ଶ୍ରୀମନ୍ଦିର ଚାରିପାଶ୍ୱର୍ରେ ପୁଣି ହେଲା ଆଲୋକୀକରଣ ବ୍ୟବସ୍ଥା ,ବିବାଦ ପରେ ପୁଣି ଚାରିପାଖେ ଲାଗିଲା ଲାଇଟ୍ । ଜିଲ୍ଲାପ୍ରଶାସନ ପକ୍ଷରୁ ଚାଲିଛି ଲାଇଟ ଲଗାଇବା କାମ ।
କନକବ୍ୟୁରୋ:ରାଜ୍ୟରେ ସରକାର ପରିବର୍ତ୍ତନ ପରେ ଶ୍ରୀମନ୍ଦିରକୁ ଆଲୋକୀକରଣ କରୁଥିବା ଫୋକସ ଲାଇଟକୁ ସଂପୃକ୍ତ ଇଂଭେଟ କମ୍ପାନୀ କାଢିନେବା ନେଇ ସବୁ ସ୍ତରରେ ତୀବ୍ର ପ୍ରକାଶ ପାଇଛି । ଆପଣଙ୍କ ଟିଭି ସ୍କ୍ରିନରେ ରହିଛି ଦୁଇଟି ଚିତ୍ର । ଦୁଇଦିନ ତଳେ ଲାଇଟକୁ ଖୋଲିଦିଆଯାଇଥିଲା । ଆଉ ମୁଖ୍ୟ ଶାସନ ସଚିବ ଏ ନେଇ ଆକ୍ସନକୁ ଆସି ତଦନ୍ତ ନିର୍ଦ୍ଦେଶ ଦେବା ପରେ ପ୍ରଶାସନ ପଦ କ୍ଷେପ ନେଇଛି । ଆଉ ଏକ ଠିକାସଂସ୍ଥା ଦ୍ୱାରା ଫୋକସ ଲାଇଟକୁ ପୁଣି ଲଗାଯାଇଛି । ଲାଇଟ ନେବାବେଳେ ଇଂଭେଟ ସଂସ୍ଥାର ୪ ଜଣଙ୍କୁ ସିଂହଦ୍ୱାର ଥାନାରେ ଅଟକ ରଖାଯାଇଛି । ଶ୍ରୀମନ୍ଦିର ଉନ୍ନୟନ ଅଧିକାରୀ ଫୋକସ ଲାଇଟକୁ ଯୁଦ୍ଧକାଳୀନ ଭିତିରେ ଲଗାଇବା ପାଇଁ ପଦକ୍ଷେପ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋଟି କୋଟି ଲୋକଙ୍କ ଭାବାବେଗ ସହ ଜଡିତ ହୋଇଥିବାରୁ ବଡଦେଉଳରୁ ଫୋକସ ଲାଇଟକୁ କାଢିନେବାକୁ ସହଜରେ ଗ୍ରହଣ କରିପାରିନାହାନ୍ତି ଭକ୍ତ ଓ ବିଭିନ୍ନ ସଙ୍ଗଠନ । ସିଂହଦ୍ୱାର ଥାନାରେ ସଚେତନ ନାଗରିକ ମଂଚ ପକ୍ଷରୁ ଏତଲା ଦିଆଯାଇଛି । ଲାଇଟ କାଢିବାବେଳେ ମଂଚର ସଦସ୍ୟ ଦେଖିଥିବା ଦାବି କରି ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି । ସେପଟେ ଘଟଣା ପଛରେ ଷଡଯନ୍ତ୍ରର ଗନ୍ଧ ବାରିଛି ବିଜେପି । ପ୍ରଶାସନର ହସ୍ତକ୍ଷେପ ପରେ ଫୋକସ ଲାଇଟ ଜଳିିଛି । ଏବେ ପୁଣି ଝଲସିବି ଶ୍ରୀମନ୍ଦିର । କିନ୍ତୁ ପ୍ରଶ୍ନ ଉଠୁଛି ଦୋଷୀଙ୍କ ବିରୋଧରେ ହେବ କି କାର୍ଯ୍ୟାନୁଷ୍ଠାନ?