ସୁଶାନ୍ତ ସିଂଙ୍କୁ ଝାରସୁଗୁଡା ପର୍ଯ୍ୟବେକ୍ଷକ ତାଲିକାରୁ ବାଦ୍ ଦିଆଯିବାକୁ ନେଇ ତେଜୁଛି ରାଜନୀତି । ବିଜେପି ଆଣିଲା ସାଂଘାତିକ ଅଭିଯୋଗ, ବିଜେଡି ଦେଲା କଡା ଜବାବ ।
କନକ ବ୍ୟୁରୋ : ଝାରସୁଗୁଡା ଉପନିର୍ବାଚନରେ ବିଜେଡି ପର୍ଯ୍ୟବେକ୍ଷକ ତାଲିକାରୁ ପୂର୍ବତନ ମନ୍ତ୍ରୀ ସୁଶାନ୍ତ ସିଂଙ୍କୁ ବାଦ୍ ଦିଆଯିବାକୁ ନେଇ ବିଜେଡି ଆଡକୁ ଆଙ୍ଗୁଳି ଉଠାଇଛି ବିରୋଧୀ ବିଜେପି । ମନ୍ତ୍ରୀ ନବ ଦାସଙ୍କ ହତ୍ୟାକାଣ୍ଡରେ ବିଜେଡି ନେତାଙ୍କ ସମ୍ପୃକ୍ତି ଥିବା ଅଭିଯୋଗ କରି ଆସୁଥିଲା ବିଜେପି । ଯେଉଁଥିପାଇଁ ପର୍ଯ୍ୟବେକ୍ଷକ ତାଲିକାରୁ ସେହି ନେତାଙ୍କୁ ବାଦ ଦିଆଯାଇଛି ବୋଲି ବିଜେପି କହୁଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ଏଭଳି ଅଭିଯୋଗକୁ ନେଇ ବିଜେଡି ସାଂସଦ ମହେଶ ସାହୁ କହିଛନ୍ତି, ଦଳ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେଉଁ ଦୃଷ୍ଟିରୁ ଏବଂ କେଉଁ କାରଣ ପାଇଁ ଏଭଳି ନିଷ୍ପତି ନେଇଛନ୍ତି ସେ ହିଁ କହିପାରିବେ । କିଏ କଣ କହୁଛି ତାକୁ ନେଇ କିଛି କହି ହେବ ନାହିଁ । ନବ ଦାସ ହତ୍ୟାକୁ ନେଇ ତଦନ୍ତ ଚାଲିଛି । ବିରୋଧୀ ଦଳ ବହୁତ କଥା କହୁଛନ୍ତି । ଏମିତି କଣ ମାନେ ଅଛି କି, ଯେ ଜଣେ ଆକ୍ଟିଭ ଲୋକଙ୍କୁ ସବୁବେଳେ ସବୁ ଜାଗାରେ ଦାୟିତ୍ୱ ଦିଆଯାଇ ପଠା ହେବ । ବିଜେଡିରେ ସମସ୍ତେ ଦକ୍ଷ ନେତା ଅଛନ୍ତି । ସେ ଅଞ୍ଚଳରେ ଆମର ଆହୁରି ଆକ୍ଟିଭ ଲୋକ ଅଛନ୍ତି । ଏହା ଦଳର ନିଷ୍ପତି ହୋଇଥିବ । ଦଳର ନିଷ୍ପତି ଯାହା କାର୍ଯ୍ୟକର୍ତ୍ତା ତାକୁ ଗ୍ରହଣ କରେ । ସୁଶାନ୍ତ ସିଂଙ୍କର ତ ପ୍ରତିକ୍ରିୟା ନାହିଁ । ବିରୋଧୀ ଦଳ କଣ ଯାହା ପ୍ରତିକ୍ରିୟା ଦେବେ ତାଙ୍କ କଥାରେ ନାଚିବୁ କି ବୋଲି ପ୍ରଶ୍ନ କରିଛନ୍ତି । ଏହାସହ ବିରୋଧୀ ଦଳ କଣ ଜଜ୍, ସେ ଯାହା କହିବେ ତାଙ୍କ କଥାରେ ସବୁ ଚାଲିବ ବୋଲି କହିଛନ୍ତି ମହେଶ ସାହୁ ।