କାନପୁରରେ ଚାଲିଲା ମୃତ୍ୟୁର ବୁଲଡୋଜର । ଘର ଭାଙ୍ଗିବାକୁ ଯାଇଥିବାବେଳେ ଜୀଅନ୍ତା ଜଳି ପ୍ରାଣ ହରାଇଲେ ମା’, ଝିଅ, ବାପା ଗୁରୁତର
କନକ ବ୍ୟୁରୋ: କାନପୁର ଦେହାତରେ ସୋମବାର ଘଟିଛି ଏକ ଅଭାବନୀୟ ଘଟଣା । ଜବରଦଖଲ ହଟାଇବାକୁ ଆସିଥିବା ବୁଲ ଡୋଜର ଅପେକ୍ଷା କରିଥିଲା ଘର ଭାଙ୍ଗିବାକୁ । ଏତିକି ବେଳେ ଘଟିଲା ଅଘଟଣ । ଘର ଭିତରେ ପଶିଯାଇଥିଲେ ମା’, ଝିଅ ଏବଂ ‘ନିଆଁ ଲଗାଇଦେଲେ ‘ ବୋଲି ଚିକ୍ରାର କଲେ । ମହିଳା ପୁଲିସ ଆସି ପହଞ୍ଚିଥିଲେ ହେଲେ ମା’ ଝିଅଙ୍କର ଚିକ୍ରାର କମିନଥିଲା । ଏହି ଘଟଣାରେ ଏକାଧିକ ଅଧିକାରୀଙ୍କ ବିରୋଧରେ ମାମଲା ଦାଏର ହୋଇଛି । ଏହାସହ ଜେସିବି ଡ୍ରାଇଭରକୁ ଗିରଫ କରାଯାଇଛି । ଭାଇରାଲ ହେଉଛି କାନପୁର ବୁଲଡୋଜର ଘଟଣାର ପୂର୍ବ ଭିଡିଓ
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କାନପୁର ଦେହାତ ଜିଲ୍ଲା ପ୍ରଶାସନ ଜବରଦଖଲ ହଟାଇବାକୁ ପହଞ୍ଚିଲା ହେଲେ ତା ଉପରେ ମା’, ଝିଅଙ୍କର ହତ୍ୟା ଅଭିଯୋଗ ଲାଗିଗଲା । ରିପୋର୍ଟ ମୁତାବକ, କୃଷ୍ଣଗୋପଳଙ୍କ ବିରୋଧର ଜବରଦଖଲର ଅଭିଯୋଗ ହୋଇଥିଲା । କବଜା ହଟାଇବାକୁ ଘଟଣାସ୍ଥଳରେ ବୁଲ ଡୋଜର ପହଞ୍ଚିଥିଲା । କୃଷ୍ଣ ଗୋପାଳଙ୍କ ପରିବାର ଲୋକଙ୍କ ସହ ବୁଲଡୋଜର ଡ୍ରାଇଭରର ବଚସା ହୋଇଥିଲା । ବୁଲଡୋଜର ଘର ଭାଙ୍ଗିବାକୁ ଯାଉଥିବାରୁ ଗୋପାଳକୃଷ୍ଣଙ୍କ ସ୍ତ୍ରୀ ଓ ଝିଅ ଘର ଭିତରେ ପଶିଯାଇ କବାଟ ବନ୍ଦ କରିଦେଇଥିଲେ । ହେଲେ ବୁଲଡୋଜର କିଛି ଶୁଣିନଥିଲା । ଘରର ଛପର ଭାଙ୍ଗୁଥିବାବେଳେ କିଛି ନିଆଁର ଝାସ ଘର ଭିତରେ ଖସିଥିଲା । ଏହି ନିଆଁରେ ମା’, ଝିଅଙ୍କ ଦେହରେ ନିଆଁ ଲାଗିଯାଇଥିଲା । ଫଳରେ ସମସ୍ତଙ୍କ ଆଖି ଆଗରେ ଜୀଅନ୍ତା ପୋଡିଯାଇ ପ୍ରାଣ ହରାଇଲେ ମା’, ଝିଅ । ସେମାନଙ୍କୁ ବଞ୍ଚାଇବାକୁ ଯିବାବେଳେ ଗୋପାଳକୃଷ୍ଣ ମଧ୍ୟ ଗୁରୁତର ଆହତ ହୋଇଥିବା ଜଣାପଡିଛି ।