ଦେଶରେ କ୍ରିପ୍ଟୋ କରେନ୍ସି ବ୍ୟବସାୟକୁ ନେଇ ସରକାରଙ୍କ ବଡ ଘୋଷଣା, ଏବେ ମନି ଲଣ୍ଡ୍ରିଂ ନିୟମ ହେବ ଲାଗୁ
କନକ ବ୍ୟୁରୋ : ଭାରତରେ ମନି ଲଣ୍ଡ୍ରିଂ ସହିତ ଜଡିତ ଆଇନ କ୍ରିପ୍ଟୋକରେନ୍ଦି ବ୍ୟବସାୟ ଉପରେ ବି ଲାଗୁ ହେବ । ରୟଟର୍ସ ରିପୋର୍ଟ ମୁତାବକ ସରକାରଙ୍କ ତରଫରୁ ମାର୍ଚ୍ଚ ୭ ତାରିଖରେ ଏନେଇ ବିଜ୍ଞପ୍ତି ପ୍ରକାଶ ପାଇଛି । ଅର୍ଥମନ୍ତ୍ରାଳୟର ଏକ ବିଜ୍ଞପ୍ତି ଅନୁସାରେ ଏଣିକି କ୍ରିପ୍ଟୋ କାରବାର, କ୍ରିପ୍ଟୋ କରେନ୍ସି ଜମା ରଖିବା ଓ ତତ ସଂପର୍କୀତ କାରବାର ମନି ଲଣ୍ଡରିଂ (ବେଆଇନ ଅର୍ଥକାରବାର) ଆଇନ ଅଧିନରେ ଆସିବ ।
Kanak News is now on WhatsApp
Join and get latest news updates delivered to you via WhatsApp
ଅର୍ଥ ମନ୍ତ୍ରଣାଳୟ ପକ୍ଷରୁ ଗତ ମଙ୍ଗଳବାର ଜାରି ଏକ ଗେଜେଟ ବିଜ୍ଞପ୍ତିରେ କୁହାଯାଇଛି ଯେ କ୍ରିପ୍ଟୋ ଟ୍ରେଡିଂ, ସୁରକ୍ଷିତ ରଖିବା ଏବଂ ଆନୁଷଙ୍ଗିକ ଆର୍ଥିକ ସେବା ଉପରେ ଆଣ୍ଟି ମନି ଲଣ୍ଡରିଂ ଆଇନ ଲାଗୁ କରାଯାଇଛି ।
କେତେକ ବିଶେଷଜ୍ଞଙ୍କ ମତରେ ଭାରତ ସରକାରଙ୍କ ଏହି ପଦକ୍ଷେପ ଡିଜିଟାଲ-ସମ୍ପତ୍ତି ପ୍ଲାଟଫର୍ମର ଆବଶ୍ୟକତାର ବିଶ୍ୱସ୍ତରୀୟ ଧାରା ସହିତ ମେଳ ଖାଉଛି, ଯାହା ବ୍ୟାଙ୍କ କିମ୍ବା ଷ୍ଟକ ବ୍ରୋକର ପରି ଅନ୍ୟ ନିୟନ୍ତ୍ରିତ ସଂସ୍ଥାମାନଙ୍କ ପରି ସମାନ ମନି ଲଣ୍ଡରିଂ ନିରୋଧୀ ମାନଦଣ୍ଡକୁ ପାଳନ କରିବ ।
ଗତ ବର୍ଷ ଭାରତ ସରକାର କ୍ରିପ୍ଟୋ କାରବାର ଉପରେ ୩୦ ପ୍ରତିଶତ ଟିକସ ବସାଇଥିଲେ । ଏହା ସହିତ କଠୋର ପଦକ୍ଷେପ ଗ୍ରହଣ କରି କେତେକେ କ୍ରିପ୍ଟୋ ଏକ୍ସଚେଞ୍ଜ ବିରୋଧରେ କାର୍ୟ୍ୟାନୁଷ୍ଠାନ ଗ୍ରହଣ କରିଥିଲେ । ଏହି ପଦକ୍ଷେପ ଏବଂ ଡିଜିଟାଲ ସମ୍ପତ୍ତିରେ ବିଶ୍ୱବ୍ୟାପୀ ହ୍ରାସ ଯୋଗୁଁ ଦେଶରେ କ୍ରିପ୍ଟୋ କାରାବର ପରିମାଣ ହ୍ରାସ ପାଇଛି।
ଅର୍ଥମନ୍ତ୍ରୀ ନିର୍ମଳା ସୀତାରମଣ ଅକ୍ଟୋବର ୨୦୨୨ରେ କହିଥିଲେ, କ୍ରିପ୍ଟୋକରେନ୍ସି ଉପରେ ଏକ ପ୍ରକାର ନିୟନ୍ତ୍ରଣ ର ଆବଶ୍ୟକତା ରହିଛି ଏବଂ ଏଥିପାଇଁ ସମସ୍ତ ଦେଶକୁ ଏକାଠି ହେବାକୁ ପଡ଼ିବ ।