୧୫ ଦିନର ନବଜାତ ଶିଶୁକୁ ବିକିଲେ, ବିକ୍ରି ଟଙ୍କାରେ ବାଇକ୍ କିଣିଲେ । ଇନ୍ଦୋରରୁ ଆସିଲା ଶିଶୁବିକ୍ରିର ସାଙ୍ଘାତିକ ମାମଲା । ପଢନ୍ତୁ, କଣ ଥିଲା ପୂରା ଘଟଣା…
କନକ ବ୍ୟୁରୋ: ମଧ୍ୟପ୍ରଦେଶର ଇନ୍ଦୋର ଜିଲ୍ଲାରୁ ଆସିଛି ନବଜାତ ଶିଶୁବିକ୍ରିର ସାଙ୍ଘାତିକ ମାମଲା । ମାତ୍ର ୧୫ ଦିନ ତଳେ ଜନ୍ମ ହୋଇଥିବା ଗୋଟିଏ ଶିଶୁକୁ ତା ପିତାମାତା ବିକ୍ରି କରିଦେବା ସହିତ, ସେହି ଟଙ୍କାରେ ବାଇକ୍ ଓ ଘରକରଣା ଜିନିଷ କିଣିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ତେବେ ପୋଲିସ ଏହି ଘଟଣାରେ ବର୍ତ୍ତମାନ ସୁଦ୍ଧା ୮ ଜଣଙ୍କୁ ଗିରଫ କରିଥିବାବେଳେ ମାମଲା ମଧ୍ୟ ଦାୟର କରିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ୧୫ ଦିନ ତଳେ ଜନ୍ମ ହୋଇଥିବା ଏକ ନବଜାତ ଶିଶୁକୁ ତା ପିତାମାତା ବିକ୍ରି କରିଦେଇଥିଲେ । ସାଢେ ୫ ଲକ୍ଷ ଟଙ୍କାରେ ଶିଶୁଟି ବିକ୍ରି ହୋଇଥିଲା । ତେବେ ମଧ୍ୟସ୍ଥିଙ୍କ କମିଶନ କାଟି ଉଭୟ ପିତାମାତାଙ୍କୁ ଏହାର ଅଧା ଟଙ୍କା ଦିଆଯାଇଥିଲା । ଆଉ ଏହି ଟଙ୍କା ପାଇବା ପରେ ପତି, ପତ୍ନୀ ବାଇକ୍ କିଣିଥିବା ଜଣାପଡିଛି ।
ପୋଲିସ ଏହି ମାମଲାର ଯାଞ୍ଚ କରିବା ପରେ ଅଭିଯୁକ୍ତମାନଙ୍କୁ ଗିରଫ କରିଛି । ତେବେ ଜନ୍ମ ହେବା ପୂର୍ବରୁ ହିଁ ପତି-ପତ୍ନୀ ସନ୍ତାନଟିର ସୌଦା କରିଦେଇଥିବା ଜଣାପଡିଛି । ଆଶ୍ଚର୍ଯ୍ୟର କଥା ହେଉଛି, ଏହା ତାଙ୍କ ଉଭୟଙ୍କର ଦ୍ୱିତୀୟ ବିବାହ । ତେଣୁ ସ୍ତ୍ରୀଟି ଯେତେବେଳେ ଗର୍ଭବତୀ ଥିବା ବୋଲି ସ୍ୱାମୀ ଜାଣିପାରିଲେ, ସେତେବେଳେ ସେ ଏହାକୁ ତାଙ୍କ ସନ୍ତାନ ବୋଲି ଗ୍ରହଣ କରିନଥିଲେ । ତେଣୁ ଶେଷରେ ଉଭୟ ସନ୍ତାନକୁ ବିକ୍ରି କରିବାକୁ ନିଷ୍ପତ୍ତି ନେଇଥିଲେ ।
ପୋଲିସର ସୂଚନା ମୁତାବକ, ଅଭିଯୁକ୍ତମାନଙ୍କୁ ଗିରଫ କରାଯାଇଛି । ତେବେ ପିଲା ବିକ୍ରି ପାଇଁ ଦମ୍ପତ୍ତିକୁ ୨ ଲକ୍ଷ ୭୦ ହଜାର ଟଙ୍କା ଦିଆଯାଇଥିଲା । ଆଉ ଏହା ଟଙ୍କାରେ ସେମାନେ ଗୋଟିଏ ବାଇକ୍ କିଣିବା ସହିତ, ନିଜ ଘର ପାଇଁ ଅନେକ ଆସବାବପତ୍ର ମଧ୍ୟ କିଣିଥିଲେ ।