କନକ ବ୍ୟୁରୋ : ଅଧରାତିରେ ଅଘଟଣ । କୋରାପୁଟ ଜୟପୁର ଭେଜାପୁଟ ଗାଁରେ ଘରେ ଶୋଇଥିବା ବେଳେ ମାଡିଗଲା ବାଲିବୋଝେଇ ଟ୍ରକ । ଟ୍ରକ ମାଡିଯିବା ଯୋଗୁଁ ଚାପି ହୋଇ ଗୋଟିଏ ପରିବାରର ୩ଜଣଙ୍କ ଜୀବନ ଚାଲି ଯାଇଛି । ମୃତକଙ୍କ ମଧ୍ୟରେ ଅଛନ୍ତି ବାପା, ମାଆ ଓ ଝିଅ । ତେବେ ମୃତ୍ୟୁ ମୁଖରୁ ଅଳ୍ପକେ ବର୍ତିଯାଇଛନ୍ତି ୧୪ବର୍ଷିୟ ପୁଅ । ଏହି ଘଟଣାକୁ ନେଇ ଭେଜାପୁଟ ଗାଁରେ ଉତେଜନା ଲାଗି ରହିଛି । ଉତ୍ୟକ୍ତ ଲୋକମାନେ ଦାମନଯୋଡି-ଭେଜାପୁଟ ରାସ୍ତାରେ ପୋଡାଜଳା କରିବା ସହ ଅବରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ମିଳିଥିବା ସୂଚନା ଅନୁସାରେ ରାସ୍ତାରେ ଯାଉଥିବା ଏକ ବାଲି ବୋଝେଇ ଟ୍ରକ ଭାରସ୍ୟାମ ହରାଇ ଘର ଉପରେ ପଡିଯିବାରୁ ଏପରି ଦୁର୍ଘଟଣା ହୋଇଛି । ତେବେ ଏହି ଘଟଣା ସମ୍ପର୍କରେ ଜଣାପଡିବା ପରେ ସ୍ଥାନୀୟ ଅଂଚଳରେ ଉତ୍ତେଜନା ଦେଖାଯାଇଛି । କେଉଁ ପରିସ୍ଥିତିରେ ଏପରି ଭୟାନକ ଦୁର୍ଘଟଣା ହେଲା ତାହାର ତଦନ୍ତ କରାଯିବା ସହ ମୃତକଙ୍କ ନିକଟ ସମ୍ପର୍କୀୟଙ୍କୁ ଅନୁକମ୍ପାମୂଳକ ସହାୟତା ରାଶି ପ୍ରଦାନ କରିବା ପାଇଁ ଦାବି ହୋଇଛି । ତେବେ ବର୍ତମାନ ସମୟରେ ବି ରାସ୍ତାରୋକ ହେବାରୁ ଉଭୟ ପାଶ୍ୱର୍ରେ ଗାଡି ଛିଡା ହୋଇରହିଛି ।