ନବବଧୂ ମୃତ୍ୟୁ ଘଟଣା : ସୁଶ୍ରୀଙ୍କ ଶାଶୂଙ୍କୁ ଗିରଫ କଲା ତମାଣ୍ଡୋ ଥାନା ପୋଲିସ; ସ୍ୱାମୀ ପ୍ରବିଣ ନାୟକ ଓ ଶ୍ୱଶୁର ଫେରାର
କନକ ବ୍ୟୁରୋ : ରାଜଧାନୀରେ ନବବଧୂ ସୁଶ୍ରୀ ସଙ୍ଗୀତା ମୃତ୍ୟୁ ଘଟଣାରେ ସୁଶ୍ରୀଙ୍କ ଶାଶୂଙ୍କୁ ଗିରଫ କରିଛି ତମାଣ୍ଡୋ ଥାନା ପୋଲିସ । ସ୍ୱାମୀ ପ୍ରବିଣ ନାୟକ ଓ ଶ୍ୱଶୁର ଫେରାର ଥିବା ବେଳେ ସେମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢଉ କରୁଛି ପୋଲିସ । ସୁଶ୍ରୀଙ୍କୁ ତାଙ୍କ ଶାଶୂ ଅଧିକ ଯୌତୁକ ନିର୍ଯାତନା ଦେଉଥିବା ନେଇ ପ୍ରମାଣ ମିଳିଛି । ସୁଶ୍ରୀଙ୍କ ମୋବାଇଲ ଓ ସିଡିଆର ପୋଲିସ ଯାଞ୍ଚ କରୁଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଦୀପାବଳି ରାତିରେ କଳିଙ୍ଗ ବିହାର କେ-ନାଇନ୍ ସ୍ଥିତ ଘରେ ବେକରେ ରଶି ଲଗାଇ ମୃତ୍ୟୁ କରଣ କରିଥିଲେ ସୁଶ୍ରୀ । ପରବର୍ତ୍ତୀ ସମୟରେ ସୁଶ୍ରୀଙ୍କ ପରିବାର ଲୋକ ହତ୍ୟା ଅଭିଯୋଗ ଆଣିଥିଲେ । ତମାଣ୍ଡୋ ଥାନାରେ ଏ ସମ୍ପର୍କରେ ଏତଲା ଦେଇଥିଲେ । ସେପଟେ ମୃତ ମହିଳାଙ୍କ ଶବ ବ୍ୟବଚ୍ଛେଦ ରିପୋର୍ଟ ଏଯାଏଁ ହସ୍ତଗତ ହୋଇନଥିବା ବେଳେ ତଦନ୍ତ ଜୋରଦାର କରିଛି ପୋଲିସ । ଖଣ୍ଡଗିରି ସ୍ଥିତ ଏକ ଘରୋଇ ହସ୍ପିଟାଲରେ ନର୍ସ ଭାବେ କାମ କରୁଥିଲେ ସୁଶ୍ରୀ । ୨୦୨୦ ମସିହାରେ ସୁଶ୍ରୀ ପ୍ରବିଣଙ୍କୁ ବିବାହ କରିଥିଲେ ।