କଂଗ୍ରେସର ଆକାଉଣ୍ଟ ଫ୍ରିଜ୍ । ରାହୁଲ କହିଲେ, ଆମ ପାଖରେ ୨ ଟଙ୍କା ବି ନାହିଁ । ଭାରତରେ ନାହିଁ ଗଣତନ୍ତ୍ର ।
କନକ ବ୍ୟୁରୋ: କେନ୍ଦ୍ର ସରକାରଙ୍କ ଉପରେ ବର୍ଷିଲେ କଂଗ୍ରେସ ନେତା ରାହୁଲ ଗାନ୍ଧୀ । କଂଗ୍ରେସର ଆକାଉଣ୍ଟ ଫ୍ରିଜ୍ ହେବା ଘଟଣାରେ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ରାହୁଲ । ସେ କହିଛନ୍ତି, ବିଶ୍ୱର ସବୁଠୁ ବଡ ଗଣତନ୍ତ୍ର ଏକ ମିଛ କଥା । ଭାରତର ସବୁଠୁ ବଡ ପାର୍ଟିର ଆକାଉଣ୍ଟକୁ ଫ୍ରିଜ୍ କରିଦିଆଯାଇଛି । ଆଜି କଂଗ୍ରେସ ପାଖରେ ୨ ଟଙ୍କା ବି ନାହିଁ, ନେତାମାନଙ୍କର ସାହାଯ୍ୟ କରିବାକୁ । ଏମିତି କି ଟିକେଟ୍ କିଣିବାକୁ ମଧ୍ୟ ଦଳ ପାଖରେ ଟଙ୍କା ନାହିଁ ବୋଲି ରାହୁଲ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାହୁଲ ଆହୁରି ମଧ୍ୟ କହିଛନ୍ତି ଯେ, ଦେଶର ସମସ୍ତ ଲୋକ ଜାଣିଛନ୍ତି, ଯେତେବେଳେ କାହାର ବ୍ୟାଙ୍କ ଆକାଉଣ୍ଟ ଓ ଏଟିଏମ୍ କାର୍ଡକୁ ଫ୍ରିଜ୍ କରାଯାଏ, ସେତେବେଳେ କେତେ ଅସୁବିଧା ହେଇଥାଏ । ଯଦି ଏପରି ଘଟଣା ଗୋଟିଏ ପରିବାର ସହ ହୁଏ, ତେବେ ସେ ପରିବାର ଭୋକରେ ମରିଯିବ । କୌଣସି ବ୍ୟବସାୟୀ ସହ ହେଲେ, ସେ ବର୍ବାଦ ହେଇଯିବ । ସେହିଭଳି ସମାନ ଘଟଣା ଏବେ କଂଗ୍ରେସ ସହିତ କରାଯାଉଛି । ଯାହା ଫଳରେ କି ଆମେ ଆମ ନେତା ଓ କାର୍ଯ୍ୟକର୍ତ୍ତାଙ୍କୁ ଟଙ୍କା ଦେଇପାରୁନୁ ବୋଲି ରାହୁଲ କହିଛନ୍ତି ।
#WATCH | On freezing of party accounts ahead of Lok Sabha elections, Congress MP Rahul Gandhi says, “This is a criminal action on the Congress party, a criminal action done by the Prime Minister and the Home Minister…So, the idea that India is a democracy is a lie. There is no… pic.twitter.com/W9SOKyxU4z
— ANI (@ANI) March 21, 2024
ସରକାର ଉପରେ ଆରୋପ ଲଗାଇ ରାହୁଲ କହିଛନ୍ତି, ଆମ ନେତାମାନେ କୌଣସି ସ୍ଥାନକୁ ଯା’ ଆସ କରିପାରୁନାହାଁନ୍ତି । ଏମିତି କି ଟ୍ରେନରେ ମଧ୍ୟ ଯିବା ଆସିବା କରିପାରୁନାହାଁନ୍ତି । ଗୋଟିଏ ସହରରୁ ଅନ୍ୟ ସହରକୁ ଯିବା କଂଗ୍ରେସ ନେତାଙ୍କ ପାଇଁ କଷ୍ଟକର ହେଉଛି । ଆମେ ବିଜ୍ଞାପନ ମଧ୍ୟ ଦେଇପାରୁନୁ । ଆମ ପାଖରେ ଏବେ ଦୁଇ ଟଙ୍କା ବି ନାହିଁ ବୋଲି ରାହୁଲ କହିଛନ୍ତି । ରାହୁଲ ଗାନ୍ଧୀ ସାମ୍ବିଧାନିକ ସଂସ୍ଥା ଉପରେ ମଧ୍ୟ ପ୍ରଶ୍ନ କରି କହିଛନ୍ତି, ଦେଶରେ ସାମ୍ବିଧାନିକ ସଂସ୍ଥା ଅଛି? କୋର୍ଟ, ନିର୍ବାଚନ ଆୟୋଗ ଏବଂ ଅନ୍ୟ ସଂସ୍ଥା ଏ ସବୁ କିଛି ଦେଖି ବି କିଛି କହୁନାହାଁନ୍ତି । ନିର୍ବାଚନ ଆୟୋଗ ମଧ୍ୟ ଚୁପ୍ ଅଛନ୍ତି । ଭାରତରେ ଲୋକତନ୍ତ୍ର ରହିଥିବା ଏକ ମିଛ କଥା ବୋଲି ରାହୁଲ କହିଛନ୍ତି ।