ମଜବୁତ ହେଲା ଭାରତୀୟ ପାସପୋର୍ଟ । ଗତବର୍ଷ ତୁଳନାରେ ୫ଟି ସ୍ଥାନ ଉପରକୁ ଉଠିଲା ଭାରତ । ବିନା ଭିସାରେ ୫୭ ଟି ଦେଶ ବୁଲିପାରିବେ ଭାରତୀୟ
କନକ ବ୍ୟୁରୋ : ବିନା ପାସପୋର୍ଟରେ ବିଦେଶ ଯାତ୍ରା କରିବା ଉପରେ କଟକଣା ଲାଗିଥାଏ । କିନ୍ତୁ ଏବେ ଭାରତର ପାସପୋର୍ଟ ଅଧିକ ଶକ୍ତିଶାଳୀ ହୋଇଛି । ଗତବର୍ଷ ତୁଳନାରେ ୫ଟି ସ୍ଥାନ ଉପରକୁ ଉଠିଛି । ଏଣିକି ବିନା ଭିସାରେ ୫୭ଟି ଦେଶରେ ମୁକ୍ତଭାବେ ବୁଲାବୁଲି କରିପାରିବେ ଭାରତୀୟ । ମଙ୍ଗଳବାର ପ୍ରକାଶିତ ହେନଲି ପାସପୋର୍ଟ ଇଣ୍ଡେକ୍ସ ରାଙ୍କିଙ୍ଗରେ ଭାରତ ୮୦ତମ ସ୍ଥାନରେ ପହଚିଂଛି । ତେବେ ୨୦୨୨ ମସିହାରେ ପ୍ରକାଶିତ ରିପୋର୍ଟଠାରୁ ୫ଟି ସ୍ଥାନ ଉପରକୁ ଉଠିଛି ଭାରତ । ଏବେ ଟୋଗୋ ଏବଂ ସେନେଗାଲ ଭଳି ଦେଶ ସହିତ ଭାରତର ରାଙ୍କ ସମାନ ସ୍ତରରେ ପହଞ୍ଚିଛି । ତେବେ ଏହି ରାଙ୍କିଙ୍ଗ ପାଇଁ ଅନ୍ତର୍ଜାତୀୟ ପରିବହନ ସଂଘରୁ ନିଆଯାଇଛି । ତେବେ ଏଣିକି ଭାରତୀୟମାନେ ୫୭ ଦେଶକୁ ବିନା ଭିସାରେ ଯାତ୍ରା କରିପାରିବେ ଅର୍ଥାତ ଭିସା ଫ୍ରି ଅଥବା ଭିସା ଅନ ଅରାଇଭାଲ ଆକ୍ସେସ ମିଳିଛି । ତେବେ ଏହାର ଅର୍ଥ ହେଉଛି ଆପଣ ପାସପୋର୍ଟ ନେଇ ୫୭ ଦେଶକୁ ଯାଇ ବୁଲାବୁଲି କରିପାରିବେ । କିନ୍ତୁ ଏହି ୫୭ ଦେଶକୁ ଯିବା ପାଇଁ ଭିସା ଆବଶ୍ୟକ ହେବ ନାହିଁ । ଯଦିଓ କେତେକ ଦେଶରେ ଆବଶ୍ୟକ ହେବ ତଥାପି ଆପଣ ସେଠାରେ ପହଚିଂବା ମାତ୍ରେ ବିମାନବନ୍ଦରରେ ଅପାଣଙ୍କୁ ଭିସା ମିଳିଯିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ନାଗରିକମାନେ ଏଣିକି ପାସପୋର୍ଟ ବ୍ୟବହାର କରି ଇଣ୍ଡୋନେସିଆ, ଥାଇଲ୍ୟାଣ୍ଡ, ରୁୱାଣ୍ଡା, ଜାମାଇକା, ଶ୍ରୀଲଙ୍କା ଭଳି ଦେଶକୁ ଯାତ୍ରା କରିପାରିବେ । ତଥାପି ୧୭୭ ଦେଶକୁ ଯିବା ପାଇଁ ଭିସା ଆବଶ୍ୟକ ହେବ । ତେବେ ଏହି ଦେଶ ଗୁଡ଼ିକ ମଧ୍ୟରେ ରହିଛି ଚୀନ, ଜାପାନ, ଋଷ, ଆମେରିକା ଏବଂ ୟୁରୋପିଆନର ସମସ୍ତ ଦେଶ ଅନ୍ତର୍ଭୁକ୍ତ । ଭାରତୀୟ ନାଗରିକମାନଙ୍କୁ ଏହିସବୁ ଦେଶରେ ଭିସା ଆବେଦନ କରିବାକୁ ପଡ଼ିବ । କିନ୍ତୁ କିଛି ଦେଶ ଅଛି ସେଠାରେ ପହଚିଂବା ପରେ ଭିସା ଉପଲବ୍ଧ କରାନ୍ତି ।
ତେବେ ଦୀର୍ଘବର୍ଷ ଧରି ଜାପାନ ଏହି ରାଙ୍କର ଏକ ନମ୍ବର ସ୍ଥାନରେ ରହିଥିଲା । କିନ୍ତୁ ଚଳିତବର୍ଷ ସିଙ୍ଗାପୁର ପ୍ରଥମ ସ୍ଥାନରେ ରହିଛି । ତେବେ ଜାପାନ ଦୁନିଆର ସବୁଠାରୁ ଶକ୍ତିଶାଳୀ ପାସପୋର୍ଟ ନୁହେଁ । ତେବେ ସିଙ୍ଗାପୁର ଏହି ର୍ୟାଙ୍କର ଏକ ନମ୍ବର ସ୍ଥାନକୁ ଉଠିବା ପରେ ବିନା ଭିସାରେ ୧୯୨ ଦେଶରେ ପ୍ରବେଶ କରିବାର ଅନୁମତି ଦିଆଯାଇଛି । ତେବେ ପ୍ରକାଶିତ ଏହି ରିପୋର୍ଟରେ ୨୨୭ ଦେଶ ଏବଂ ୧୯୯ ପାସପୋର୍ଟ ଅନ୍ତର୍ଭୁକ୍ତ କରାଯାଇଛି ।
ସବୁଠାରୁ ବଡ଼ କଥା ହେଉଛି କି, ଜାପାନ ଦୀର୍ଘ ୫ ବର୍ଷ ଧରି ଶକ୍ତିଶାଳୀ ପାସପୋର୍ଟ ରାଙ୍କର ଏକ ନମ୍ବର ସ୍ଥାନରେ ରହିଥିଲା । କିନ୍ତୁ ଚଳିତଥର ପ୍ରକାଶିତ ରିପୋର୍ଟରେ ତୃତୀୟ ସ୍ଥାନକୁ ଖସିଛି । ଏକ ଦଶନ୍ଧି ପୂର୍ବରୁ ଏକ ନମ୍ବର ସ୍ଥାନରେ ରହିଥିବା ଆମେରିକା କିନ୍ତୁ ଏବେ ଅଷ୍ଟମ ସ୍ଥାନରେ ରହିଛି । ତେବେ ତାଲିକାର ନିମ୍ନରେ ରହିଛି ଆଫଗାନିସ୍ତାନ । ଯାହାର ନାଗରିକ ବିନା ଭିସାରେ ମାତ୍ର ୨୭ଟି ଦେଶ ପରିଦର୍ଶନ କରିପାରିବେ ।