ମମତାଙ୍କ ସୁରକ୍ଷାରେ ବଡ ଧରଣର ତ୍ରୁଟି । ଛୁରୀ ଧରି ବାସଭବନକୁ ପଶୁଥିବା ବେଳେ ଯୁବକଙ୍କୁ ଧରିଲା ପୋଲିସ ।
କନକ ବ୍ୟୁରୋ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସୁରକ୍ଷାରେ ତ୍ରୁଟି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ବାସଭବନକୁ ପଶିବାକୁ ଉଦ୍ୟମ କରୁଥିବା ବେଳେ ଜଣେ ଯୁବକଙ୍କୁ ପୋଲିସ କାବୁ କରିଛି । ଉକ୍ତ ଯୁବକଙ୍କ ନା ନୁର ଆଲମ । ପୋଲିସର ସୂଚନା ମୁତାବକ ଉକ୍ତ ଯୁବକଙ୍କୁ ମୁଖ୍ୟମନ୍ତ୍ରୀଙ୍କ ବାସଭବନ ନିକଟରୁ ଅଟକ ରଖାଯାଇଛି । କେବଳ ଏତିକି ନୁହେଁ ଅଟକ ଯୁବକଙ୍କ ନିକଟରୁ ମାରଣାସ୍ତ୍ର, ଛୁରୀ ଓ ବିଭିନ୍ନ ପ୍ରତିବନ୍ଧିତ ଥିବା ପଦାର୍ଥ ଜବତ କରାଯାଇଛି । ସେହିଭଳି କିଛି ଏଜେନ୍ସିର ଆଇଡି କାର୍ଡ ମଧ୍ୟ ଯୁବକଙ୍କ ଠାରୁ ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ କଥା ହେଲା, ଅଟକ ଥିବା ଯୁବକଙ୍କ କାରରେ ପୋଲିସ ଷ୍ଟିକର ଲାଗିଥିବା ବେଳେ ଏଥିରେ ସେ ମୁଖ୍ୟମନ୍ତ୍ରୀଙ୍କ ବାସଭବନ ନିକଟରେ ପହଞ୍ଚିଥିଲା । ଯୁବକଙ୍କୁ ଅଟକ ରଖିବା ପରେ ପୋଲିସ ପଚରାଉଚରା ଆରମ୍ଭ କରିଛି । ମୁଖ୍ୟମନ୍ତ୍ରୀଙ୍କ ବାସଭବନକୁ ଉକ୍ତ ଯୁବକ କାହିଁକି ପଶିବାକୁ ଚାହୁଁଥିଲେ ସେନେଇ ପଚରାଉଚରା ଚାଲିଥିବା ପୋଲିସ କହିଛି ।
West Bengal | Kolkata Police Commissioner Vineet Goyal says, “Kolkata Police has intercepted one person, identified as Sheikh Noor Alam, near CM Mamata Banerjee’s residence while he was trying to enter the lane. One firearm, one knife & contraband substances found on him besides…
— ANI (@ANI) July 21, 2023
ଏହାପୂର୍ବରୁ ମଧ୍ୟ ସୁରକ୍ଷାବଳୟ ଭେଦ କରି ମୁଖ୍ୟମନ୍ତ୍ରୀଙ୍କ ବାସଭବନକୁ ପଶିବାକୁ ଚେଷ୍ଟା କରାଯାଇଛି । ଗତ ୨୦୨୨ରେ ମୁଖ୍ୟମନ୍ତ୍ରୀଙ୍କ ବାସଭବନକୁ ରାତି ୧ଟା ବେଳେ ଜଣେ ସନ୍ଦିଗ୍ଧ ପ୍ରବେଶ କରିବାକୁ ଉଦ୍ୟମ କରି ଧରାପଡିଥିଲେ । ଏହାର ଦିନ କେଇଟା ପରେ ପୁଣିଥରେ ଏଭଳି ଏକ ଘଟଣା ସାମ୍ନାକୁ ଆସିଛି । ଯାହାକୁ ପୋଲିସ ବେଶ ଗୁରୁତର ସହ ଗ୍ରହଣ କରିଛି ।