ସିନେମା ଓ ଗଣମାଧ୍ୟମ କ୍ଷେତ୍ରରେ ଦେଶରେ ଆଣିଥିଲେ ବିପ୍ଳବ । ଆଜି ଦୁନିଆରୁ ନେଇଗଲେ ବିଦାୟ, ବିଭିନ୍ନ ମହଲରୁ ଛୁଟୁଛି ଶୋକର ବାର୍ତ୍ତା

କନକ ବ୍ୟୁରୋ : ରାମୋଜୀ ରାଓଙ୍କୁ ଯେତିକି ଲୋକ ଜାଣିନାହାଁନ୍ତି ତାଠାରୁ ଅଧିକ ଲୋକ ରାମୋଜୀ ଫିଲ୍ମ ସିଟିକୁ ଜାଣିଛନ୍ତି । ସାରା ଭାରତରେ ଗଣମାଧ୍ୟମ ଓ ସିନେମା ଦୁନିଆରେ ବୈପ୍ଳବିକ ପରିବର୍ତ୍ତନ ଆଣିଥିବା ରାମୋଜୀ ରାଓ ଆଉ ଆମ ଗହଣରେ ନାହାଁନ୍ତି । ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି । ଶନିବାର ଭୋର ୪ଟା ୫୦ ମିନିଟ୍ ସମୟରେ ତାଙ୍କର ମୃତ୍ୟୁ ହୋଇଛି । ତାଙ୍କ ମରଶରୀରକୁ ପ୍ରଥମେ ହାଇଦ୍ରାବାଦ ସ୍ଥିତ ରାମୋଜୀ ଫିଲ୍ମ ସିଟିକୁ ଅଣାଯାଇଥିଲା ।

ରାମୋଜୀ ରାଓ ଭାରତରେ ଜଣେ ଅପ୍ରତିଦ୍ୱନ୍ଦୀ ଚେହେରା । ସେ ସିନେମା, ହେଉ କି ଗଣମାଧ୍ୟମ ବା କୃଷି ଓ ସାହିତ୍ୟ ସବୁ କ୍ଷେତ୍ରରେ ତାଙ୍କର ଦକ୍ଷତା ବେଶ୍ ବାରି ହୋଇପଡୁଥିଲା । ଏଥିପାଇଁ ତାଙ୍କୁ ଦେଶର ସର୍ବୋଚ୍ଚ ସମ୍ମାନ ‘ପଦ୍ମ ବିଭୂଷଣରେ’ ସମ୍ମାନୀତ କରାଯାଇଥିଲା । ସେପଟେ ବିଭିନ୍ନ କ୍ଷେତ୍ରରେ ତାଙ୍କର ଅବଦାନକୁ ଆଜି ଦେଶ ମନେପକାଉଛି । ଏହି କ୍ରମରେ ସାରା ଦେଶରେ ଆଜି ଶୋକର ଛାୟା ଖେଳିଯାଇଛି । ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ଅନେକ ରାଜ୍ୟର ମୁଖ୍ୟମନ୍ତ୍ରୀ ଟ୍ୱିଟ କରି ଶୋକ ପ୍ରକାଶ କରିଛନ୍ତି । ଦେଶର ପ୍ରଥମ ନାଗରିକ ମହାମହିମ ରାଷ୍ଟ୍ରପତି ମଧ୍ୟ ରାମୋଜୀ ରାଓଙ୍କ ଦେହାନ୍ତରେ ଶୋକ ପ୍ରକାଶ କରି ଶୋକ ବାର୍ତ୍ତା ପଠାଇଛନ୍ତି ।

ପ୍ରଧାନମନ୍ତ୍ରୀ ମୋଦୀ ରାମୋଜୀ ରାଓଙ୍କ ସହ ଏକ ସାକ୍ଷାତ ବେଳର ଫଟୋ ସହ ଶୋକ ବାର୍ତ୍ତା ଟ୍ୱିଟ୍ କରିଛନ୍ତି । ସେ ଲେଖିଛନ୍ତି ଯେ, ରାମୋଜୀ ରାଓଙ୍କ ଦେହାନ୍ତ ମୋତେ ମର୍ମାହତ କରିଛି । ସେ ଅତ୍ୟନ୍ତ ଦୂରଦୃଷ୍ଟି ସମ୍ପନ୍ନ ବ୍ୟକ୍ତି ଥିଲେ, ଭାରତୀୟ ଗଣମାଧ୍ୟମ ଜଗତରେ ସେ ବୈପ୍ଳବିକ ପରିବର୍ତନ ଆଣିଥିଲେ , ସାମ୍ବାଦିକତା ଓ ବିଶ୍ୱ ସିନେ ଜଗତ ପାଇଁ ତାଙ୍କ ଅବିସ୍ମରଣୀୟ ଅବଦାନ ରହିଛି ବୋଲି ପ୍ରଧାନମନ୍ତ୍ରୀ ତାଙ୍କ ଶୋକ ବାର୍ତ୍ତାରେ ଉଲ୍ଲେଖ କରିଛନ୍ତି । ତାଙ୍କ ବିୟୋଗ ଦେଶପାଇଁ ଏକ ଅପୁରଣୀୟ କ୍ଷତି ଲେଖିôବା ସହ ରାମୋଜୀ ରାଓଙ୍କ ପରିବାରକୁ ସମବେଦନା ଜଣାଇଛନ୍ତି ।

The passing away of Shri Ramoji Rao Garu is extremely saddening. He was a visionary who revolutionized Indian media. His rich contributions have left an indelible mark on journalism and the world of films. Through his noteworthy efforts, he set new standards for innovation and… pic.twitter.com/siC7aSHUxK

— Narendra Modi (@narendramodi) June 8, 2024

କେବଳ ପ୍ରଧାନମନ୍ତ୍ରୀ ନୁହଁନ୍ତି ଗୃହମନ୍ତ୍ରୀ ଅମିତ ଶାହା ମଧ୍ୟ ଏକାଧିକ ଫଟୋ ଟ୍ୱିଟ୍ କରି ରାମୋଜୀ ରାଓଙ୍କୁ ମନେ ପକାଇଛନ୍ତି । ସେ ତାଙ୍କ ଶୋକବାର୍ତ୍ତାରେ ଲେଖିଛନ୍ତି କି, ଗଣମାଧ୍ୟମ କ୍ଷେତ୍ରରେ ଆଣିଥିବା ବୈପ୍ଳବିକ ପରିବର୍ତ୍ତନ ପାଇଁ ସେ ସବୁବେଳେ ଦେଶବାସୀଙ୍କ ମନେ ରହିବେ । ତାଙ୍କ ମୃତ୍ୟୁ ଯନ୍ତ୍ରଣାଦାୟକ ବୋଲି ଅମିତ ଶାହା ଉଲ୍ଲେଖ କରିଛନ୍ତି ।

An illustrious personality, a media stalwart, and an iconic entrepreneur, Ramoji Rao Garu’s passing away is deeply painful news. Blessed with unmatched imagination, Ramoji Rao Garu introduced positive change in a wide range of sectors he worked in, ranging from media to finance… pic.twitter.com/QewhvdK0np

— Amit Shah (Modi Ka Parivar) (@AmitShah) June 8, 2024

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ରାମୋଜୀ ରାଓଙ୍କ ଦେହାନ୍ତକୁ ନେଇ ଦୁଃଖ ପ୍ରକାଶ କରିବା ସହ ଟ୍ୱିଟ୍ କରି ଶୋକ ବ୍ୟକ୍ତ କରିଛନ୍ତି । ସେ ଲେଖିଛନ୍ତି ଯେ, ରାମୋଜୀ ରାଓଙ୍କ ନିଧନ ଗଣମାଧ୍ୟମ ଓ ସିନେମା ଜଗତ ପାଇଁ ଏକ ଅପୂରଣୀୟ କ୍ଷତି । ଏହାସହ ମୋର ସମବେଦନା ରାମୋଜୀ ରାଓଙ୍କ ପରିବାର ଓ ସଂପକୀୟଙ୍କ ପ୍ରତି ରହିଥିବା ସେ ଲେଖିଛନ୍ତି ।

Pained by the demise of Shri Ramoji Rao Garu. He was the doyen of Telugu media who left deep imprints on the media, films and entertainment industry. His passing away is a big loss for the media and film world. My thoughts are with his family and admirers in this sad hour. Om…

— Rajnath Singh (मोदी का परिवार) (@rajnathsingh) June 8, 2024

ଓଡ଼ିଶାର ରାଜ୍ୟପାଳ ଥିବା ରଘୁବର ଦାସ ମଧ୍ୟ ରାମୋଜୀ ରାଓଙ୍କ ଦେହାନ୍ତକୁ ନେଇ ଶୋକ ବ୍ୟକ୍ତ କରିଛନ୍ତି । ଏନେଇ ରଘୁବର ଦାସ କରିଥିବା ଟ୍ୱିଟରେ ଉଲ୍ଲେଖ କରିଛନ୍ତି କି, ଗଣମାଧ୍ୟମ ଓ ସିନେ ଜଗତ ପାଇଁ ଏହା ଏକ ଅପୂରଣୀୟ କ୍ଷତି । ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ମଧ୍ୟ ଶୋକ ବାର୍ତ୍ତା ଦେଇଛନ୍ତି । ସେ ଲେଖିଛନ୍ତି ତାଙ୍କର ଉତ୍ସର୍ଗୀକୃତ ଅବଦାନ ଗଣମାଧ୍ୟମ ଓ ସାମ୍ବାଦିକତାରେ ଏକ ଅବିସ୍ମରଣୀୟ ଚିହ୍ନ ଛାଡି ଯାଇଛନ୍ତି । ତାଙ୍କର ସମ୍ପୂର୍ଣ୍ଣ ଜୀବନ ଏକ ପ୍ରେରଣାର ଉତ୍ସ ବୋଲି ସେ ଉଲ୍ଲେଖ କରିଛନ୍ତି ।

Pained by the demise of Shri Ramoji Rao Garu. He was the doyen of Telugu media who left deep imprints on the media, films and entertainment industry. His passing away is a big loss for the media and film world. My thoughts are with his family and admirers in this sad hour. Om…

— Rajnath Singh (मोदी का परिवार) (@rajnathsingh) June 8, 2024

ଆଜି ସକାଳେ ତାଙ୍କର ଦେହାନ୍ତ ହେବା ପରେ ସକାଳୁ ତାଙ୍କ ପାର୍ଥିବ ଶରୀରକୁ ହାଇଦ୍ରାବାଦ ସ୍ଥିତ ଫିଲ୍ମ ସିଟିର ମୁଖ୍ୟ କାର୍ଯ୍ୟାଳୟକୁ ଅଣାଯାଇଥିଲା । ସେଠାରେ ରାମୋଜୀ ଗ୍ରୁପରେ କାର୍ଯ୍ୟରତ ହଜାର ହଜାର କର୍ମଚାରୀ ଶେଷ ଦର୍ଶନ ପାଇଁ ସେଠାରେ ରୁଣ୍ଡ ହୋଇ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ ।

 

My heartfelt condolences on the passing of Padma Vibhushan, Shri Ramoji Rao Garu, a pioneering figure in the Indian media industry.

His contributions to journalism, cinema, and entertainment have left a lasting impact and transformed the media landscape.

My thoughts are with… pic.twitter.com/2HQOP0rx7V

— Rahul Gandhi (@RahulGandhi) June 8, 2024