଣସି ବ୍ୟାଟେରୀ ଏବଂ ନା ହିଁ ଅନ୍ୟ କୌଣସି ଉପକରଣ । ଆପଣ ଆପଣଙ୍କର ଗ୍ୟାଜେଟକୁ ଯେତେବେଳେ ଚାହିଁବେ ସେତେବେଳେ ଅତି ସହଜରେ ଚାର୍ଜ କରିପାରିବେ । ତେବେ ଏହା କିପରି ସମ୍ଭବ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ବୈଜ୍ଞାନିକମାନେ ଧାତୁ ନିର୍ମିତ ଏକ ଛୋଟ ଟ୍ୟାବକୁ ବିକଶିତ କରିବାରେ ସଫଳତା ହାସଲ କରିଛନ୍ତି, ଯାହାକି ମଣିଷ ଶରୀରର ଗତିବିଧିରୁ ହିଁ ବିଜୁଳି ଉତ୍ପନ୍ନ କରିପାରିବ । ତେବେ ମଣିଷ ଶରୀର ହେଉଛି ଅପାର ଶକ୍ତିର ଭଣ୍ଡାର । ଆମେରିକା ସ୍ଥିତ ଟଦ୍ଭସଙ୍ଖରକ୍ସଗ୍ଦସଗ୍ଧଚ୍ଚ ବଗ୍ଧ ଈଙ୍କଲଲବକ୍ଷକ୍ଟର ବୈଜ୍ଞାନିକ ମାନେ ମଣିଷ ଶରୀରର ଶକ୍ତିକୁ ହିଁ ଆଧାର କରିପେଭଳି ଏକ ଟ୍ୟାବକୁ ବିକଶିତ କରିଛନ୍ତି । ଯେତେବେଳେ ବି କୌଣସି ବସ୍ତୁ ଅନ୍ୟ କୌଣସି ବସ୍ତୁ ସଶ୍ପର୍ଶରେ ଆସିବ ସେତେବେଳେ ତା ଭିତରେ ଚାର୍ଜ ହୋଇ ଟ୍ରାଇବୋ-ଇଲେକ୍ଟ୍ରିସିଟି ଉତ୍ପନ୍ନ କରିଥାଏ । ତେବେ ଟ୍ରାଇବୋ-ଇଲେକ୍ଟ୍ରିସିଟି ପ୍ରଭାବର ବ୍ୟବହାର କରୁଥିବା ନାନୋ ଜେନେରେଟରକୁ ତିଆରି କରିବା କଷ୍ଟକର ହେବା ସହିତ ମହଙ୍ଗା ମଧ୍ୟ ହୋଇଥାଏ । ମାତ୍ର ବୈଜ୍ଞାନିକମାନେ ନିର୍ମାଣ କରିଥିବା ଏହି ଉପକରଣରଟି ଏସବୁ ସମସ୍ୟାଗୁଡିକର ସମାଧାନର ରାସ୍ତା ଖୋଜି ବାହାର କରିଛି । ଏହି ଟ୍ୟାବରୁ ସୁନାର ଦୁଇଟି ପୃଷ୍ଠର ମଧ୍ୟରେ ସିଲିକନରୁ ତିଆରି ହୋଇଥିବା ପୋଲିମର ପୋଲିଡାଇମିଥାଇଲିସିଲେକ୍ସନ ତଥା ପିଡିଏମଏସକୁ ଲଗା ଯାଇଛି ।
ଏହାର ଗୋଟିଏ ପୃଷ୍ଠକୁ ଏଭଳି ଭାବରେ ଟଣା ଯାଇଛି, ଯାହା ଏକ ଛୋଟ ପର୍ବତ ଶ୍ରେଣୀ ଭଳି ଦୃଶ୍ୟମାନ ହୋଇଥାଏ । ଏଥିରେ ଶରୀରର କୌଣସି ବି ଅଙ୍ଗଭଙ୍ଗୀ ତଥା ଆଙ୍ଗୁଳିକୁ ମୋଡିବା ବା ଦ୍ୱାରା ହିଁ ଶକ୍ତି ମିଳିଥାଏ ଏବଂ ପିଡିଏମଏସର ମଧ୍ୟରେ ଘର୍ଷଣ ଉତ୍ପନ୍ନ ହୋଇଥାଏ । ଏହାଦ୍ୱାରା ସୁନାର ପରସ୍ତ ମଧ୍ୟରେ ଇଲେକ୍ଟ୍ରୋନର ପ୍ରଭାବ ଦ୍ରୁତ ହେବା ଦ୍ୱାରା ଇଲେକ୍ଟ୍ରିସିଟି ଉତ୍ପନ୍ନ ହୋଇଥାଏ । ପାଖାପାଖି ୧.୫ ସେଂଟିମିଟର ଲମ୍ବା ବିଶିଷ୍ଟ ଏବଂ ଏକ ସେମି ଚୌଡା ଟ୍ୟାବରୁ ୧୨୪ ଭୋଲ୍ଟର ବିଜୁଳି ଉତ୍ପନ୍ନ ହୋଇଥାଏ । ଏତିକି ଶକ୍ତିରୁ ଖାଲି ସ୍ମାର୍ଟଫୋନ କାହିଁକି ବରଂ ଲାଲ ରଙ୍ଗର ୪୮ ଏଲଇଡି ଲାଇଟକୁ ମଧ୍ୟ ଏକାସାଥିରେ ଜଳାଇପାରିବେ ।