କନକ ବ୍ୟୁରୋ : ଶାଢ଼ୀ ଦୋକାନ, ଲୁହା ଟିଣ କବାଡ଼ିଆ, ମିଠା ଦହିବରା, ଶୁଖୁଆ ଦୋକାନ, ପିଠା ଦୋକାନ । ଲାଗୁଛି ଯେପରି ରାଜଧାନୀରେ ପଡ଼ିଛି ହାଟ । ଏ ହାଟ ଗାଁରେ ପଡ଼ୁଥିବା ହାଟ ନୁହେଁ, ଏ ହେଉଛି ରାଜଧାନୀରେ ପଡ଼ିଥିବା ବେକାରୀ ହାଟ । ଚାକିରି ନପାଇ ରାଜଧାନୀରେ କିଛି ଏଭଳି ନିଆରା ପ୍ରତିବାଦ କରିଛନ୍ତି ଆଶାୟୀ ସ୍ୱତନ୍ତ୍ର ଶିକ୍ଷକ ମିଳିତ ମଂଚ । ଏଠାରେ ବିଭିନ୍ନ ପ୍ରକାରର ସାମଗ୍ରୀ ବିକ୍ରି ହେଉଛି । ଆଚାର, ପାମ୍ପଡ, ପନିପରିବ. ଚୁଡ଼ି ଦୋକାନ ଲଗାଇ ପ୍ରତିବାଦ କରୁଛନ୍ତି । ଏହାସହ ପାରମ୍ପରିକ ଅସ୍ତ୍ରଶସ୍ତ୍ର ଧରି ମୁହଁରେ ରଙ୍ଗ ବୋଳି ନିଆରା ପ୍ରତିବାଦ ମଧ୍ୟ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନୂତନ କ୍ୟାଡର ରୁଲକୁ ଲାଗୁ କରିବା ଦାବିରେ ଗଣଶିକ୍ଷା ମନ୍ତ୍ରୀ ମନ୍ତ୍ରୀ ସୁଦାମ ମାର୍ଣ୍ଡିଙ୍କ ବାସଭବନ ଘେରିଲେ ମାଧ୍ୟମିକ ସଂସ୍କୃତ ଓ ହିନ୍ଦି ଶିକ୍ଷକ ମିଳିତ ମଂଚ । ୧୨ ବର୍ଷରୁ ଅଧିକ ସମୟ ଧରି ଚାକିରି କରିଥିଲେ ବି ହିନ୍ଦୀ ଓ ସଂସ୍କୃତ ଶିକ୍ଷକଙ୍କୁ ପଦୋନ୍ନତି କରାଯାଉନଥିବା ସଂଘ କହିଛି । ଏପରିକି ବାରମ୍ବାର ମନ୍ତ୍ରୀଙ୍କୁ ଶିକ୍ଷକମାନେ ଲିଖିତ ଭାବେ ଜଣାଇ ନିରାଶ ହେବା ପରେ ଗଣଶିକ୍ଷା ମନ୍ତ୍ରୀଙ୍କ ବାସଭବନ ଘେରାଉ କରିଛନ୍ତି ।
ଦୁଇ ଦଫା ଦାବି ପୂରଣ ନେଇ ଓଡିଶା ସରକାରୀ ହାଇସ୍କୁଲ ଏନପିଏସ ଶିକ୍ଷକ ସଂଘ ବିକ୍ଷୋଭ ପ୍ରଦର୍ଶନ କରିଛି । ୨୦୧୩ ପରେ ନିଯୁକ୍ତି ପାଇଥିବା ଶିକ୍ଷକମାନଙ୍କ ଚାକିରିରେ ୬ ବର୍ଷ ଚୁକ୍ତି ଅବିଧି ଯୋଗ ସହିତ ୬ଟି ଇନକ୍ରିମେଂଟ କରିବାକୁ ସଂଘ ଦାବି କରିଛି । ଫେବୃଆରୀ ୨୦ରୁ ଆରମ୍ଭ ହେଉଥିବା ମାଟ୍ରିକ ପରୀକ୍ଷା ଓ ମୂଲ୍ୟାଙ୍କନ ପ୍ରକ୍ରିୟାକୁ ବର୍ଜନ କରିବାକୁ ସଂଘ ଚେତାବନୀ ଦେଇଛି ।