ସାଧାରଣ ଲୋକଙ୍କ ପାଇଁ ଖୁସି ଖବର, ଆଉ ହେବନି ରାସନକାର୍ଡରେ ଜାଲିଆତି : ମୋଦି ସରକାରଙ୍କ ଗୁରୁତ୍ୱପୂର୍ଣ୍ଣ ପଦକ୍ଷେପ
କେନ୍ଦ୍ର ସରକାର ଜନସାଧାରଣଙ୍କ ପାଇଁ କେତେକ ନୂଆ ବ୍ୟବସ୍ଥା ଆରମ୍ଭ କରିଛନ୍ତି । ଏହା ଅଧିନରେ ଥିବା ପୁରୁଣା ବ୍ୟବସ୍ଥା ଗୁଡିକୁ ପରିବର୍ତ୍ତନ କରିବାର ଯୋଜନା ରହିଛି । ଏହି ଦିଗରେ ମୋଦି ସରକାର ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେବାକୁ ଯାଉଛନ୍ତି । ମୋଦି ସରକାର ଏମିତି ଏକ ବ୍ୟବସ୍ଥା କରିବାକୁ ଯାଉଛନ୍ତି, ଯାହା ଦ୍ୱାରା ଆପଣ ଦେଶ ସାରା ଗୋଟିଏ ରାସନକାର୍ଡର ବ୍ୟବହାର କରିପାରିବେ । କେବଳ ଏତିକି ହି ନୁହେଁ ଏହା ଦ୍ୱାରା ଜାଲି ରାସନକାର୍ଡ ତିଆରି କରୁଥିବା ବ୍ୟକ୍ତିଙ୍କ ଉପରେ ମଧ୍ୟ ରୋକ ଲଗାଯିବ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତରେ ଆଧାର କାର୍ଡ ହିସାବରେ ପ୍ରତ୍ୟେକ ରାସନକାର୍ଡକୁ ଏକ ବିଶିଷ୍ଟ ପରିଚୟ ପତ୍ର ପ୍ରଦାନ କରିବା ପାଇଁ ସରକାର ପ୍ରସ୍ତୁତ କରିଛନ୍ତି । ଏହା ଦ୍ୱାରା ନକଲି ରାସନକାର୍ଡ ବନାଇବା ମୁସ୍କିଲ ହୋଇଯିବ । ଏହା ସହିତ ଏକ ଅନଲାଇନ ଏକୀକୃତ ସିଷ୍ଟମ ନିର୍ମାଣ କରିବାର ବ୍ୟବସ୍ଥା କରିଛନ୍ତି ସରକାର । ଏହି ସିଷ୍ଟମରେ ରାସନକାର୍ଡର ଡାଟାକୁ ଷ୍ଟୋର କରାଯିବ । GSTN ଆଧାରରେ ଏହି ଇଣ୍ଟିଗ୍ରେଟେଡ ସିଷ୍ଟମର ନାମ ହେବ INTEGRATED MANAGEMENT OF PUBLIC DISTRIBUTION SUSTEM NETWORK (IMPDSN).
ଯଦି ଦେଶର କୈାଣସି ସ୍ଥାନରେ ରାସନକାର୍ଡରେ ଜାଲିଆତି କରିବାର ଚେଷ୍ଟା କରାଯିବ, ତେବେ ଏହି ସିଷ୍ଟମ ଜରିଆରେ ଜଣାପଡିଯିବ । ଏହାପରେ ଯଦି କେହି ନୂଆ ରାସନକାର୍ଡ ତିଆରି କରିବା ପାଇଁ ଯାଉଛନ୍ତି, ତେବେ ସେମାନେ ସେମିତି କରିପାରିବେ ନାହିଁ । ଏହି ସିଷ୍ଟମର ସବୁଠୁ ବଡ ଫାଇଦା ଏହା ଯେ କୈାଣସି ବି ହିତାଧିକାରୀ ଦେଶର ଯେକୈାଣସି ସ୍ଥାନରେ ରାସନ ଦୋକାନରେ ସବସିଡିରେ ମିଳୁଥିବା ଖାଦ୍ୟ ନେଇପାରିବେ । ଆସନ୍ତା ମାସରୁ ଏହି ବ୍ୟବସ୍ଥା ଉପରେ କାମ ଆରମ୍ଭ ହୋଇଯିବ । ଏହାର ସିଧାସଳଖ ଫାଇଦା ସେମାନଙ୍କୁ ହେବ ଯେଉଁମାନେ ନିଜ ରାଜ୍ୟରୁ ଅନ୍ୟ ଏକ ରାଜ୍ୟକୁ ଚାକିରୀ ପାଇଁ ଯାଇଛନ୍ତି । ଏହି ସମୟରେ ହିତାଧିକାରୀ ନିଜ ଗାଁ ବା ଆଖପାଖ ଦୋକାନରୁ ସବସିଡିରେ ମିଳୁଥିବା ଖାଦ୍ୟ କିଣିପାରିବେ ।
ଏହି ସିଷ୍ଟମ ଆରମ୍ଭ ହୋଇଗଲା ପରେ ଅନ୍ୟ ରାଜ୍ୟକୁ ଚାକିରୀ ପାଇଁ ଯାଉଥିବା ଲୋକଙ୍କୁ ଯେକୈାଣସି ସ୍ଥାନରୁ ବି ରାସନ ନେବାର ସୁବିଧା ମିଳିବ । ବର୍ତ୍ତମାନ ସମୟରେ ଦେଶର କେବଳ ଚାରିଟି ରାଜ୍ୟରେ ଏହି ସୁବିଧା ଅଛି । ସେହି ରାଜ୍ୟ ଗୁଡିକ ହେଲା ରାଜସ୍ଥାନ, ହରିୟାଣା, ଆନ୍ଧ୍ର ପ୍ରଦେଶ ଓ ତେଲେଙ୍ଗାନା ।