ଇଲେକ୍ଟୋରାଲ ବଣ୍ଡ ମାଧ୍ୟମରେ ବିଜେପି ପାଇଛି ୭ ହଜାର କୋଟିର ନିର୍ବାଚନୀ ଚାନ୍ଦା । ଜାଣନ୍ତୁ ଅନ୍ୟରାଜନୈତିକ ଦଳମାନଙ୍କୁ ମିଳିଛି କେତେ
କନକ ବ୍ୟୁରୋ : ଇଲେକ୍ଟୋରାଲ ବଣ୍ଡ ସାର୍ବଜନୀନ ହୋଇଛି । ଏଥିରୁ ମିଳିଥିବା ସୂଚନା ମୁତାବକ ଏକାକୀ ବିଜେପିକୁ ୬,୯୮୬.୫ କୋଟି ଚାନ୍ଦା ମିିଳିଛି । କେବଳ ୨୦୧୯-୨୦ ଆର୍ଥିକ ବର୍ଷରେ ବିଜେପିକୁ ସର୍ବାଧିକ ୨,୫୫୫ କୋଟି ଟଙ୍କାର ଚାନ୍ଦା ମିଳିଛି । ନିର୍ବାଚନ ଆୟୋଗ ମୁତାବକ ଏହି ସୂଚନା ସାମ୍ନାକୁ ଆସିଛି । ଏହି କ୍ରମରେ କଂଗ୍ରେସ ନିର୍ବାଚନୀ ବଣ୍ଡ ମାଧ୍ୟମରେ ୧,୩୩୪.୩୫ କୋଟି ଟଙ୍କା ଚାନ୍ଦା ମିଳିଥିବା ବେଳେ ବିଜେଡିକୁ ୯୪୪.୫ କୋଟି ଟଙ୍କା ଚାନ୍ଦା ମିଳିଛି । ସେହିଭଳି ୱାଇଏସଆର କଂଗ୍ରେସକୁ ୪୪୨.୮ କୋଟି, ଟିଡିପିକୁ ୧୮୧.୩୫ କୋଟି ଟଙ୍କା ଚାନ୍ଦା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ କମିଶନଙ୍କ ତଥ୍ୟ ମୁତାବକ ନିର୍ବାଚନୀ ବଣ୍ଡ ମାଧ୍ୟମରେ ଡିଏମକେ ୬୫୬.୫ କୋଟି ଟଙ୍କା ଚାନ୍ଦା ନେଇଥିବା ବେଳେ ଟିଏମସି ୧,୩୯୭ କୋଟି ଓ ବିଆରଏସ ୧,୩୨୨ କୋଟି ଟଙ୍କା ଚାନ୍ଦା ନେଇଛି । ସେହିଭଳି ସମାଜବାଦୀ ପାର୍ଟି ୧୪.୦୫ କୋଟି, ଅକାଳୀଦଳ ୭.୨୬ କୋଟି, ଏଆଇଏଡିଏମକେ ୬.୦୫ କୋଟି, ନ୍ୟାସନାଲ କନଫରେନ୍ସ ୫୦ ଲକ୍ଷ ଚାନ୍ଦା ନେଇଛି ।
ସୁପ୍ରିମକୋର୍ଟଙ୍କ ଆଦେଶ ପରେ ନିର୍ବାଚନ କମିଶନ ନୂଆ ତଥ୍ୟ ରବିବାର ଦିନ ସାର୍ବଜନୀନ କରିଛି । ଏହି ଡାଟା ନିର୍ବାଚନ ଆୟୋଗ ସିଲବନ୍ଦ ଲଫାଫାରେ ସୁପ୍ରିମକୋର୍ଟରେ ଡିପୋଜିଟ୍ କରିଛି ।