ପ୍ରଧାନମନ୍ତ୍ରୀ ଆନ୍ଦୋଳନ ପ୍ରତ୍ୟାହାର କରିବା ନେଇ କରିଥିବା ଅପିଲ ଉପରେ ରାକେଶ ଟିକାୟତଙ୍କ ବୟାନ । ‘ଆଲୋଚନା ପାଇଁ ଆମେ ପ୍ରସ୍ତୁତ ହେଲେ ଏମଏସପିକୁ ଆଇନସିଦ୍ଧ କରିବାକୁ ସରକାର ଦିଅନ୍ତୁ ପ୍ରତିଶୃତ’
କନକ ବ୍ୟୁରୋ : ଆଜି ରାଜ୍ୟସଭାକୁ ସମ୍ବୋଧିତ କରିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷକ ଆନ୍ଦୋଳନ ବନ୍ଦ କରିବାକୁ ଅପିଲ କରିଛନ୍ତି । ପ୍ରଧାନମନ୍ତ୍ରୀଙ୍କ ଏଭଳି ଅପିଲ ପରେ କୃଷକନେତା ରାକେଶ ଟିକାୟତ ପ୍ରତିକ୍ରିୟା ରଖିଛନ୍ତି । ଟିକାୟତ କହିଛନ୍ତି କି ଭୋକ ଉପରେ ବେପାର କରନ୍ତୁ ନାହିଁ । ଏଭଳି କରୁଥିବା ଲୋକଙ୍କୁ ଦେଶ ବାହାରିକୁ ପଠାଇ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ସେ କହିଛନ୍ତି କି ଯଦି ସରକାର ଆଲୋଚନା କରିବାକୁ ଚାହୁଁଛନ୍ତି ତେବେ ଆମେ ପ୍ରସ୍ତୁତ ଅଛୁ ହେଲେ ଆମେ ପୂର୍ବରୁ ଯେଉଁ ଦାବି ଉଠାଇଛୁ ସେଥିରୁ ଆମେ ଉହୁରିବୁ ନାହିଁ । ନୂତନ କୃଷି ବିଲରେ ସରକାର ଯେଉଁ ୧୫ ଟି ପ୍ରାବଧାନକୁ ସଂଶୋଧନ କରିବାକୁ ଚାହୁଁଛନ୍ତି ତାହା ସରକାର ସ୍ପଷ୍ଟ କରନ୍ତୁ ଓ ତା’ପରେ ଆମକୁ ଆଲୋଚନାକୁ ଡାକନ୍ତୁ । ଏହା ସହ ଶ୍ରୀ ଟିକାୟତ କହିଛନ୍ତି କି ଦୁଗ୍ଧ ମାମଲାରେ ଦେଶର ଅବସ୍ଥା ଠିକ୍ ନାହିଁ । ଏହା ଉପରେ ନୂତନ କୃଷିବିଲ୍ ଲାଗୁ ହେଲେ ତୁର୍କି ଭଳି ଭାରତକୁ ବି ଦୁଗ୍ଧ ଓ ଦୁଗ୍ଧଜାତ ସାମଗ୍ରୀ ବାହାର ଦେଶରୁ ମଗାଇବାକୁ ପଡିବ । ସେ ଆହୁରି କହିଛନ୍ତି କି ପ୍ରଧାନମନ୍ତ୍ରୀ ଚାଷୀଙ୍କୁ ଅପିଲ୍ କରିବା ପୂର୍ବରୁ ସମସ୍ତ ସାଂସଦ ମାନଙ୍କୁ ଅପିଲ୍ କରନ୍ତୁ କି ସେମାନେ ତାଙ୍କ ପେନସନ୍ ଛାଡି ଦିଅନ୍ତୁ ।
କହିରଖୁ କି ସୋମବାର ପ୍ରଧାନମନ୍ତ୍ରୀ ରାଜ୍ୟସଭାକୁ ସମ୍ବୋଧିତ କରିବା ବେଳେ କହିଥିଲେ କି ନୂତନ କୃଷିବିଲ୍ ଲାଗୁ ହେଲେ ବି ଏମଏସପି ଆଗଭଳି ବଳବତ୍ତର ରହିବ । କୃଷକ ମାନେ ଆନ୍ଦୋଳନରୁ ଉହୁରି ଯାଆନ୍ତୁ । ସରକାର କୃଷକ ମାନଙ୍କ ସହିତ ଆଗରୁ ଆଲୋଚନା କରିଛନ୍ତି ଓ ଆଗକୁ ବି ଆଲୋଚନା କରିବାକୁ ପ୍ରସ୍ତୁତ ଅଛନ୍ତି ।