କନକ ବ୍ୟୁରୋ : ଯନ୍ତ୍ରଣାରେ ଛଟପଟ ହେଉଛନ୍ତି ପଶୁପକ୍ଷୀ । କିନ୍ତୁ ପ୍ରାଣୀ ଚିକିତ୍ସକ ଆନ୍ଦୋଳନରେ ଥିବାରୁ ଚିକିତ୍ସା ବିଳମ୍ବ ହୋଇଛି । ତେବେ ଶେଷରେ ଜିଲ୍ଳାପାଳଙ୍କ ନିର୍ଦ୍ଦେଶରେ ଭଦ୍ରକ ମୁଖ୍ୟ କାର୍ଯ୍ୟାଳୟରୁ ଜିଲ୍ଲା ମୁଖ୍ୟପ୍ରାଣୀ ଚିକିତ୍ସା ଅଧିକାରୀ ଆସି ବାଛୁରୀର ଚିକିତ୍ସା କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ପ୍ରାଣି ଚିକିତ୍ସକ ଏକାଧିକ ଦାବି ନେଇ ଆନ୍ଦୋଳନ ଚଳାଇଥିବାବେଳେ, ରାଜ୍ୟର ବିଭିନ୍ନ ସ୍ଥାନରୁ ଆସିବାରେ ଲାଗିଛି ଏଭଳି ଚିତ୍ର । ବାରିପଦାରେ ମଲା କୁକୁଡା ଧରି ଚାଷୀ ଜିଲ୍ଲାପାଳ କାର୍ଯ୍ୟାଳୟରେ ପ୍ରତିବାଦ ଜଣାଇଛନ୍ତି । କଟକରେ ପାଳିତ କୁକୁର ଧରି ଜିଲ୍ଳାପାଳଙ୍କ ଅଫିସରେ ପହଁଚିଛନ୍ତି ଲୋକେ । ସେହିପରି କଳାହାଣ୍ଡିରେ କୁକୁଡା ଚାଷ କରୁଥିବା ଏସଏଚଜି ମହିଳା ପ୍ରତିବାଦ କରିଛନ୍ତି ।
ଚିକିତ୍ସା ଅଭାବରୁ ପଶୁ-ପକ୍ଷୀଙ୍କ ମୃତ୍ୟୁ ସଂଖ୍ୟା ବଢ଼ି ଚାଲୁଥିବାବେଳେ, ଜିଦରେ ଅଟଳ ପ୍ରାଣୀ ଚିକିତ୍ସକ । ସେମାନଙ୍କ ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି କହିଛନ୍ତି ।
ଦିନକୁ ଦିନ ପରିସ୍ଥିତି ବିଗିଡିବାରେ ଲାଗିଛି । ତେଣୁ ସମସ୍ୟାର ସମାଧାନ ପାଇଁ ରାଜ୍ୟ ସରକାର ତୁରନ୍ତ ପଦକ୍ଷେପ ନିଅନ୍ତୁ ବୋଲି ଦାବି ବଢ଼ିବାରେ ଲାଗିଛି ।