ଇତିହାସ ରଚିବ ଆମେରିକା । ଦେଶର ବନ୍ଦ ହେବ ମୃତ୍ୟୁଦଣ୍ଡ । ନିର୍ବାଚନୀ ପ୍ରତିଶୃତି ପାଳନ କରିବାକୁ ପ୍ରସ୍ତୁତ ହେଉଛନ୍ତି ଜୋ-ବାଇଡେନ
କନକ ବ୍ୟୁରୋ : ଆମେରିକା ରାଷ୍ଟ୍ରପତି ଜୋ-ବାଇଡେନ୍ ତାଙ୍କ ଦେଶରେ କୌଣସି ଅପରାଧିଙ୍କୁ ମୃତ୍ୟୁଦଣ୍ଡ ଦେବାର ଥିବା ପ୍ରାବଧାନକୁ ବନ୍ଦ କରିବାକୁ ପ୍ରସ୍ତୁତି ଆରମ୍ଭ କରିଛନ୍ତି । ବାଇଡେନ୍ ରାଷ୍ଟ୍ରପତି ହେବା ପୂର୍ବରୁ ନିର୍ବାଚନ ସମୟରେ ଦେଶର ଲୋକମାନଙ୍କୁ ଏଭଳି ପ୍ରତିଶୃତି ଦେଇଥିଲେ । ଆମେରିକାର ପ୍ରଥମ ରାଷ୍ଟ୍ରପତି ଭାବେ ଜୋ-ବାଇଡେନ ମୃତ୍ୟୁଦଣ୍ଡକୁ ବିରୋଧ କରିଛନ୍ତି । ଏହା ସହ ମୃତ୍ୟୁଦଣ୍ଡ ନେଇ ଥିବା ଆଇନଗତ ପ୍ରାବଧାନ ହଟାଇବାକୁ ସେ ଦେଶର ଆଇନଜୀବୀ ମାନଙ୍କ ସହ ପରାମର୍ଶ କରିବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏସୋସିଏଟେଡ ପ୍ରେସର ସୂଚନା ମୁତାବକ ବାଇଡେନ ପ୍ରଶାସନର ଅଧିକାରୀ ମାନେ କହିଛନ୍ତି କି ଦେଶରେ ମୃତ୍ୟୁଦଣ୍ଡ ବନ୍ଦ କରିବା ପୂର୍ବରୁ ବାଇଡେନ୍ ଏନେଇ ଥିବା ଆଇନଗତ ପ୍ରାବଧାନ ଉପରେ ସମ୍ପୂର୍ଣ୍ଣ ବିଶ୍ଳେଷଣ କରିବାକୁ ପ୍ରସ୍ତୁତ ହେଉଛନ୍ତି । ଏନେଇ ଯଦି ବାଇଡେନ ସନ୍ତୁଷ୍ଟି ପ୍ରକାଶ କରିବେ ତେବେ ଖୁବ୍ ଶୀଘ୍ର ଆମେରିକାରୁ ମୃତ୍ୟୁଦଣ୍ଡ ଦେବା ନେଇ ଥିବା କାନୁନ୍ ରଦ୍ଦ ହେବ ।
ବର୍ତ୍ତମାନ ବାଇଡେନଙ୍କ ସହିତ ମୃତ୍ୟୁଦଣ୍ଡ ଆଇନ ଶେଷ କରିବାକୁ ନେଇ ହୋଇଥିବା ଚର୍ଚ୍ଚାରେ ସାମିଲ ହୋଇଥିବା ଅଧିକାରୀ ମାନେ ଏହା ଉପରେ କିଛି କହିବାକୁ ମନା କରିଦେଇଛନ୍ତି । ହ୍ୱାଇଟ୍ ହାଉସର ପ୍ରେସ ସଚିବ ଜେନ୍ ପାକ୍ସି ଶୁକ୍ରବାର ଦିନ କହିଛନ୍ତି କି ଗଣମାଧ୍ୟମ ଆଗରେ ଏନେଇ କିଛି କହିବାର ସମୟ ଆସିନାହିଁ ।