ହସ୍ପିଟାଲ ବେଡ଼ରେ ବଲିଉଡ଼ର ସେହେନ୍ସା ଅମିତାଭ ବଚ୍ଚନ ! ସୁଟିଂ ସେଟରେ ହଠାତ୍ ହୋଇପଡ଼ିଲେ ଅସୁସ୍ଥ
କନକ ବ୍ୟୁରୋ: ୟସରାଜ୍ ବେନରର ସବୁଠୁ ବ୍ୟୟବହୁଳ ଫିଲ୍ମ ଥଗ୍ସ ଅପ୍ ହିନ୍ଦୋସ୍ତାଁର ସୁଟିଂ ସେଟରେ ଏଭଳି ଏକ ଓଜନିଆ କଷ୍ଟଟ୍ୟୁମ୍ ପିନ୍ଧି ସୁଟିଂ କରୁଥିଲେ ବଲିଉଡର ମହାନାୟକ ଅମିତାଭ୍ ବଚ୍ଚନ । ଆଉ ସୁଟିଂ ସେଟରେ ଅଚାନକ୍ ଅସୁସ୍ଥ ଅନୁଭବ କରିଥିଲେ ବିଗବି । ତୁରନ୍ତ ତାଙ୍କୁ ଯୋଧପୁର ହସ୍ପିଟାଲରେ ଭର୍ତି କରାଗଲା । ଆଉ ଏହା ପରେ ମୁମ୍ବାଇରୁ ଯୋଧପୁରରେ ପହଂଚିଥିଲେ ବିଶେଷଜ୍ଞ ଡାକ୍ତରୀ ଦଳ । ଅଭିତାଭଙ୍କ ସ୍ୱାସ୍ଥ୍ୟ ପରୀକ୍ଷା ପରେ ଏବେ ସୁସ୍ଥ ଥିବା ସୂଚନା ଦେଇଛନ୍ତି ଅମିତାଭ୍ ବଚ୍ଚନଙ୍କ ପତ୍ନୀ ଜୟା ବଚ୍ଚନ ।
Kanak News is now on WhatsApp
Join and get latest news updates delivered to you via WhatsApp
ବଲିଉଡର ସବୁଠୁ ଲୋକପ୍ରିୟ ଅଭିନେତା ଅଭିତାଭ ବଚ୍ଚନ ଅସୁସ୍ଥ ଥିବାର ଖବର ସେତେବେଳେ ସାମ୍ନାକୁ ଆସିଥିଲା ଯେତେବେଳେ ବିଗ୍-ବି ନିଜ ବ୍ଲଗ୍୍ରେ ଏନେଇ ସୂଚନା ଦେଇଥିଲେ । ନିଜ ବ୍ଲଗରେ ଅଭିତାଭ ଲେଖିଛନ୍ତି କି, ‘ମୁଁ ଆସନ୍ତାକାଲି ମୋର ଡାକ୍ତରୀ ଦଳକୁ ମୋର ଶରୀରର ପରୀକ୍ଷା ପାଇଁ ଡାକିବି । ସେମାନେ ମୋତେ ପୁଣି ଥରେ ସୁସ୍ଥ କରି ଦେବେ । ମୁଁ ବିଶ୍ରାମ ନେବି ଏବଂ ଆଗକୁ କ’ଣ ହେବ ମୁଁ ଆପଣମାନଙ୍କୁ ସୂଚିତ କରୁଥିବି’
ତେବେ ବ୍ଲଗ୍ ଜରିଆରେ ଏହି ତଥ୍ୟ ସାମ୍ନାକୁ ଆସିବା ପରେ ଅମିତାଭ୍ ବଚ୍ଚନ ଅସୁସ୍ଥ ଅନୁଭବ କରୁଥିବା ନେଇ ଏକ ପ୍ରକାର ସ୍ପଷ୍ଟ ହୋଇଯାଇଥିଲା । ପ୍ରଥମେ ଖବର ଆସିଲା-ସୁଟିଂ ସେଟ୍ ଛାଡ଼ି ଅମିତାଭ୍୍ ରାଜସ୍ତାନରୁ ମୁମ୍ବାଇ ଆସିବେ । ହେଲେ କିଛି ସମୟ ପରେ ମୁମ୍ବାଇରୁ ଡାକ୍ତରୀ ଦଳ ପହଂଚିଥିଲା ଯୋଦପୁରରେ । ତେବେ ଓଜନିଆ ପୋଷାକ ଯୋଗୁଁ ତାଙ୍କ ପିଠି, ଅଂଟା ଓ ବେକରେ ଯନ୍ତ୍ରଣା ଅନୁଭବ କରୁଥିବା କହିଛନ୍ତି ଜୟା ବଚ୍ଚନ ।
ଜୟା ବଚ୍ଚନଙ୍କ ଏହି ମନ୍ତବ୍ୟ ଏବେ କୋଟି କୋଟି ପ୍ରଶଂସକଙ୍କୁ ଆଶ୍ୱସ୍ତ କରିଛି ସତ, ହେଲେ ଏହି ଘଟଣା ପୁଣି ଥରେ ୮୦ଦଶକର ସେହି ଘଟଣାକୁ ମନେ ପକାଇ ଦେଇଥିଲା । ଯେତେବେଳେ କୁଲି ଫିଲ୍ମର ସୁଟିଂ ବେଳେ ଗୁରୁତର ଆହତ ହୋଇ ପଡ଼ିଥିଲେ ଅମିତାଭ୍ । ଫିଲ୍ମରେ ଏକ ଫାଇଟିଂ ଦୃଶ୍ୟର ସୁଟିଂ ଚାଲିଥିବା ବେଳେ ଗୁରୁତର ଆହତ ହୋଇପଡ଼ିଥିଲେ ଅମିତାଭ୍ ।