ଆଇପିଏଲରେ ମୁମ୍ବାଇର ଉତ୍କଣ୍ଠାପୂର୍ଣ୍ଣ ବିଜୟ : ଦିଲ୍ଲୀ କ୍ୟାପିଟାଲ୍ସକୁ ୬ ୱିକେଟରେ ହରାଇଲା ଦଳ; ଫର୍ମକୁ ଫେରିଲେ ରୋହିତ ଶର୍ମା
କନକ ବ୍ୟୁରୋ : ଲଗାତର ଦୁଇଟି ମ୍ୟାଚ୍ରେ ପରାଜୟ ପରେ ଜିତିଲା ମୁମ୍ବାଇ । ଦିଲ୍ଲୀ କ୍ୟାପିଟାଲ୍ସକୁ ୬ ୱିକେଟରେ ପରାସ୍ତ କଲା ଦଳ । ଫର୍ମକୁ ଫେରିଲେ ଅଧିନାୟକ ରୋହିତ ଶର୍ମା । ୬୫ ରନର ଅର୍ଦ୍ଧଶତକୀୟ ଇନିଂସ ଖେଳିଥିଲେ ରୋହିତ । ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ ଡେଭିଡ୍ ୱାର୍ଣ୍ଣର ଓ ଅକ୍ଷର ପଟେଲଙ୍କ ଅର୍ଦ୍ଧଶତକୀୟ ପାଳି ସହଯୋଗରେ ୧୭୩ ରନ୍ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଓପନର ଡେଭିଡ୍ ୱାର୍ଣ୍ଣର ୫୧ ରନ୍ କରିଥିବା ବେଳେ ପୃଥ୍ୱୀ ସ’ ୧୫ ରନ୍ କରି ଆଉଟ୍ ହୋଇଥିଲେ । ମନୀଷ ପାଣ୍ଡେ ୨୬ ଓ ଅକ୍ଷର ପଟେଲ ୫୪ ରନର ଇନିଂସ ଖେଳିଥିଲେ । ଜବାବରେ ମୁମ୍ବାଇ ୪ ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିନେଇଥିଲା । ଓପନର ରୋହିତ ଶର୍ମା ୬୫ ରନ୍ କରିଥିବା ବେଳେ ଇଶାନ କିଷନ ୩୧ ରନ୍ କରିଥିଲେ । ସେହିପରି ତିଲକ ଶର୍ମା କରିଥିଲେ ୪୧ ରନ୍ । ମୁମ୍ବାଇଠାରୁ ହାରିବା ପରେ ଦିଲ୍ଲୀ ଚଳିତ ଆଇପିଏଲରେ ଚତୁର୍ଥ ମ୍ୟାଚ୍ ହାରିଛି ।