କନକ ବ୍ୟୁରୋ: ଭାରତ-ଦକ୍ଷିଣ ଆଫ୍ରିକା ଭିତରେ ଆଜିଠୁ ଆରମ୍ଭ ହେବାକୁ ଯାଉଛି ଟି-୨୦ ସିରିଜ୍ । ଏହି ସିରିଜରେ ଭାରତର ମଙ୍ଗ ସମ୍ଭାଳିବେ ଯୁବ ଅଧିନାୟକ ରିଷଭ ପନ୍ଥ । ତେବେ ଖାସ୍ କଥା ହେଉଛି ନିଜ ହୋମ୍ ଟାଉନ୍ ଦିଲ୍ଲୀରୁ ହିଁ ଭାରତୀୟ ଦଳର ମଙ୍ଗ ସମ୍ଭାଳିବେ ଏହି ଯୁବ ୱିକେଟ୍ କିପର ।
Kanak News is now on WhatsApp
Join and get latest news updates delivered to you via WhatsApp
ରିଷଭ ପନ୍ତ ଆଜି ମ୍ୟାଚରେ ଅଧିନାୟକ ଭାର ସମ୍ଭାଳିବା ପରେ, ରାଇନାଙ୍କ ପରେ ଦ୍ୱିତୀୟ କନିଷ୍ଠ ଅଧିନାୟକ ହେବେ । ରିଷଭ ପନ୍ତ ଅଧିନାୟକ ଭାର ସମ୍ଭାଳିବାରେ ଅଷ୍ଠମ ଖେଳାଳି ହେବାକୁ ଯାଉଛନ୍ତି । ତାଙ୍କ ପୂର୍ବରୁ ପ୍ରଥମେ ୨୦୦୬ ମସିହାରେ ବୀରେନ୍ଦ୍ର ସେହ୍ୱାଗ, ପରେ ପରେ ଏମ୍ ଏସ୍ ଧୋନୀ, ସୁରେଶ ରାଇନା, ରାହାଣେ, ବିରାଟ କୋହଲି, ରୋହିତ ଶର୍ମା ଓ ଶିଖର ଧାୱନ୍ ଅଧିନାୟକ ରହିସାରିଛନ୍ତି ।
KL Rahul has been ruled out of the T20I series against South Africa owing to a right groin injury while Kuldeep Yadav will miss out in the T20I series after getting hit on his right hand while batting in the nets last evening.
More details here – https://t.co/KDJwRE9tCz #INDvSA
— BCCI (@BCCI) June 8, 2022
ଦିଲ୍ଲୀରେ ପଡିଆକୁ ଓହ୍ଲାଇବା ମାତ୍ରକେ ରିଷଭ ପନ୍ତ ଏହି ଖାସ୍ ରେକର୍ଡ କରିବାକୁ ଯାଉଛନ୍ତି । ସୁରେଶ ରାଇନା ମାତ୍ର ୨୩ ବର୍ଷ ୧୯୭ ଦିନରେ ଟିମ୍ ଇଣ୍ଡିଆର କମାଣ ସମ୍ଭାଳିଥିଲେ । ଆଉ ରିଷଭ ପନ୍ତ ମାତ୍ର ୨୪ ବର୍ଷ ୨୪୯ ଦିନରେ ଅଧିନାୟକ ଭାର ସମ୍ଭାଳିବେ ।
ରିଷଭ ପନ୍ତ ପ୍ରଥମ କରି ଟିମ୍ ଇଣ୍ଡିଆର ଅଧିନାୟକ ଭାର ସମ୍ଭାଳିବାକୁ ଯାଉଛନ୍ତି । ଏହା ପୂର୍ବରୁ ସେ ଆଇପିଏଲରେ ମଧ୍ୟ ଅଧିନାୟକ ରହିସାରିଛନ୍ତି । ଦିଲ୍ଲୀ କ୍ୟାପିଟାଲ୍ସ ଦଳର ସେ ଅଧିନାୟକ ଅଛନ୍ତି । ତାଙ୍କ ନେତୃତ୍ୱରେ ଦଳ ୩୦ଟି ମ୍ୟାଚ୍ ଖେଳି ୧୬ଟିରେ ବିଜୟ ଓ ୧୩ଟି ପରାଜୟ ବରଣ କରିଛି । ଗୋଟିଏ ମ୍ୟାଚ ଟାଇରେ ଶେଷ ହୋଇଛି ।