କନକ ବ୍ୟୁରୋ : ହମାସ ଚରମପନ୍ଥୀ ସଂଗଠନ ସହ ଲଢେଇ ମଧ୍ୟରେ ଇସ୍ରାଏଲ ସେନା ଗାଜାରେ ରହୁଥିବା ପାଲେଷ୍ଟାଇନମାନଙ୍କୁ ଚେତାବନୀ ଦେଇ କହିଛି କି ଆଗାମୀ ୨୪ ଘଣ୍ଟା ମଧ୍ୟରେ ଗାଜା ଖାଲିକର । ଗାଜାରେ ରହୁଥିବା ସାଧାରଣ ଲୋକଙ୍କୁ ଇସ୍ରାଏଲ ସେନା ଚେତାବନୀ ଦେଇଛି କି, ଆଗାମୀ ୨୪ ଘଣ୍ଟା ମଧ୍ୟରେ ସେମାନେ ଗାଜାର ଦକ୍ଷିଣ ଭାଗକୁ ଚାଲିଯାଆନ୍ତୁ । ଇସ୍ରାଏଲ ସେନା ତରଫରୁ ଗାଜାରେ ରହୁଥିବା ୧୧ ଲକ୍ଷ ଲୋକଙ୍କୁ ଅଞ୍ଚଳ ଖାଲି କରିବାକୁ ନିର୍ଦ୍ଦେଶ ଦିଆଯାଇଛି । ହେଲେ ୧୧ ଲକ୍ଷ ଲୋକ ଯଦି ଉତ୍ତର ଗାଜା ଛାଡି ଦକ୍ଷିଣ ଗାଜାକୁ ଚାଲିଯାଆନ୍ତି ତେବେ ସେଠାରେ ଗମ୍ଭୀର ପରିସ୍ଥିତି ସୃଷ୍ଟି ହେବ ବୋଲି ଆଶଂକା କରାଯାଉଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏନେଇ ଇସ୍ରାଏଲ ସେନା ପକ୍ଷରୁ ଯେଉଁ ବୟାନ ଜାରି କରାଯାଇଛି, ସେଥିରେ ଗାଜାର ୧୧ ଲକ୍ଷ ଲୋକଙ୍କୁ କୁହାଯାଇଛି କି, ‘ଆପଣମାନେ ଏହି ସହରକୁ ପୁଣିଥରେ ସେତେବେଳେ ଫେରିବେ ଯେତେବେଳେ ଆପଣଙ୍କୁ ଅନୁମତି ମିଳିବ’ । ହମାସ ଚରମପନ୍ଥୀମାନେ ଗାଜା ସହରରରେ ସୁଡଙ୍ଗ କରି ଓ ନିର୍ଦ୍ଦୋଷ ଲୋକଙ୍କ ଘରେ ଲୁଚି ରହିଥିବା କଥା ଦାବି କରିଛି ଇସ୍ରାଏଲ ସେନା । ଏନେଇ ଇସ୍ରାଏଲ ସେନା ଗାଜାର ଲୋକମାନଙ୍କୁ ସଚେତନ କରି କହିଛି କି ହମାସ ଚରମପନ୍ଥୀମାନଙ୍କୁ କେହି ନିଜ ଘରେ ଆଶ୍ରୟ ଦିଅନ୍ତୁ ନାହିଁ ।
ସେପଟେ ଇସ୍ରାଏଲ ସେନା ତରଫରୁ ଗାଜା ନିକଟବର୍ତ୍ତୀ ନିଜର ଦକ୍ଷିଣ ସୀମାରେ ୩ ଲକ୍ଷରୁ ଅଧିରୁ ସୈନିକ, ଗୋଳାବାରୁଦ ଓ ଟ୍ୟାଙ୍କ ଜମା କରିସାରିଛି । ହେଲେ ଏପର୍ଯ୍ୟନ୍ତ ଏହା ସ୍ପଷ୍ଟ ହୋଇନାହିଁ କି,ଇସ୍ରାଏଲ ସେନା କେବେ ଗାଜା ଭିତରେ ପଶି ହମାସ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରିବ ।